سلسلة علم نفسك: الدرس السادس عشر(شرح تفصيلى اصلاح عوامة البنزين)

السلام عليكم ورحمة الله وبركاته
اليوم شرح عملى كيفة ضبط واصلاح عوامة البنزين

طبعا من كام يوم كدا العوامة بدات تهيس معايا يعنى افول فول تانك العداد يبقى نايم خالص امشي يومين ثلاثة كدا يبدا العداد يعلى امشى كمان يومين كدا الاقى العداد بسم الله مشاء الله فول تانك ياه تفويل ذاتى من غير ما ادخل محطة بنزين !!!!!!!!!
وبعد يومين ينام ولمبة التحزير مبتنورش المهم انا فاهم الموضوع ومعايا 10 لتر بنزين فى جركن فى شنطة العربية للذنقة ربنا ميتبها علينا ولا عليكم....
اليوم 25 ابريل اجازة ياااااااااااه ثلاث ايام اجازة ملل والله صبحت قولت اشوف موضوع العوامة دا وتم اصلاحها بالفعل واشتغلت تمام التمام واليكم الشرح بالصورطبعا انا حشرح بالتفصيل الممل يعنى علشان الزملاء الجدد اللى معندهمش ادنى فكرة ممكن يتعلموا من الموضوع دا....
العــــــــــــــوامة
الصورة الأولى بتوضح الكنبة الخلفية قبل عمل اى شئ

http://www9.0zz0.com/2013/04/25/09/457188959.png

الصورة الثانية بتوضح ازاى تحرر مسند الكنبة الخلفية من الجهتين للتمكن من اخراج الكنبة بالكامل خارج السيارة

http://www9.0zz0.com/2013/04/25/09/324839262.png


الصورة الثالثة بتوضح ثنى المسند على الكنبة وبالتالى يتم الشد الى اليمين مع الرفع لاخراج الكنبة من المشقبيات اللى فى ارضية السيارة


http://www9.0zz0.com/2013/04/25/09/138146854.png


الصورة الرابعة تم تحرير الكنبة بالكامل


http://www9.0zz0.com/2013/04/25/10/651590784.png


الصورة الخامسة توضح الغطاء الواقى لعوامة البنزين


http://www9.0zz0.com/2013/04/25/10/827894494.png


الصورة السادسة العومة احمدك يارب شايفين شكلها والاسلاك والوانها احفظوهم بقى


http://www9.0zz0.com/2013/04/25/10/770799663.png


الصورة السابعة تم فك القيفزان وتحرير خراطيم البنزين الراجع والتغذية

http://www9.0zz0.com/2013/04/25/10/180551898.png



الصورة الثامنة تم فك جميع الأسلاك ويتم فك الصامولة الكبيرة بالايد ختى نتمكن من تحرير العوامة

http://www9.0zz0.com/2013/04/25/10/601030621.png


الصورة التاسعة شكل فتحة التانك وشايفين اهو بنزين كتييييييييير مش مية طرشى ولا حاجة هههههههههههههه


http://www9.0zz0.com/2013/04/25/10/259139887.png


الصورة العاشرة شكل العوامة عند ولادتها من تنك البنزين وايضا وضعيتها هكذا عند زرعها فى رحم التانك بتاع البنزين شفتم العجل بيتولد ازاااااااااى اهى العوامة بتتولد كدا ههههههههههههههه


http://www9.0zz0.com/2013/04/25/10/965513320.png


الصورة الحادية عشر مسمار ربط زراع العوامة مع شفرة التلامس


http://www9.0zz0.com/2013/04/25/10/839815575.png



الصورة الثانية عشر وهى اهم اجزاء عوامة البنزين

http://www9.0zz0.com/2013/04/25/10/844384311.png


وهى ابرة التلامس الى تمر على المقاومة السلكة لقطع التيار واعطاء اشارة التيار اللمثل لكمية البنزين عارفين فولين الراديو لما بنلفة ازاى بيعلى الصوت ويوطى الصوت نفس فكرة العوامة
اخنا بنلاقى كربون ووسخ كتير على الشفرة دى بنمسحها بحزر وممكن نستغين باى من المركبات الكيماوية المخصصة للتنظيف ويتم احناء الشفرة الى اعلى حتى اذ تم ربطها تكوم ملامسة للمقاومة السلكة هذا ضرورى جدا حيث اننى وجد العيوب التى شرحتها فى رئس المووضوع سببها انحناء الشفرة وعدم ملامستها للمقاومة
اه عارفين كان بيعمل فول تانك لوحد ازاع ؟؟؟؟
وجدت زراع الفلو التى بنهايته قطعة الفلين يلامس الفلتر ويدقر فيه احياننا تم ازاحته للخارج بحزر ايضا حتى لا يعوق حركته شئ....
وهذا وفضل من الله على ومنة منه اشكرة على ما قدرنى اليه واجعل هذا العمل خالص لوجة الله تعالى ولا انتظر كلمة شكر من أحد ولاكن انتظر استفسارتكم بخصوص الموضوع....

الله يفتح عليك.

الخط ظاهر بلغة غير مقرؤة !!!

اقتباس:

---

المشاركة الأصلية كتبت بواسطة ahmedfathy15

الخط ظاهر بلغة غير مقرؤة !!!

---

ازاى الخط مش واضح المشكلة عندك فى المتصفح استعمل جوجل كروم او الفيرفوكس او الأوبرا....*

يعنى سيبك من اكسبلولر العتيق دا........

