الموضوع: خبر جديد من المرور بخصوص الإحلال للسيارات التاكسي

بصراحه مش عارف اقول ايه

بيتفننوا ازاى يصعبوا العيشة على الناس

حسبي الله و نعم الوكيل

انا شايف انها حاجه كويسه مش وحشه,
انا معاكو انها هتكون صعبه شويه على السواقين الغلابه بس برضه هتكون خطوه ايجابيه
في تاكسيات كتير غير آدميه بالمره والله كذا مره اشوف تاكسي بابه بيتفتح لوحده و هو ماشي و منهم مره فتح وانا راكب جوه التاكسي و الحمد لله مكنتش لازق في الباب
و منها برضه فرصه للمنظر الحضاري الي بنفتقده جدا
ده غير ان الجديد هيكون مكيف و فيه احزمة امان و لما التاكسي هيكون جديد صاحبه هيهتم بيه غير لما يكون علبة صفيح هيقول ما هي مش فارقه بقه
اهم حاجه انهم يمنعوا بس الملصقات و الكلام المستفز الي بيشوه منظر اي حاجه الي بيتكتب عليهم

غير كده هيقلل الدخنه و العوادم و نسبة الاعطال الكتير الي بتعطل المرور بنسبة 30% بسبب ارتفاع الحراره في السيارات القديمه دي
و يا رب القانون ده يطول سيارات الميكروباص كمان زي الالترامكو و لو النقل كمان يبقى الناس دي زي الفل

لو اي حد سافر اي دوله عربيه حتى مش هقول اجنبيه هيلاقي ان سيارات التاكسي من افخم و انضف الماركات

و حكاية انهم يعملوها موديلات قديمه ده ممكن يكون كويس في انهم مثلا يستوردوا السيارات دي الموديلات القديمه و تكون سعرها اقل او ياخدوا الي متباعش من الموديلات القديمه

انا الي عايز اسأله حاجه واحده بس,
هي لو الدوله شالت الجمارك او قللتها على السيارات و قالت بس بشرط السيارات الي تمر عليها 20 سنه تتكهن تبع الدوله
حد يعتقد ان الناس هتوافق؟؟؟
انا عن نفسي اؤكد ان الناس هتعترض برضه و تقول دي سبوبه للحكومه
والناس ساعتها هتشتري سيارات كتير و يغيروا سيارات كتير بس الي عندهم هيخلوه عندهم كراكيب
مش كلهم طبعا بس نسبه كبيره هتعمل كده

الشعب محتاج ثقااااااااااااااافه بدل ما هو عمال يخلف و يرمي و يقول الحكومه مش مكفيانا

المشاركة الأصلية كتبت بواسطة mosso

انا شايف انها حاجه كويسه مش وحشه,
انا معاكو انها هتكون صعبه شويه على السواقين الغلابه بس برضه هتكون خطوه ايجابيه
في تاكسيات كتير غير آدميه بالمره

إنتا فهمتني غلط يا أستاذ موسو
كلنا سعداء بقانون إحلال التاكسي لأن أحوال القديم أصبحت صعبة

لكن الإعتراض على اللائحة التنفيذية التي تفننت في التضييق على أصحاب التاكسي والإلتفاف على البند الذي ييسر عليهم في القانون والذي يسمح لهم بتجديد سيارتهم بسيارة زيرو أو لم يمر على إنتاجها أكثر من خمس سنوات
واللائحة وضعت العقدة المرفوضة وهي أن تكون تلك السيارة لم ترخص من قبل بمعنى أن تكون زيرو
فمن أين سيأتي مالك التاكسي بسيارة موديل 2004 ولم ترخص من قبل ؟؟؟؟؟؟؟؟
ولكن الهدف من اللائحة التنفيذية للقانون هو إجبار كل من يود الإحلال على الزيرو واللي معهوش وعايز يستفيد من بند التخفيف في القانون يبقى يجيب موديل عدى عليه خمس سنين ولسه زيرو ولو لم يجد يخبط راسه في الحيطة

معني كدة إن التاكسي الجديد مش هيبقي فيه شاهين خالص لأن خلاص الشركة قفلت و مش هيبقي فيه شاهين زيرو من أول السنة الجاية

انا مش عارف إيه الحكمة من البند ده بس الموضوع ده هيأثر جامد في طريقة سواقة سواقين التاكسي اللي هيخافوا علي عربياتهم و يبطلوا الأكروبات اللي بيعملوها

بالمناسبة انا مشفتش أي خطوة القانون خدها في موضوع ترخيص التوك توك

يا استاذ احمد هما بقالهم كام سنه بيقولوا انهم هيغيروا التاكسي فعلا,
و عملوا حوارات بنك ناصر الاجتماعي الي هو تسلمهم سيارتك القديمه و تدفع فرق و تاخد واحده جديده تعمل بالغاز الطبيعي و تقسّط الباقي
ساعتها كلنا فرحنا و قولنا ياااااااااااه دي هتبقى حاجه جميله جدا
معنى كده ان الحكومه فعلا عندها اتجاه انها تحلّ التاكسي بسيارات زيرو

والبند ده ما اجبرش حد على انه يشتري سيارات قديمه لكن زيرو,
هو قال لازم تكون جديده والي مش عايز يجيب جديد خلاص يجيب عربيه زيرو بالشروط دي,
من الاخر يهني بيقولولهم هتجيبوا زيرو يعني هتجيبوا زيرو:D:D
في رأيي كمان ان الزيرو اريحلهم لان المستعمل هيكون كاش و لو مكانش كاش و اخدها عن طريق بنك هيدفع اكتر من المستحق عليها

اذا الجديد اريح, مشاكله اقل, اعتقد انها يجب ان تكون بالغاز الطبيعي و ده اوفر للسواقين,منظر حضاري, امكانية التقسيط بسهوله عند الشراء

انما البند بتاع انها يجب ان لا تكون مرخصه من قبل فدي طريقه ملتويه انهم يقولولهم زيرو يعني زيرو و انا مؤيد للزيرو الصراحه:laugh::laugh: