حساس الكامة - فابيا 1400

**badshakhan** · 25-04-2013 01:50 AM

يا جماعه انا عندي مشكلة ومش عارف حلها
دلؤقتي انا عربيتي فابيا 1400 واحد كامة موديل 2003 هاتشباك والمشكلة ان العربية بتفصل مني كتير على السلانسية وتبطل ولو مبطلتشي الار بي أم يطلع وينزل لحد ماتفصل ده غير انها سحبها بقى زي الزفت مش بتجيب اكتر من 120 / 130 كيلو واستهلاكها البنزين كتير اوي بتعمل معاية في ال 100 كيلو حوالي 18 لحد 20 لتر
فرحت عند كهربائي تامر الي في الحرفيين وكشف عليها بالجهاز وقالي انها مسمعه حساس كامة وانه هو الى عامل المشاكل دية فقالي لازم تعمل حاجة من التلاتة:

اروح لميكانيكي سكودا ويراجع على التقسيمة - بس انا كنت مغير سير التقسيمة من حوالي سنتين عند سيد جولف والتقسيمة زي الفل وظبوطة على الشعرة
انى اغير حساس الكامة - نفس الوقت قالي فين وفين لما الحساس ده يبوظ
اني اغير الكنترول بتاعها لو الاتنين الي فاتوا دول سلام

انا بجد احترت ومش عارف اعمل ايه
وشكرااااااااااااااا

**magedkahla** · 25-04-2013 05:17 PM

انت تريح دماغك من كل ده وتروح لمكانيكي كويس هوو يكشف عليها ويا ريت لو مركز خدمة متكامل يكون عندو مكانيكي وكهربائي وكل حاجة وتديلو العربية يكشف عليها ويعيش هو ويقولك فيها ايه وانا ارشحلك محمد سمير

**badshakhan** · 26-04-2013 01:19 AM

المشاركة الأصلية كتبت بواسطة magedkahla

انت تريح دماغك من كل ده وتروح لمكانيكي كويس هوو يكشف عليها ويا ريت لو مركز خدمة متكامل يكون عندو مكانيكي وكهربائي وكل حاجة وتديلو العربية يكشف عليها ويعيش هو ويقولك فيها ايه وانا ارشحلك محمد سمير

الف شكر على الرد وكنت عاوز اعرف فين مكانه محمد سمير