خرطوم المايه اللي واصل للرداتير بيضرب لو مشيت لفتره بسيطه ومش لاقي حل والرداتير جديد ايه الحل بقي
عرض للطباعة
خرطوم المايه اللي واصل للرداتير بيضرب لو مشيت لفتره بسيطه ومش لاقي حل والرداتير جديد ايه الحل بقي
كام سؤال لتوضيح المشكلة
العربية بتسخن قوى لما بتمشى ؟
درجة حرارة العداد بتعدى ال 90 ؟
لما بتفتح قربة الرادياتير بتسمع صوت فسفسة؟
حاطط مية عادية من الحنفية ولا مية خضراء؟
المية فى القربة بتزودها كل كام يوم؟
غيرت جوان وش السلندر من امتى وهل عملت شغل فى الوش نفسة ؟
سحب العربية كويس ولا بتترجرج ؟
صوت الموتور هادى ولا فية صوت رزع؟
العربية بتدور بسرعة ولا بتغيب فى الدوارة ؟
فية مية كتير بتنزل من الشكمان؟
وفيه كمان حاجة تانيه ممكن تعمل المشكلة دى وهى الماسورة اللى واصله من الريداتير الى طلومبة المية ممكن كمان تكون مسدوده المهم اللى يخلى الخرطوم يفرقع هو انسداد فى دورة التبريد يجعل الكلومبة تضغط الماء الى الموتور وبخروجة من الكوعة يعود الى الريداتير فلو فى المرحلة هذة انسداد بيخلى الضغط يرجع على الخرطوم فيضرب....
المطلوب تنظيف دورة التبريد ومراجعة الخراطيم والمواسير وبعد كدا نشوف....*
انا عملت تنضيف اكتر من مره والرداتير المونيوم والعربيه مش بتسخن يعني اقصي حد ليها بيكون72 اول ما بتعدي ال 72 بعرف ان الخرطوم ضرب وبحط مايه عاديه ولما بقي يضرب اكتر من مره بقيت مقفلش القربه جامد عشان متكونش مكتومه وصوت الموتور طبيعي والمايه اللي بتنزل من الشكمان العاديه والسحب تمام وحوار انها بتطول في الدواره ده من قبل ما تجيب الوش وهي كده واول خرطوم ضرب كان تاني يوم بعد تغير الوش
فعلا مشكلة تحير طيب انا مش معاك فى موضوع تهوية غطاء القربة دا ....
طيب ممكن تصور لينا الخرطوم اللى بيضرب دا ؟؟؟؟؟ ياترى الخرطوم اللى بيضرب اللى نازل من الكوعة ولا اللى نازل من القربه؟؟؟؟؟
وليا سؤال تانى هو انتا غيرت الوش بالكامل ولا غيرت جوان وش السلندر مهم جدا السؤال دا ؟؟؟ ولو غيرت الوش جبتة جديد ولا استيراد؟؟؟
ما انا بهوي القربه وعارف انو غلط بس اهو بجرب لا هو الخرطوم النازل من الكوعه ومن كام طلعت بيها قولت اجرب لقيت الخرطوم النازل من القربه منفوووخ وقرب يضرب رحت رجعتها مكنها تاني لا غيرت الوش بس وجبته جديد
وليه تمشى مهو لو فية مشكلة فى دورة التبريد بتظهرحتى لو حضرتك واقف ما دام الموتور شغال يعنى طلومبة الميه شغاله....*
طيب خليك معايا:::
عاوزك تفك الخرطوم اللى واصل لطلومبة المية وركب خرطوم تانى جاى من مصدر خارجى انشالله يكون جركن به ماء ودور العربية وشوف قوة اندفاع المياة من الخرطوم اللى خارج من الريداتير رايح للطلومبة طبعا حيكون بينزل المية فى الأرض لمدة دقيقة فقط بكدا حنحكم على الدائرة من القوعة حتى طلومبة المية....
اعمل دا بنفسك متخافش دقيقة واحدة مش حتعمل حاجة........
