سيارات فارهة بس مانيوال لو معاك سعرها تشتريها؟

وصلت مصر مؤخرا بعض السيارات التى تنقسم الى فئتين ولكنها تتشارك فى انها مانيوال
الفئة الاولى: سيارات ذات سعة لترية 1600 سى سى ودى مستوردة مانيوال لان الاوتوماتيك منها هيكون سعرها مبالغ فيه
الفئة الثانية:سيارات فخمة ومشهورة ولكنها مانيوال لاسباب تتعلق بمتعة القيادة وكون السيارة تنتمى للفئة الرياضية اولمجرد تنويع واتاحة كل نواقل الحركة ومن المعروف ان اكثر الناس الان يفضلون الاوتوماتيك واستشفيت دا من مشاركتهم او ردودهم والاسعار فوق فوق فلو افترضنا ان معاك ثمنها ياترى تشتريها ولا لا وايه هى مبرراتك فى الحالتين واليكم بعض الامثلة
اودى a4 1600 ب233 الف
اودى a4 1600 ف. سقف وزينون ب 245 الف
bmw 316 i 1600 sport line ب275 الف
bmw 135i كوبيه ب 950 الف(الرقم صحيح)
بيجو 307 cc f 195 hgt
بيجو 407 1600 ب 195
فورد مونديو 1600 جيا ب 200 الف
بيتل(vw) 1600 كابورليه ب 285
eos من فولكسفاجن ايضا 1600 ب 260
اختهم تيجوان 1400 track &field p1 ب275
لاندروفر ديفندر 2400 ديزل ب 400 الف
فولفو اس 40 1600 كماليات اضافية ب 235
بورش بوكستر 2700 ب 890 الف
بورش بوكستر s 3400 ب مليون و30 الف
بورش كاريرا s مليون 716 الف
بورش super coupe gt2 ب 3مليون 452 الف
فيرارى f 430 سعة 4300 سى سى ب 4 مليون ونصف
فيرارى gtp 599 سعة 6 لتر ب 5 (ايوه خمسة )مليون
كفليه كده حرام http://www.nilemotors.net/Nile/images/icons/icon6.gif

اشتري فيرنا اوتوماتيك :)

ده سبب أكتر إن الواحد يشتريها :euro:
خاصة في العربيات دي .. صباح الدماغ

MANUAL TRANS ROCKS

اقتباس:

---

المشاركة الأصلية كتبت بواسطة Ahmed Samy

اشتري فيرنا اوتوماتيك :)

---

-----------------
هههههههه حلوة يادكتور احمدhttp://www.nilemotors.net/Nile/images/icons/icon10.gif

لا بصراحة
الاوتوماتيك حالياً بيحل محل المانيوال فى سيارات الاستخدام اليومى
يعنى تقدر تقول انة تقريبا هيقل اكتر السنين الجاية
لكن يظل المانيوال لة استخدامة فى السيارات الرياضية فقط ( سيارات لا تستخدم يومياً )
لإن اللى بيجيب عربية رياضية مش عايزها طبعا هى اللى تنقل الغيارات , لكن عايز يستمتع بالقيادة ويكون لة بصمة فى القيادة من خلال التغيير الأمثل بالنسبة له للغيارات

انا عن نفسى لو هجيب اى سيارة فارهة هجيبها اوتوماتيك بإذن الله
وبالنسبة للقيادة فى مصر
اولا: لا تصلح السيارات الرياضية فى مصر نهائياً نظراً لحالة الطرق
ثانيا: زحمة مصر عامة والقاهرة خصوصاً تخلى الاوتوماتيك افضل بكتير خصوصا الاشارات اللى بتتحرك بالقطعة

وشكراً لحضرتك على الموضوع الجميل دة

اقتباس:

---

المشاركة الأصلية كتبت بواسطة surgeon1

bmw 135i كوبيه ب 950 الف(الرقم صحيح)
كفايه كده حرام http://www.nilemotors.net/Nile/images/icons/icon6.gif

---

كان عندي أمل يوما ما أركب العربية دي

يوما ما .........

