الموضوع: سؤال بخصوص الفئة الخامسة أوائل الالفينات

المشاركة الأصلية كتبت بواسطة LeitoSR

أكيد ال 525 أستهلاكها أعلي من 523,,
بس العربية عمتاً تقيلة جدا وأستهلاك البنزين عالي جوا البلد.
وقطع الغيار ممكن تنزل في يوم علي محلات الاكسسوار اعرفها بنفسك أو بالتليفون من التوكيل للاجزاء الميكانيكة وصيانات السيور والفلاتر والكلام دا. وخلي ال Body work من بره التوكيل..
وفي الوقت اللي احنا داخلين فيه علي رفع الدعم عن المواتير الأكبر من 1600 سي سي
أنصحك تفكر في حاجة جديدة 1600 هيكون أختيار أنسب.

بالتوفيق فالأختيار.

بصراحة حضرتك ب لم تفيدنى تماما و تتكلم فى حاجات بعيدة خالص عن طلباتى ،،، أولا ال 525 ليه بتستهلك بنزين أكثر من 523 مع إن الاثنين 2500 سي سي ،، ثانيا أنا بسأل على اسعارقطع الغيار فى العموم ،،يعنى إللى عنده خبره فيهم يقدر يقولى الاتنين واحد ولا حاجة أعلى من حاجة ولا متوفرة ولا لأ ،،، ومش نطقى ابدا انزل الحرفيين مثلا ولا أسأل الوكيل بالتليفون اقوله إيه اخبار قطع الغيار ، أو اشال أى ميكانيكى عن صيانة السيور أو الكلام ده ، وبعدين العربي لواحد صديق ليا كلفنى أن أشتريها له وهو مش فارقة معاه موضوع البنزين ده خالص ،، وعايزها ،،وأنا كل اللى طالبه معلومات عن العربيتين والفرق بينهم ،،، ،حد يفيدنا الله بياركلكم

المشاركة الأصلية كتبت بواسطة leitosr

أولاً شكراً علي رد حضرتك الزوق,,
أنا حاولت أفيدك علي قد ما أقدر بالطريقة الصح اللي تقدر توصل بيها للي أنت عايزة, لأني معرفش الأسعار وممكن محدش هنا يفيدك بالأسعار كلها أو أسعار السوق أنهارده..
وأديتك رأيي الشخصي بخصوص الأختيار اللي انت مقدم عليه سواء لنفسك او لصديقك, وأنت في الأول والأخر لك حرية الأختيار بالأخذ برأيئ ووضعة بالحسبان, أو تجاهله.

ثانيا هوضح لك الفرق ليه ال 525 أعلي من ال 523 في الأستهلاك, وأفيدك في النقطة دي..

ال 525 نازلة بموتور 2500 سي سي زيها زي ال 523, الأتنين نفس السعة اللترية أه. بس الموتور مختلف.
موتور ال 525 بيطلع 190 حصان مقارنة بموتور ال 523 اللي بيطلع 170 حصان زيه زي موتور ال 520 ال 2200 سي سي..
عشان كدا موتور ال 525 أستهلاكه أعلي في البنزين في المشي جو البلد عن ال موتور ال 523.

بالنسبة لموضوع أسعار قطع الغيار لو أنت شايف أنو مش منطقي أنك تنزل تسأل علي أسعار قطع الغيار لعربية أنت مقدم علي شرائها سواء ليك أو لصاحبك, أو تعمل تليفون صغير للتوكيل أو لمحل قطع غيار للعربية تاخد فكرة عن الأسعار قبل الشراء فا دا كسل من حضرتك وحاجة ترجع لك..

أي حد ناوي علي شراء عربية جديدة أو مستعملة المفروض وبيعمل كدا.
مش حاجة عيب ولا متعبة.!

وأخيراً أنا رديت عليك تاني عشان حبيت أشاركك برأيي لما مكنش حد رد عليك, ولو ردي لم يفيدك تماماً زي ما بتقول وأتكلمت في حاجات بعيدة خالص.!
فحقك عليا وأستني رد من خبراء البي أم.

سلام,

أولا ،، يبدو إنه حصل سوء تفاهم من جهة الرد عليك فأنا لم أقصد ابدا أن أضايقك بردى ولكن قد أكون أشأت التعبير فى أن حضرتك لم تعطينى الوافى عن اسألتى وربما قد يكون المصد خير وإنما التعبير يشوبه التقصير ،،، فأحب أقول لك أولا جزاك الله خيرا وشكرا لردك ،،، وثانيا أوعى تزعل من ردى لأننى لم أقصد ابدا أى شئ وصلك قد يكون أغضبك
ثانيا نيجى بقى للمفيد تانى ،،، موضوع قطع الغيار ليس كسل منى ولا وحاجة بس المفروض أكون أنارعارف بسأل على إيه فعلا ،، فمثلا اسأل على المساعدين على الاسبراتير على ردياتير ،،، طيب جديد ولا إستيراد ،، طيب اللى أنا سألت عليه موجود وفيه مشكلة كبيرة مثلا فى حاجة مش هالاقيها ،، فهنا أصحاب الخبرة فى الموضوع ده بيدلك على طول أسعارقطع الغيار مثلا غالية بس كلها متوفرة وموجودة عند فلان وفلان وبكام والاستيراد فين والجديد فين وبكام وساعتها ردهم سيكون على العموم مش على الحاجة بعينها ،،، ولو فيها مشاكل يقولك مشاكلها كده كده على طول ،، لكن مع كامل إحترامى لرأيك إن توكيل أو تاجر قطع غيار هايقولك كل ده ولا ليه خلق أصلا يتكلم معاك وإنت مش بتشأل عن حاجة معينة ،،،، ثالثا ،،، أنا قصدت برضه من كلامى إنى سألت عن الفرق فى المواصفات والكماليات وحضرتك لم تطرق للموضوع ده أصلا ، فكامل إحترامى ليك وشكرا مرة تانية وجزاك الله خير