ان شاء الله هجرب الموضوع ده بس علي فكره طول ما العربيه واقفه ودايره مفيش اي مشاكل بتظرهر ليا حتي لو فضلت دايره فتره طويله
هههههههههههه طيب ابقى دورها وزود بنزين وانتا واقف قدمها من الأكسرتير وراقب الموقف........ وعلى فكرة لما تعمل التجربة لازم تزود بنزين من الاكسرتير علشان تعرف قوة اندغاع المية مع زيادة البنزين من عدمة يعنى لو زودت بنزين والاندفاع لم يتغيير يبقى العيب فى النقاط من القوعة الى خارج الريداتير والماسورة الواصلة الى طلومبة المية
حاضر ياباشا هجرب ويارب مايطلع فيها حاجه جديده تجنني اكتر ما هي مجنناني
موضوع
يستحق التفكير و هنا نراجع مع بعض المقاط
و هى اية
هل انتا متاكد من سير مسار المياه و التدفق الطبيعى ليها
طيب نعرف منين خلى العربية على السلانسية و افتح غطاء القربة و شوف هل بتتقلب المياة و له لا
تانى حاجة هتكشف بايدك ازاى
و نعرف المشكلة منين
سياتك و هى العربية سخنة و انتا لسة جى من مشوار
افتح الكبوت و حاول تشوف الخراطيم كلها
هنعمل التيست ازاى
هتيجى تدوس على خرطوم خرطوم بايدك يعنى بالبلدى تقفشه و تشوف محجر و له طرى لو محجر يبى تمام
لو طرى و الخرطوم قلى قبله محجر او ناشف هيبقى مشكلة انسداد المياه هتكون فى المكان قلى قبليه
طيب
لازم نرعى نقطة نقطة
يعنى هتمشى مع مسار المياه من بداية دخولها للموتور و الخروج من الموتور و لازم هنا تتاكد انى الخرطوم يكون محجر او ناشف و الخرطوم اللى بعديه طرى يبقى هنا المشكلة
ربك المستعان
متابع بأهتمام
شكرا لاهتمامك استاذ احمد بص حضرتك الاول كان الخرطوم اللي تحت الواصل للرداتير هو الكان بيضرب وطبعا لما عملها كتير مبقتش اطلع بالعربيه خالص لما طلعت جربتها امبارح وممشتش كتير بيها لقيت الخرطوم اللي طالع م القربه الكبير منفوخ وهيضرب ولما مسكته لقيته مكبوس مايه يعني المايه تحس انها واقفه فيه وبالنسبه للكان بيضرب الاول كان عادي مكنش ناشف ولا حاجه كان طبيعي
وعلي فكره انا ودتها لكذا مكانيكي يقولي كلو تمام وودتها لواحد بتاع رداتير وعمل الهوا ده ونزل كل المايه اللي فيها وحط مايه عاديه تانيه وقلي كلو تمام هي عايزه جوان وش سلندر تاني بس انا عايز اعرف السبب الاول قبل ما اغيرو عشان مغيروش تاني
أه أه أه أه يانى من وش الاجرام دا والله كنت حاسس ان البية الدكتور اللى غير وش السلدر عمل عملة سودا ومنيلة بستين نيلة ربنا يهدية يعنى ملقاش الا مسام وش السلندر يعملها فيها!!!!!!!!!!!!
طبعا كلنا بنسمع عن وش الاجرام وما وش الاجرام والدكاترة يعينى عليهم سهلة قوى يغير جوان كل اسبوع اهو بيرزق برضو ويفتح ورشتة عالم زبااااااااااااله....
انا متاكد ان الدكتور اللى ركب ليك الوش كتم مسام الوش علشان نعرف صح بص كدا على وش السلندر حتلاقى فيها خرام كتير متنوعه الاشكال والقطر تفتكرو ان الخرام دى علشان الدباببير تعشش فيها؟؟؟؟؟؟
البهوات بيغفلو موضوع المسامات وبكتموها بالجملاكة واحيانا بالسيلكون ودا مبيسمحش لمرو المياة داخل الوش نفسة عارفين الوش دا حتلاقى خرم لمرور الزيت الى الصبابات وبجوارة ممر لدخول وخروج المية يعنى جو الوش نفسة ممرات للزيت والمية زى الغروق فى جسم الانسان ممر للمية والتانى للزيت لو اتكتم اى من المررات دى بيسبب خلخله فى النظام والوش طبعا بيضرب على طول ا::::
اه وفي حاجه كمان انا كنت ممكن اروح مشوار كبير يعني مثلا من الهرم ل6 اكتوبر ميضربش الخرطوم وممكن بعدها امشي فتره بسيطه يضرب بس هو دلوقتي خلاص جاب اخرو مشوار كبير مشوار صغير هضرب يعني هضرب عافيه يعني هههههههههه
السيلكو فعلا الحمار اللى يحط سيلكون على الجوان بكد بيقفل على مسام الوش اللى بتدخ المية والزيت للتبريد فبكدة المية بتبقى اون لاين من الطلومة الى الكوعة والخروج من الموتور بقوة اندفاعها من الطلومبة ممكن تفرقع الخراطيم....
انتا شفت الدرس الحادى عشر بتاع جوان وش السلندر اللى فى مكتبة الفيديو ؟؟؟؟؟؟؟؟
اهو شوف الجوان بيركب ازااااااااااى....*
http://www.nilemotors.net/Nile/337585-a.html
صح يا استاذ صحبي بس يارب يطلع من الوش بس لان انا فقدت الامل في العربيه والله وان شاء الله هغيرو واقول لحضرتك شكرا ليك علي اهتمامك ياباشا بس انا عايز اعرف مكان الشيخ عادل فين في بين السرايات ولا اروح لنفس المكانيكي اللي غيرو الاول واحملو التكلفه كلها ولا ايه رأي حضرتك وفي نوع جوان وش سلندر معين يكون كويس وكمان عايز اعرف ايه سبب تأخير الدوار الصبح وده من قبل جوان وش السلندر انا عارف ان الجوان بيأخر الدواره الصبح بس الكلام ده كان من قبلها والف شكر ليك استاذ صحبي
شكرا ياباشا تسلم