بس كويس انك كتبت ان الرقم صحيح يا دُكـ علشان أقطع الشك باليقين

و أشيلها من حسابات يوما ما دي خاااالص

اقتباس:

---

فيرارى gtp 599 سعة 6 لتر ب 5 (ايوه خمسة )مليون

---

6000 سي سي بس هتبقي مشكلة البنزبن ........... هي لو ديزل كانت بقت جامدة

بس عشان مبقاش خرحت عن سياق الموضوع ............. اي عربة اوتوماتيك افصل انا متعذب من المانيوال

اقتباس:

---

المشاركة الأصلية كتبت بواسطة MoToRiZeR

ده سبب أكتر إن الواحد يشتريها :euro:
خاصة في العربيات دي .. صباح الدماغ

MANUAL TRANS ROCKS

---

ياريت توضح لنا اكتر وجهة نظركhttp://www.nilemotors.net/Nile/images/icons/icon5.gif

اقتباس:

---

المشاركة الأصلية كتبت بواسطة Shocky

لا بصراحة
الاوتوماتيك حالياً بيحل محل المانيوال فى سيارات الاستخدام اليومى
يعنى تقدر تقول انة تقريبا هيقل اكتر السنين الجاية
لكن يظل المانيوال لة استخدامة فى السيارات الرياضية فقط ( سيارات لا تستخدم يومياً )
لإن اللى بيجيب عربية رياضية مش عايزها طبعا هى اللى تنقل الغيارات , لكن عايز يستمتع بالقيادة ويكون لة بصمة فى القيادة من خلال التغيير الأمثل بالنسبة له للغيارات

انا عن نفسى لو هجيب اى سيارة فارهة هجيبها اوتوماتيك بإذن الله
وبالنسبة للقيادة فى مصر
اولا: لا تصلح السيارات الرياضية فى مصر نهائياً نظراً لحالة الطرق
ثانيا: زحمة مصر عامة والقاهرة خصوصاً تخلى الاوتوماتيك افضل بكتير خصوصا الاشارات اللى بتتحرك بالقطعة

وشكراً لحضرتك على الموضوع الجميل دة

---

---------------------
العفو ياباشا ومتشكر على اعجابك بالموضوع
انا متفق مع رايك وقلت فى اول الموضوع ان اكثر الناس بتفضل الاوتوماتيك بس لما لقيت الاسعار استفزتنى قلت اشرككم معايا واشوف لي حق اتغاظ من العربيات دى واللى هيركبوهاhttp://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة samehafez

6000 سي سي بس هتبقي مشكلة البنزبن ........... هي لو ديزل كانت بقت جامدة

بس عشان مبقاش خرحت عن سياق الموضوع ............. اي عربة اوتوماتيك افصل انا متعذب من المانيوال

---

------------------
فعلا الاوتوماتيك-وبالذات فى مصر-رفاااااااااااهية

رحم الله رجل عرف قدر نفسه انا 504 او505 مانيوال

المانيوال ده راحت عليه في مصر الكل بقي يجيب اوتوماتيك

طيب حد يقولي مزايا المانيول ومزايا الاتوماتك انا بسمع(سمع تقيل) ان في مشاكل بتحصل في الاوتوماتيك

اكيد حجيبها مانيوال
ولحد ما يبقي عندي 50 سنه لو ربنا كاتبلي اعيش حركب مانيوال
انا من عشاق المانيوال
عربياتي الاتنين مانيوال
و العربيه القادمه مانيوال باذن الله

انا مش حابب الفيرارى عشان هتاكل بنزين كتيير ودا سبب اساسى مانعنى من شرائها

اقتباس:

---

بيجو 307 cc f 195 hgt
بيجو 407 1600 ب 195
bmw 316 i 1600 sport line ب275 الف

---

دول موجودين في مصر و " بكثرة " كمان :)

اقتباس:

---

المشاركة الأصلية كتبت بواسطة hamedo0

رحم الله رجل عرف قدر نفسه انا 504 او505 مانيوال

---

-----------------------------------------------
يرحمكم اللهhttp://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة mountofgem

