تقـــــــــــرير صيانة 30.000 كم :: النترا 2012 ::
السلام عليكم ورحمة الله وبركاتة أحبائى فى الله .. بعتذر عن غيــــــــابى طوال الفترة السابقة بسبب ظروف خاصة بيـــا ومازالت فيها *ادعولى تعدى على خير*
http://nileup.com/up/uploads/nilemotors_13668444991.jpg
طبعــا الجواب باين من عنوانة والانســة فلة *عروستى الـــMDــــ* جاهزة لصيانة 30.000 كم المهم اتصلت بخدمة عملاء هبــــــور *العبور* وحجزت معاهم ميعــــاد وكان الساعة 10 صبـــاحا واتأخرت 10 دقائق واكلمهم اقولهم الطريق كـــان زحمة وكدة قولولى انت اتأخرت على ميعادك احجز يوم تــــانى *قال يعنى منظمين اوووى*
http://nileup.com/up/uploads/nilemotors_13668444992.jpg
المهم حجزت يوم تانى وحاولت استسفر عن تكلفة الصيانة *تقولى ممنوع يافندم* قال يعنى هتقولى على اسرار حرب مثلا ! و روحت قبل ميعادى بـربع ساعة ! ودخلت الاستقبــــال واخدت رقم وبعد كدة جالى المهندس / رامى وكانت ملاحظـــــاتى كالاتى :
(1) صوت طقطقة صادر من الفرامل .
(2) لمبة الصالون محتاجة تغييرة .
http://nileup.com/up/uploads/nilemotors_13668444993.jpg
استلم العربية منى على 12:15 وفضلت واقفة برة لغاية 12:30 *عقبال ماغطوها*
1:00 دخلت صالة الصيانة ومحدش جة جنبها لغاية 1:30 *حاجة تحرق الدم ويقولك ملتزمين بالمواعيد*
4:15 ندهوا على رقمى وجالى المهندس ووضحلى اى اللى اتعمل فى الصيانة ..
http://nileup.com/up/uploads/nilemotors_13668472511.jpg
(1) رجلاش الفرامـــل .. وتشييك على فرامل اليد .
*وطبعا قالى الطقطقة دية محتاجة تغير جوز كوبلن* !! :evil:
طب متغيروش ليـة اصلهم مش موجودين وبعتلك اوردر بيهم وكنت لسة هديلة فوق دماغة لحقنى الصراحة وقالى دوول هيتغيروا على حساب الضمان:wink14: *
(2) تغيير الفلتر والزيت .
(3) غسيل المحرك بالفوم .
(4) ولمبة مش موجودة ولا عندهم ولا فى المخازن ! وتمنها 15 جنية :hungry:
تكلفة الصيانة والزيت : 652 جنية .
انطبــــــــاعى عن المكان :
http://nileup.com/up/uploads/nilemotors_13668475081.jpg
مــــازال محتفظ برونقة اكنة لسة مفتوح جديد .
*جيد*
انطبــــــــاعى عن الاكل والمشروبات :
+ أنا جربت برجر جامبو *ميتأكلش اصلا *
*ضعيف جـــدا*
+ المشروبات اديها :
*مقبول* .
انطبــــــــاعى عن الفنيين :
تلاقى الفنى من دوول ياخد اوردر الشغل من هنا يبص فية ميعجبوهاش يسبيوا ويشوف اللى بعدوا يأما يبدأ فية شوية ويسيبوا وشوية ويرجع يكمل تانى !:beatbrick: فكرونى *بهبور قليوب* لو فضلوا بنفس الاسلوب دة *يبقى علية العوض* *ضعيــــــــــــــــــــف*
وطبعـــــا وأنا راجع فى امانة الله واحد ابن حلال بربع نقل خبط العربية وكلابسات الاكصطدام ضربت واتكسر من فوق والرفرق اليمين اتطبق :_Alshmokh11: *الحمدلله على كل شئ* ضريبة العين والحسد !!!
طـــــــولت عليكـــــوا وريارب التقرير يعجبكم ..
فى رعاية الله .