تسلم ايدك يا استاذ صبحى

الله ينور يا عم صبحـــى

عاوز اعمل الكلام ده عشان عندى نفس المشكله العداد بمزاجه

بس انا ممكن اشترى واحده جديده واركبها بنفسى ان شاء الله بس يارب الاقى وقت

اقتباس:

---

المشاركة الأصلية كتبت بواسطة mostafa.ramdan

الله ينور يا عم صبحـــى

عاوز اعمل الكلام ده عشان عندى نفس المشكله العداد بمزاجه

بس انا ممكن اشترى واحده جديده واركبها بنفسى ان شاء الله بس يارب الاقى وقت

---

مصطفى رمضان !!!!!!!!!!!! انتا كنت غطسان فين يابنى انتا واحشنى والله كتير ودايما على بالى بقالى زمان مشفتكش هنا لعل المانع خير يادرش........

موضوع جميل ياكبير انا عندى العوامة بتبقى اعلى من المعدل اول مشغل العربية بعدين المؤشر بينزل واحدة واحدة يرجع طبيعى بس بردو التدريج مش متظبط هل حلها التنضيف دة

موضوع بجد مفيد خصوصا ان تلت اربع العربيات دي كده بس جيت في الاخر بقي بعد ما نضفته ودفعت خمناشر جنيه

تسلم ايدك ..

دا بالتفصيل يا عم صبحي بسم الله ما شاء الله ربنا يبارك فيك

الله عليك يا عم صبحى يا غالى تسلم اديك

يا عم صبحى الله ينور على الشغل الجامد ده .... بس فى مشكلة عندى ان العوامة فيها اربع ترامل هل من المفروض ان يكون فى اربع فرد سلك علشان انا عندى ثلاثة بس والعداد واقف فى النص على طول مع الوان السلك اصفر وازرق وبرتقالى والمفروض ان الفردة الرابعة ده ارضى صح ولا ايه

اقتباس:

---

المشاركة الأصلية كتبت بواسطة subtotal

يا عم صبحى الله ينور على الشغل الجامد ده .... بس فى مشكلة عندى ان العوامة فيها اربع ترامل هل من المفروض ان يكون فى اربع فرد سلك علشان انا عندى ثلاثة بس والعداد واقف فى النص على طول مع الوان السلك اصفر وازرق وبرتقالى والمفروض ان الفردة الرابعة ده ارضى صح ولا ايه

---

العوامة الاطراف العاملة فيها 3 اطراف والرابع ارضى وطبعا كلنا عارفين ان تانك البنزين فيبر مش صاج وفية كمان جوان مطاطى لاحكام العوامة وعدم تسرب البنزين من اعلى فبكدا جسم العوامة مفصول تماما عن اى جزء قد يتم توصيلة بارضى السيارة فمن المفترض انك الطرف الثالث توصل بيه سلك وتربطه فى جسم السيارة فى اى نقطة قريبة وممكن تحشرة بين الغطاء الصاج والفتحة وتقفل ....*بكدا يبة انتا وصلت الارضى للعوامة من غير كدا العوامة مش حتكون مظبوطة ابدا....*

انا حاولت اعمل كدة ولكن عند فك الصمولة صعب جدا نظرا لضيق المكان لان الغطاء عندي كبير عن الذي في الشرح ومحتاج مفتاح كتينة مع اني كنت طابع الدرس وهو معي للان منذ ان حاولت من 4لشهر

اقتباس:

---

المشاركة الأصلية كتبت بواسطة حسن محمود احمد

انا حاولت اعمل كدة ولكن عند فك الصمولة صعب جدا نظرا لضيق المكان لان الغطاء عندي كبير عن الذي في الشرح ومحتاج مفتاح كتينة مع اني كنت طابع الدرس وهو معي للان منذ ان حاولت من 4لشهر

---

استاذ حسن دى صامولة بلاستيك يعنى ممكن حضرتك تكبشها بايديك الاثنين وتلفها امسكها بكلاوى ايديك الثنين واعصر وشد عليها وهى حتفك المفتاح ممكن يكسرها انشف عليها شوية وحى حتفك....* اوعى عقلك يوزك وتسخن عليها !!!!!!!!!!*هههههههههههههههه

اقتباس:

---

المشاركة الأصلية كتبت بواسطة حسن محمود احمد

انا حاولت اعمل كدة ولكن عند فك الصمولة صعب جدا نظرا لضيق المكان لان الغطاء عندي كبير عن الذي في الشرح ومحتاج مفتاح كتينة مع اني كنت طابع الدرس وهو معي للان منذ ان حاولت من 4لشهر

---

السلام عليكم
هات حتة خشبة وصدرها فى الصامولة البلاستك ودق عليها خفيف وخلى بالك وسوف تفك معاك ان شاءالله ...........انا عملت كدة لانها كانت فعلا جامدة جدا

شكرا علي يا جماعة الخير

اسف كلمة الرد سقطت مني ومرة اخري باشكركم علي الاهتمام والرد

اقتباس:

---

المشاركة الأصلية كتبت بواسطة حسن محمود احمد

اسف كلمة الرد سقطت مني ومرة اخري باشكركم علي الاهتمام والرد

---

ههههههههههه خلى بالك اوعى حاجة تسقط منك فى التانك احنا مقدرين ومستحملين ههههههههههههه