طيب حد يقولي مزايا المانيول ومزايا الاتوماتك انا بسمع(سمع تقيل) ان في مشاكل بتحصل في الاوتوماتيك

---

-----------------------------------------------------------
فى موضوع هنا فى المنتدى بالمعنى دا ممكن تبحث عنه
او ممكن حد يتفضل بكتابة موضوع جديد لودا مش مخالف لقوانين المنتدى
وكان فى موضوعاجنبى بيتكلم بتوسع عن الفرق بين النظامين ممكن اجيبلك الرابط او اكتبلك خلاصة الموضوع تحياتى

اقتباس:

---

المشاركة الأصلية كتبت بواسطة hazem_khidr

اكيد حجيبها مانيوال
ولحد ما يبقي عندي 50 سنه لو ربنا كاتبلي اعيش حركب مانيوال
انا من عشاق المانيوال
عربياتي الاتنين مانيوال
و العربيه القادمه مانيوال باذن الله

---

---------------------------------------------------
معاك حق ياحازم المتعة فى قيادة المانيوال لانك بتطلع فيها كل امكانياتك واللى ميعرفش يسوق مانيوال مايبقاش سواق
وموضوع السن متطقى تماما لانى ماركبتش اوتوماتيك غير السنة دى ونفس السن بس عشان حاسس انى ممكن احن لسواقة المانيوال كنت حريص ان العربية يكون فيها النظامين ودا اتححق فى كورولا 2008
خالص مودتى

اقتباس:

---

المشاركة الأصلية كتبت بواسطة MOHAMED ABD EL SHAFY

انا مش حابب الفيرارى عشان هتاكل بنزين كتيير ودا سبب اساسى مانعنى من شرائها

---

----------------------------------------------------------
ولا يهمك ياحمادة اذا كان السبب الاساسى هو البنزين فماتقلقش ---البنزين علياhttp://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة CryptonX

دول موجودين في مصر و " بكثرة " كمان :)

---

---------------------------------------------
فعلا موجودين فى مصر بس سؤالى لو معاك تمنها ترضى تشتريها يعنى احب اعرف رايك الشخصى مش مدى توافر العربياتhttp://www.nilemotors.net/Nile/images/icons/icon7.gif

اقتباس:

---

المشاركة الأصلية كتبت بواسطة surgeon1

---------------------------------------------------
معاك حق ياحازم المتعة فى قيادة المانيوال لانك بتطلع فيها كل امكانياتك واللى ميعرفش يسوق مانيوال مايبقاش سواق
وموضوع السن متطقى تماما لانى ماركبتش اوتوماتيك غير السنة دى ونفس السن بس عشان حاسس انى ممكن احن لسواقة المانيوال كنت حريص ان العربية يكون فيها النظامين ودا اتححق فى كورولا 2008
خالص مودتى

---

بالضبط يا دكتور
هو دا قصدي
المانيوال بيخليك تتحكم في العربيه و تطلع كل اللي جواها و جواك
مشكلته في الدبرياج و لحد انهارده مع 18 سنه سواقه و ركبت المانيوال و الاتوماتيك
لكن بفضل المانيوال و مش بحس باي تعب حتي في الزحمه
ربنا يديمها علينا نعمه:)

اقتباس:

---

المشاركة الأصلية كتبت بواسطة hazem_khidr

بالضبط يا دكتور
هو دا قصدي
المانيوال بيخليك تتحكم في العربيه و تطلع كل اللي جواها و جواك
مشكلته في الدبرياج و لحد انهارده مع 18 سنه سواقه و ركبت المانيوال و الاتوماتيك
لكن بفضل المانيوال و مش بحس باي تعب حتي في الزحمه
ربنا يديمها علينا نعمه:)

---

-----------------------------------------------------------
اللهم آمين وربنا يمتعك بالصحة والعافية

هو طبعا المانيوال متعه بس اكتر حاجه متعبه فى المانيوال هو الدبرياج ولازم تدوس للاخر وساعات تفضل معلق رجلك على الدبرياج

اقتباس:

