الموضوع: استفسار بخصوص زيادة الاسعار؟

انا معرفش مصدر معلوماتك منين، بس انا متخيل ان الايام الجاية المفروض العربيات ترخص خصوصا ان خلال الاسبوعين اللى فاتوا اسعار صرف اليورو و الين وصلوا لأدنى مستوى ليهم امام الجنيه المصرى منذ شهور و ده طبعا ناتج عن ارتفاع الدولار برة و انخفاض سعر البترول و المعادن و احداث اقتصادية برة مالهاش دعوة بالمحروس (الجنيه المصرى)، انا مش عايز ابقى متفائل بزيادة، بس انا شايف ان الاسعار يا تقل يا اما تثبت، غير كدة معنديش:embarrassed2:،

على فكرة الفترة اللى فاتت، قبل الاسبوعين دول، اسعار صرف اليورو و الين وصلوا لارقام فلكية امام الجنيه المصرى سببت الزيادات الاخيرة، و بما ان الاوضاع ابتدت ترجع تانى فالمفروض الاسعار تقل تانى، بس معرفش الموضوع ممكن يأخد وقت قد ايه عقبال مالتجار يشتروا بالسعر الجديد.

شكرااا ليك استاذ amrnader على ردك و مشاركتك الطيبة :)

مفيش حاجه حتقل

سوق السيارات المصري منعزل تماما

عن اي سوق سيارات في اي دوله

وكل سنه وانت طيب

ممكن يزيد بس طبعا مش دلوقتي

ممكن على السنه الجايه

المشاركة الأصلية كتبت بواسطة dj1

مفيش حاجه حتقل

سوق السيارات المصري منعزل تماما

عن اي سوق سيارات في اي دوله

وكل سنه وانت طيب

ممكن يزيد بس طبعا مش دلوقتي

ممكن على السنه الجايه

لا، بتقل بس ده فى حالة ان الناس تبقى عارفة ان متوقع الاسعار تنزل، و بالتالى الناس بتستنى عشان متخسرش و بيحصل كساد و التجار بيضطروا ينزلوا السعر غصب عنهم مش بمزاجهم، و ده حصل قبل كدة من كام سنة فى سوق السيارات، لما سعر الصرف كان على اوى و الاسعار زادت و بعدين نزلت مرة واحدة، حصل شلل تام فى السوق فالتجار كان لازم ينزلوا السعر.

انا مبقولش التجار من نفسهم ضميرهم حينقح عليهم، لا، لازم يحسوا انهم فى ازمة حقيقية و فى شلل فى السوق، زى ما حصل برضه ايام تخفيض الجمارك.