عربية محترمة وكويسة
بس حضرتك قبل ما تشتريها تعرف إن إعادة بيع البيجو أقل بكتير من الدايو والكوري عشان المدرستين مختلفتين تماما، إنما هي عربية كويسة لو هتقتنيها بشرط حسن الانتقاء والاختيار والفحص الجيد.
طبعا لو هتشتري كل ما يكون الموديل قريب يكون احسن ومعاك بداية من 2007- 2008 يكون كويس وبلاش قبل كده.
من نواحي الثبات في السفر والدورانات وكفاءة المحرك والسفر متشيلش أي هم ومفيش مشكلة
من ناحية المساحات فهي هتعجبك نسبيا
معدلات التسارع كويسة بس مش قوية، الموديل sw وزنه أكبر
لو هتشتريها أوتو تفحص الفيتيس كويس، ومفيهوش عيب زي ما ناس كتير بتقول ولكن زيت الأوتو بيتغير قبل 60000كم وتشتري أصلي أصلي أصلي، ومش هيحصل أي مشكلة.
قطع الغيار معمرة، أغلى من الكوري بفارق ملحوظ بس مش باهظة الأثمان وميزتها إنها معمرة وخدمة شاقة بالنسبة للآسيوي بشكل عام، ولو حسبتها على مدار سنة سنتين هيكون أوفر من الكوري اللي حاجته رخيصة بس بتتاكل بسرعة.
معاملات الأمان شكل تاني هيرضيك.
اتمنى إن حضرتك لو هتركب فرنساوي يبقى تروح لفني صيانة متخصص مش أي ورشة تشتغل فيه عشان تريح نفسك، وبلاش توكيل- قلته أحسن وأوفر، إنما مراكز خدمة كتير محترمة وفنيين كويسين موجودين في كذا مكان.
بالتوفيق
المفضلات