---

المشاركة الأصلية كتبت بواسطة ramylancer

هو طبعا المانيوال متعه بس اكتر حاجه متعبه فى المانيوال هو الدبرياج ولازم تدوس للاخر وساعات تفضل معلق رجلك على الدبرياج

---

----------------------------------
انا معاك يارامى ان الدبرياج فى المانيوال متعب وكمان تكرار النقل من عصا الفتيس لكن انا قلت ممتع مش مريح لان القيادة الممتعة فى المانيوال والراحة والرفاهية فى الاوتوماتيك ودا اللى بيخلى معظم السيارات الرياضية مانيوال زى البورشه وزى الفيرارى اللى مافيش منها اوتوماتيك مع سعرها المهولhttp://www.nilemotors.net/Nile/images/icons/icon4.gif

علي فكره العربيات دي كلها فيها عيوب في الدينامو والبطاريه علشان كده عاملينها مانيوال علشان لما تعطل تتزق وترميلها
بس لما اجيب الفيراري تلبسوا بدل اسموكنج علشان اسمحلكم تزقوها

الزحمه اللى هنا وزحمه الشوارع مينفعش خالص فيهم مانيوال

طبعا الاتوماتيك بيقلل شويه من قرف السواقه

اقتباس:

---

المشاركة الأصلية كتبت بواسطة shnory

علي فكره العربيات دي كلها فيها عيوب في الدينامو والبطاريه علشان كده عاملينها مانيوال علشان لما تعطل تتزق وترميلها
بس لما اجيب الفيراري تلبسوا بدل اسموكنج علشان اسمحلكم تزقوها

---

--------------------------
لا ويدبدبوا برجليهم فى الارض ويقولو اللى يحب النبى يسيبنا نزق هاهاهاهاهhttp://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة mahamedaraby

الزحمه اللى هنا وزحمه الشوارع مينفعش خالص فيهم مانيوال

طبعا الاتوماتيك بيقلل شويه من قرف السواقه

---

-----------------------------------------
تقريبا كلنا او معظمنا متفقين على كده بس انا عاوز اجابة لسؤالى لو فرضنا ان معاك ثمنها ترضى تشتريها ولا لا؟http://www.nilemotors.net/Nile/images/icons/icon5.gif

ألاقي عندك بوجاتي فيرون؟!!!
و بكام؟
أسمع ان في منها أوتوماتيك و سعرها كويس مقارنة بالجين2 و الصني :)

بصراحة ... حتى لو معايا التمن ده واكتر عشر مرات .... اخاف اشتريهم وممكن عربيتى تأدى الغرض ... ربنا يحاسبنى على انه اسراف كان ممكن اساعد بيه ناس ... يعنى بالله عليكم عربية ب 950 الف تجوز كام شاب وبنت ...... ربنا يكفينا شر فتنة المال

و التوكتوك المستورد AT يعملة كام http://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة knightmido

بصراحة ... حتى لو معايا التمن ده واكتر عشر مرات .... اخاف اشتريهم وممكن عربيتى تأدى الغرض ... ربنا يحاسبنى على انه اسراف كان ممكن اساعد بيه ناس ... يعنى بالله عليكم عربية ب 950 الف تجوز كام شاب وبنت ...... ربنا يكفينا شر فتنة المال

---

--------------------------------------------
بارك الله فيك وزادك حسن منطق ومقالhttp://www.nilemotors.net/Nile/images/icons/icon14.gif

NO COMMENT
انا مش هقدر اتكلم عشان المونديو وصلت ل 200 الف
بجد احنا راييحين فين يعني
الفراريات والاوديهات دي مبالغ اوي فتمنها
الواحد ب2 مليون ريال سعودي يجيب اربع عربيات من اللي فوق دول
ومعاهم اتنين مونديو هدية بجد حرام الاسعار اللي احنا فيها دي

يعني الفراري الاخرانية دي لو فرضا ونا جبتها فمصر :gun_smilie:
هيبقا مضحوك عليا فيجي 2 مليون 2 ونص

مش عارف ايه الصناعة المحلية اللي بنحميها؟؟؟؟
الشاهين وال128
بجد مش عارف أقول ايه

يخربيت اللي كان السبب

لاندروفر ديفندر 2400 ديزل ب 400 الف

كنت هجيبها بدون تردد لحظة واحدة ... لاند روفر و مانيوال و ديزل ياما انت كريم يا رب !!

