الموضوع: اشترى ولا استنى شوية ؟؟؟؟؟؟

المشاركة الأصلية كتبت بواسطة hplv

والله انا مش عارف ممكن البنك المركزى فى اى وقت يضخ كام مية مليون دولار فى السوق السعر يقوم نازل بس هيا الفكرة هل نزول الدولار هيرتبط بنزول اسعار السيارات (المفروض ده الى يحصل نظريا ) ولا اسعار السيارات هتفضل على احسن تقدير ثابتة ومش هتنزل .

حتى لو ده حصل حيبقى تأثيره وقتى اى فقط كام يوم ... ثم يعاود الارتفاع بعد نفاذ الكميه المطروحه ... مثل ما بيحدث مؤخرا ... اخر عطاء كان 600 مليون وقت هوجه ال 5 مليار لقطر/ليبيا ... لكن بعد اسبوعين رجعت الاسعار تقترب من 8 جم مجددا !!
غير كده الفكره ان البنك المركزى الان موقفه ضعيف جدا لان عنده احتياطى تحت خط الخطر و بينقص كل يوم ...
الى كان مثبت السعر و مخوف تجار السوق السوداء و مظبطها :
- الاحتياطى للمركزى كان 35 مليار يقدر فى اى وقت يظبط السعر و يخسر التجار الجشعين ... اليوم تحت ال 15 مليار و يوجد اقاويل انهم 8 فقط بعد خصم فوائد الديون المستحقه !!
- وجود مدخلات مثل السياحه و التصدير .... اليوم لا توجد سياحه للانفلات الامنى و الاخلاقى و المصانع بتقفل علشان الاضرابات و نقص السولار و زياده المصاريف التشغيل !!
- مراقبه و تطبيق القانون بحسم على الصرافات ... اليوم حدث و لا حرج !!

كما يجب مراعاه ظروف المستورد/الوكيل ... يعن لو نفترض ان حيعمل طلبيه اوردر الان ... حيشترى الدولار من السوق اليوم فرضا ب 7.6 و حينتظر على الاقل شهر/شهرين لزوم للشحن و الاستلام ... لو السعر ارتفع ... حيدفع جمارك اعلى على السعر الجديد .... و هكذا ...

لكن على الاقل لكى تثبت اسعار السيارات ( لان انخفاضها ده مستبعد تماما ) يجب ثبات الاول سعر الدولار اقله 2/3 شهور و ذلك لكى ينفذ الوكيل/المستورد بسعر الحجز الاصلى ...

تحياتى ...

المشاركة الأصلية كتبت بواسطة hplv

-انا مع حضرتك ان الاحتياطى قليل لكن البننك المركزى لازم بيتدخل كل فترة لانه لو ما ادخلش والدولار فضل ب 7 جنيه حتى الاحتياطى مش هيكفيه لشراء السلع الاساسية وبالتالى البنك بياخد اجراء احترازى علشان يحافظ على قيمة الجنيه.
-يعنى افهم من حضرتك حتى فى حال عودة الجنيه الى قيمته الاصلية برده العربيات الجديدة الى اسعارها ارتفعت وبالتالى المستعمل تبعا ليها مش هتنزل لكن هتحتفظ بالقيمة .
-ولو حصل اى نزول فى سعر العربيات نتيجة عودة الجنيه لقيمته الاصلية ده هيحتاج حوالى 2-3 شهر علشان المستورد يكون عمل طلبية جديدة بالسعر المنخفض (بس ده بيعتمد اذا كان طلبية العربيات كل 2-3 شهر -يعنى لو كان بيستورد نصف سنوى ده معناه انى استنى 6 شهور بعد الانخفاض صح كدا ولا ايه ؟؟؟؟؟؟؟؟؟؟؟)

سعر الدولار مش هينزل قريب وكل مجهود الحكومه لما يجيلها قروض أو مساعدات انها يادوب تثبت السعر. الجنيه مش هيرفع الا لما يكون فيه استقرار في البلد ويرجع الشغل زي الأول وده مش بيحصل بين يوم وليله. التجار أقلمو نفسهم خلاص على استمرار الوضع الحالي والمستهلكين برضه مع الوقت هيظبطو نفسهم على كده.

المشاركة الأصلية كتبت بواسطة ahmed_adham

سعر الدولار مش هينزل قريب وكل مجهود الحكومه لما يجيلها قروض أو مساعدات انها يادوب تثبت السعر. الجنيه مش هيرفع الا لما يكون فيه استقرار في البلد ويرجع الشغل زي الأول وده مش بيحصل بين يوم وليله. التجار أقلمو نفسهم خلاص على استمرار الوضع الحالي والمستهلكين برضه مع الوقت هيظبطو نفسهم على كده.

+++111
فى يوم الخميس 25/04 كان السعر الرسمى للمركزى 6.94
اليوم الاثنين 29/04 تانى ايام الاسبوع كما توقعنا ارتفع ليصبح 6.97 ...
المركزى هو الى بيجرى ورا سعر السوق السوداء و ليس العكس !!!