الحمد لله ,, عملت شويه شغل في العفشه

**bebom** · 26-04-2013 02:52 AM

الف مبررووك
ياريت تقولنا عنوان اعفشجي التفصيل وياسلام و معاك رقم تليفونه
شكرا ليك

**Dr/ P.K.Sh** · 26-04-2013 03:32 AM

يا ريت عنوان العفشجى؟

**Mohamedmaree91** · 26-04-2013 03:45 AM

الف مبروك وممكن عنوان وتليفون العفشجى

**egyptiandiver** · 26-04-2013 04:13 AM

مبروك على الشغل, بعد اذنك ممكن تقولى على العفشجى اللى انت بتتعامل معاه?

**Benimaru** · 26-04-2013 09:30 AM

ألف مبروك علي تغيير العفشة يا أستاذ محمد وأن شاء الله تعيش كتير .....

**ahmedhilmy** · 26-04-2013 11:59 AM

مبروك يا محمد باشا

**Ahmed Nasser** · 26-04-2013 02:27 PM

الف مبروووووووووووووووووووووو وووووووك

**محمد الشامي** · 26-04-2013 06:14 PM

المشاركة الأصلية كتبت بواسطة rabso88

مبروك يا باشا على العفشه الجديده
بعد اذنك ممكن تقولى على العفشجى اللى انت بتتعامل معاه علشان للاسف كل الموجودين عندى فى المنطقه حاجه اخر قرف

المشاركة الأصلية كتبت بواسطة bebom

الف مبررووك
ياريت تقولنا عنوان اعفشجي التفصيل وياسلام و معاك رقم تليفونه
شكرا ليك

المشاركة الأصلية كتبت بواسطة mohamedmaree91

الف مبروك وممكن عنوان وتليفون العفشجى

المشاركة الأصلية كتبت بواسطة egyptiandiver

مبروك على الشغل, بعد اذنك ممكن تقولى على العفشجى اللى انت بتتعامل معاه?

المشاركة الأصلية كتبت بواسطة benimaru

ألف مبروك علي تغيير العفشة يا أستاذ محمد وأن شاء الله تعيش كتير .....

المشاركة الأصلية كتبت بواسطة ahmedhilmy

مبروك يا محمد باشا

المشاركة الأصلية كتبت بواسطة ahmed nasser

الف مبروووووووووووووووووووووو وووووووك

ربنا يبارك في حضراتكم جميعا :) كتر خيركم

بالنسبه للعفشجي هو اسمه سماره (واسمه الحقيقي ابراهيم) وموبايله 01221752378 ومكانه في الطوابق - فيصل
و وصف العنوان كالأتى :-
بعد ما تدخل شارع الصفا والمروه من الطوابق (الشارع اللي على اوله بتاع العصير والبنزينه) هاتدخل تانى شارع شمال (على ناصيته صيدليه الصفا والمروه ومحل بتاع قطع غيار اسمه اليسر) وهاتفضل ماشي في الشارع ده لغايه قبل ما توصل لاخره بحوالى 50 متر هتلاقي ورشتين على الشمال وبينهم مدخل عماره , هي دي ورشه سماره , وهو راجل اسمراني من الناس الطيبين والهاديين

بس في كام عيب ولازم اقولهم للعلم قبل ما تروحوا
- اولا هو بياخد 10 جنيه كشف , لما بيطلع يجرب العربيه وبعد كده يدخلها ورشه الزوايا عشان ينزل تحتها ويشوف حاله المقصات و و و و , ودي حاجه ماكنش بيعملها قبل كده , واظن ان الواحد لو جادل معاه شويه في ال10 جنيه دي ممكن مايدفعهاش
- الورشه دايما عنده زحمه وبيشتغل في العربيات بالدور , يعني الورشه بتاخد جواها 3 عربيات فمش بيفتح في العربيه الرابعه الا لما بيكون هو والشباب اللي عنده خلصوا عربيه من العربيات اللي فيها الشغل وهكذا , وعشان كده ممكن الواحد يروح ويفضل واقف جنبه ساعه لغايه لما يفضى عشان يطلع يجرب معاه العربيه , وغالبا بيكون يوم التجربه غير اليوم اللي بيتعمل فيه الشغل , يعني بتحدد معاه ميعاد تكون جبت فيه حاجتك وتروحله عشان يشتغل , وطبعا بيكون في تظبيط بالتليفون

بس بشكل عام وللامانه الناس هناك فاهمه شغلها كويس جدا من صغيرهم لكبيرهم ومؤدبين , يعني الواحد بصراحه عمره ما سمع عندهم شتيمه ولا لفظ كده ولا كده

والاهم من كل ده من وجهه نظري ان المصنعيه اللي هو اخدها مني دي انا حاسس انها مناسبه جدا جدا
وبردو نصيحتي كالعاده , اللي يحب يروح لصنايعي جديد عليه يتناقش معاه الاول في الشغلانه وبعد كده يقرر يكمل التعامل ولا لا

واتمنى للجميع التوفيق واسف على التأخير في الرد