و لو مالقيتش منها مانيوال ماجيبهاش حتى لو معايا أضعاف تمنها

أصلا أنا بكره الأوتوماتيك جدا و دايما أسأل عالموديل المانيوال من العربيات الFavorites اللي بحبها

لو مسوقتش مانيول بحس أني مسوقتش

اقتباس:

---

المشاركة الأصلية كتبت بواسطة MedoMurcilago

NO COMMENT
انا مش هقدر اتكلم عشان المونديو وصلت ل 200 الف
بجد احنا راييحين فين يعني
الفراريات والاوديهات دي مبالغ اوي فتمنها
الواحد ب2 مليون ريال سعودي يجيب اربع عربيات من اللي فوق دول
ومعاهم اتنين مونديو هدية بجد حرام الاسعار اللي احنا فيها دي

يعني الفراري الاخرانية دي لو فرضا ونا جبتها فمصر :gun_smilie:
هيبقا مضحوك عليا فيجي 2 مليون 2 ونص

مش عارف ايه الصناعة المحلية اللي بنحميها؟؟؟؟
الشاهين وال128
بجد مش عارف أقول ايه

يخربيت اللي كان السبب

---

---------------------------------------------------
اشكرك على هذا الرد الجاد بعد ان بدات تظهر بعض التعليقات الساخرة وبصراحة الواحد يعذرهم لان الاسعار تفع الضغط والسكر وتحرق الدم
جزئية فرق الاسعار بين مصر والسعودية كلنا عارفينها لكن مش قادرين نهضمها ولا نلاقيلها مبررات غير ان الاولى لاتضع مصلحة المواطن فى اجندة اولوياتها اما السعودية فهى حريصة على رفاهية مواطنيها والوافدين اليها دخول عالية جدا+اسعار منخفضة=رخاء
حتة حماية الصناعة المحلية دى حجة البليد لان احنا اصلا لاننافس فى هذه الفئات ولكنها وسيلة جباية مقننة ومقنعة ليس الا
واخيرا اعقب على دعائك واقول اللهم آمينhttp://www.nilemotors.net/Nile/images/icons/icon4.gif

اقتباس:

---

المشاركة الأصلية كتبت بواسطة vw_driver

لاندروفر ديفندر 2400 ديزل ب 400 الف

كنت هجيبها بدون تردد لحظة واحدة ... لاند روفر و مانيوال و ديزل ياما انت كريم يا رب !!

و لو مالقيتش منها مانيوال ماجيبهاش حتى لو معايا أضعاف تمنها

أصلا أنا بكره الأوتوماتيك جدا و دايما أسأل عالموديل المانيوال من العربيات الFavorites اللي بحبها

لو مسوقتش مانيول بحس أني مسوقتش

---

-------------------------------------------------------
يااااااااااااااه اخيرا واحد رد على سؤالى الف شكر هو دا قصدى لو تقدر تشترى ولا لاوانت قلت اجيبها بدون تردد احترم رائك الصريح والدوغرى وانا اتفق معاك فى ان اللى ماساقش مانيوال او مايعرفش يسوقها يبقى مش سواق ودا راى قلت من شوية فى ردى على مشاركة الزميل المحترم حازم خضر يتبقى لدى سؤال ماهو سر حبك الجارف لمحرات الديزل؟http://www.nilemotors.net/Nile/images/icons/icon7.gif

اقتباس:

---

المشاركة الأصلية كتبت بواسطة surgeon1

-------------------------------------------------------
يااااااااااااااه اخيرا واحد رد على سؤالى الف شكر هو دا قصدى لو تقدر تشترى ولا لاوانت قلت اجيبها بدون تردد احترم رائك الصريح والدوغرى وانا اتفق معاك فى ان اللى ماساقش مانيوال او مايعرفش يسوقها يبقى مش سواق ودا راى قلت من شوية فى ردى على مشاركة الزميل المحترم حازم خضر يتبقى لدى سؤال ماهو سر حبك الجارف لمحرات الديزل؟http://www.nilemotors.net/Nile/images/icons/icon7.gif

