حاجة غريبة فيكترا 97

**ahmed_magdy_shaaban** · 15-08-2008 02:11 AM

النهاردة كنت رايح مشوار لحد أكتوبر.المهم مشيت بالعربية تقريبا نص ساعة.بعدين وقفت في الإشارة.لما مشيت تاني.لقيت صوت المروحة عالي أوي ي ي ي.ببص في الحرارة لاقتها علي الأحمر.بطلت العربية بسرعة و نزلت لقيتها غرقت الشارع ونزلت كل اللي فيها.فتحت الكبوت وسبتها لحد ما بردت ووصلت عند 80.بعدين دورت وحطيتلها ميه بدل اللي راحت وكنت زعلان أوي لأن كان فيها مية خضرة.المهم حطيت المية و قفلت وسبتها دايرة وتابعت الحرارة لحد ما إتظبطت.ومشيت.طلعت علي المحور.أجربها عشان أطمن إن الموتور مجارلوش حاجة.ما شاء الله لا قوة إلا بالله جابت 170 علي الرابع!!!بس الغريب إن صوت الموتور بقي عامل بالظبط زي صوت موتور الهوندا vtec المميز!!!!!حد عنده تفسير للكلام ده؟ آسف جدا علي الإطالة

**amir_ezzat** · 15-08-2008 02:07 PM

عن موضوع السخونه لازم ترجع كل حاجه من اول غطاء قربه المياه لحد الترموتساتات اللى بيقفل الى الميه السخنه لو المتور بارد قوى علشان موضوع الحراره ده مش يتكرر تانى
اما موضوع صوت المتور ده مش عارف عنه اى حاجه بس انا عايزك تجرب العربيه تانى يوم الصبح بعد ما تبرد خالص وتجرب تتدور وتشوف ايه اللى هيحصل لو دارت عادى يبقى الحمد لله كل 100 100 لو اتاخرت او دارت 3 راجع اى ميكانكيى وربنا يسترها عليك يارب
ويابرك ليك فيها

**wael6600** · 17-08-2008 12:12 PM

الموقف دا يا باشا حصلى فى فيكترا 94 اكتر من مره ان العداد ييجى على الاحمر وكل دا كان بسبب المروحه لانها كانت بتعلق شويه تشتغل وشويه لغايه لما الردياتير ضرب منى وشجره الميه كمان

ونصيحتى ليك انك تشوف الميكانيكى بتاعك وتشوف موضوع السخونه ايه السبب بتاعه علشان ما تتكررش تانى ان شاء الله