السلام عليكم .. انا معايا بيجو 605 موديل 1998 ..مشكلتين ملهومش دعوة ببعض حاجة غريبة جدا
الأولى:العربية مش راضية تاخد بنزين..انا متعود افول العربية كل يوم جمعه عامل الاسبوع دا 338 كيلو وعداد البنزين بيقول انها واخدة حوالى 40 لتر جيت املاها جت على 16 لتر ووقفت فقولت يمكن البنزينة بايظة فقولت للواد حط شوية كمان لقينا البنزين خارج من فتحة التانك وكأن فى حد بيزق البنزين من الداخل ...والاغرب ان عداد البنزين رجع فول ب16 لتر طار منهم كتير كمان والاغرب ان سحب العربية اتحسن اوى من اول ما خرجت من المحطة فمش عارف ايه شغل العفاريت دا

الثانية:التكيف :التكيف كنت متعود ابدأ تشغيله على 23 وبعد كدا اقل بالتدريج عشان بخاف من انه يبرد العربية بسرعة فيجيلى برد..كالعادة بدأت ب23 وبعد كدا 21 وزى الفل وجيت على 19 لقيته بيطلع هوا مش ساقع خالص الاول قولت اكيد فى ترموستات باظت انما بعد كدا لاحظت ان الكلام دا الصبح بس انما بالليل عادى بجيبه على 18 بيتلج العربية انما بالنهار الكمبرسور بيفصل والهوا يسخن وواحد صاحبى معاه 607 بيشتكى من نفس الشكوى وراح التوكيل ملقاش لها حل وكله تمام

معلش يا جماعة صدعتكم بمشاكل عربيتى وجزاكم الله خيرا اسود بيجو