---

هتضحك عليا لو قلتلك اني في الاشارات و لما تكون الدنيا واقفة بظبط الشباك اللي جمبي جنب كبوت نص نقل و بفتح الشباك و أستمتع بالسيمفونية المميزة الخارجة من الموتور الديزل... :)

بحب الديزل من زمان لأسباب كتيرة تتعلق ببساطة فكرته و كونه محرك خدمة شاقة و الdurability بتاعته
و لسبب تاني أن لو عربيتك ديزل تبقا بتتمرد على أسعار البنزين و بتستفيد بالدعم المخصص لسيارات النقل و الميكروباص (بس دا مش سبب رئيسي)

ادعيلي بالشفاء من الادمان ده عشان الحالة باقت صعبة و مستعصية و بقيت في طريق اللاعودة - ممكن تلاقي Topic كمان شهر كدا بعنوان "باركولي استلمت الدبابة و عايز أجيبلها فرش أفيدوني أفادكم الله" :D

اقتباس:

---

المشاركة الأصلية كتبت بواسطة vw_driver

هتضحك عليا لو قلتلك اني في الاشارات و لما تكون الدنيا واقفة بظبط الشباك اللي جمبي جنب كبوت نص نقل و بفتح الشباك و أستمتع بالسيمفونية المميزة الخارجة من الموتور الديزل... :)

بحب الديزل من زمان لأسباب كتيرة تتعلق ببساطة فكرته و كونه محرك خدمة شاقة و الdurability بتاعته
و لسبب تاني أن لو عربيتك ديزل تبقا بتتمرد على أسعار البنزين و بتستفيد بالدعم المخصص لسيارات النقل و الميكروباص (بس دا مش سبب رئيسي)

ادعيلي بالشفاء من الادمان ده عشان الحالة باقت صعبة و مستعصية و بقيت في طريق اللاعودة - ممكن تلاقي Topic كمان شهر كدا بعنوان "باركولي استلمت الدبابة و عايز أجيبلها فرش أفيدوني أفادكم الله" :D

---

--------------------------------------------------------------------
ههههههههههههههههههههههههه ههههههههههههههههههههههههه هه
مش ممكن يادرايفر كان لى حق لما قلت حب جارف لانه طلع اكسترا جارف انت بتشنف اذانك بالموتور الساكن(من السكن وليس السكون) جوه العربيع النص نقل ودا بيفكرنى ببيتين شعر كتبهم قيس لليلى حبيبته
امر على الديار ديار ليلى-----اقبل ذا الجدارا وذا الجدارا
وما حب الديار ملكن قلبى ---ولكن حب من سكن الديارا
تحياتى واحترامى ومودتى لشخصكم الكريمhttp://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة surgeon1

--------------------------------------------------------------------
ههههههههههههههههههههههههه ههههههههههههههههههههههههه هه
مش ممكن يادرايفر كان لى حق لما قلت حب جارف لانه طلع اكسترا جارف انت بتشنف اذانك بالموتور الساكن(من السكن وليس السكون) جوه العربيع النص نقل ودا بيفكرنى ببيتين شعر كتبهم قيس لليلى حبيبته
امر على الديار ديار ليلى-----اقبل ذا الجدارا وذا الجدارا
وما حب الديار ملكن قلبى ---ولكن حب من سكن الديارا
تحياتى واحترامى ومودتى لشخصكم الكريمhttp://www.nilemotors.net/Nile/images/icons/icon10.gif

---

فعلا جبت المفيد ... البيتين دول بيعبروا عني جدا خصوصا (حب من سكن الديار) مع تعديل بسيط (حب من سكن حوض الموتور) - و ياسلام لو كان من سكن ده تيربو ديزل :D

بس ليل سؤال صحيح... هي العربيات ديه نزلت فين؟ هل عند الوكلاء ولا خليجي عند الموزعين؟