طيب المياه الزرقا فيها أيه مياه مقطرة ( يعنى سبق تبخيرها وتكثيفها ) فمش حيكون فيها أملاح لو أتبخرت تانى فى الرايداتر +مواد مانعة للصدأ + مواد كيمائية أخرى ومنها إيثلين جيليكول . والمياه دى بتكون درجة غليانها أعلى من المياه العادية مما يرفع من كفأة دورة التبريد
المية الخضراء بيبقى فيها كمان مواد لتزيت طرمبة المية وترموستات الكوعة واى اجزاء متحركة فى دورة التبريد
أنضف مياه هى مياه موبيل سواء الخضرا أو الزرقا الجركن 4 لتر ب 80 جنيه وتركيزها بيكون 33 % وسيبك من الكنزات والإبرو والكلام الفاضى ده بيبقى لون ومياه مقطرة وخلاص .
فية عندك مية توتال البرتقالى 65 جنية وشل الحمراء 70 جنية وايدا اسبانى اللتر ب 20 جنية وكلهم تركيز 30%
أوعى تزود مياه حنفية عشان الأملاح واوعى تزود مياه خضرا أو زرقا من اللى حتفضل فى الجركن لأنك حتزود نسبة المواد الكيماوية اللى فى المياه لآن اللى بيتبخر المياه المقطرة وبيفضل المواد الكيماوية ولو زودت مياه خضرا يبقى بتزود نسبة المواد الكيماوية مما يعرض الراداتير للتآكل .
اختلف مع حضرتك يجب تزويد مية خضراء او حمراء ولايجب تزويد مية مقطرة لوحدها ودة علشان كده بتخفف تركيز المية الخضراء وخصوصا ان المواد الكيميائية اللى فيها بتتحلل بالحرارة ويجب الحفاظ على تركيز لايقل عن 30% علشان مايحصل صداء فى دورة التبريد !!
وللعلم موضوع الغسيل وتغيير المياه ده بيتعمل مرة كل سنتين عشان تحافظ على دورة التبريد.
وعلشان الأهم ان المية الخضراء ليها مده صلاحية سنتين مع الأستعمال والحرارة بتحلل المادة الكيميائية ويبدء يحصل الصداء فى دورة التبريد
أخيراً وللأمانة لو دورة التبريد مش سليمة عندك وفيها تراكم صدأ وأملاح معالج الصدأ اللى فى المياه الخضرا بيدوبها فتبدا تنزل فى مياه القربة وتبدأ تظهر عيوب دورة التبريد ( عشان ما ترجعش تقول إن السبب هى المياه الخضرا ) . السبب هو عيب دورة التبريد ولكن المياه الخضرا أظهرته
بس ده مش عذر انك ماتغسلش دورة التبريد وتحط ميه خضراء بالعكس انت تحطها وتعالج مشاكل التسريب اللى حتظهر سواء من الرادياتير والخراطيم وترتاح من المشاكل الرهيبة اللى بتعملها الأملاح فى وش السلندر وبلوك الموتور تحياتى !!