حد فكر يركب على العربيه الويرا abs
ينفع يركب ولا مينفعش ولو ينفع مين كويس ممكن اعمل عنده
عرض للطباعة
حد فكر يركب على العربيه الويرا abs
ينفع يركب ولا مينفعش ولو ينفع مين كويس ممكن اعمل عنده
ينفع عادي بتاع اي لانسر يركب وهيتكلف من 3000 الي 4000 وفي الحرفين ممكن زوزا اللي هناك اي حاجه تنفع طالما في عربيات بتنزل كده بس انت تعمل زي احسن انا هركب تناطبير سكاكين ورا زي قدام لان بصراحه العربيه عيبها الوحيد الفرامل
انا كمان مش عجبانى فراملها هى تعتبر احسن من حاجات تانيه غيرها بس مع قوة سحب العربيه انا شايف ان المفروض تكون احسن من كده بقالى فتره بفكر فى الموضوع ده وعاوز فعلا اعمل حاجه فى الفرامل
طيب هتكون الفرامل مجديه لما تركب طنابير سكاكين فى الخلفى
انا معاك فى الموضوع وممكن نعدل مع بعض
الفرامل عندنا كل فتره بتحتاج رجلاش ورا لانها بتهوي وبيبقب تحميل الفرامل كله علي اللي قدام ده غير اننا الطنابير مقاسها 13 والجنوط 14 بالالي هتكون اضعف ده غير بقي ان الموتور بتاعي اقوي شويه لانه 1500 فالفرامل راايحه في داهيه كانت هتقلبني كذا مره فالسكاكين هتبقي زي اللي قدام ضغط علي التيل بس كل ماتحس ان الفرامل ضعفت هتغير تيل بس ده كل فين وفين
الABS مش هيفرق معاك اى حاجة فى قوة الفرامل
MMamdouh
طيب ايه رايك يا استاذ MMamdouh فى الموضوع ده من وجهة نظرك ايه افضل ممكن نعملوا علشان يكون معانا فرامل احسن
ربنا يسترها معاك يا yousefsemsem وان شاء الله نوصل لحل فى اقرب وقت
طيب انت بتفكر تغير فى مقاس الطنابير كمان ولا هيكون نفس المقاس
هغير في المقاس هجيبهم 14 بائضن الله
ألفرامل نظام بسيط و مكوناتة قليلة بالتالى تعديلاتة محفوظة و معروفة
اول حاجة شوف لو عربيتك نزل منها نسخ بطنابير اكبر من اللى عندك... او شوف العربية اللى كانت اساس تصميم عربيتك هل فية نسخ منها بطنابير اكبر من عربيتك ولا لا... انا عملت كدة فى اللانوس و ركبتها طنابير امامى بتاعت اللانوس 1600 و ورا ركبتلها فرامل سكاكين بتاعت اوبل استر (اللانوس عفشتها عفشة استرا 1992)
اعتقد الويرا مبنية على اساسيات متسوبيشى لانسر فا شوف اى النسخ اللى نزلت من اللانسر بطنابير اكبر و حاول تركبها بفرض ان الويرا ملهاش اساسا طنابير اكبر... مشكلة الموضوع دة ان فى بعض الحالات لازم تكبر الجنوط فا اتاكد من النقطة دى لو لقيت طنابير اكبر
طبعا لو جبت الطنابير الاكبر هتجيبها مساطر العجل بتاعتها و التيل بتاعها... دة هيحول اداء الفرامل خالص فى عربيتك بالنسبة للعجل الامامى... بالنسبة للخلفى فا التحويل من طبلة الى سكاكين بيفرق اكتر فى استجابة الدواسة لان فرامل السكينة بتعمل رجلاش لنفسها بالتالى بتفضل دواسة الفرامل استجابتها عالية بعكس الفرامل الطبلة اللى كل ما التيل يتاكل الدواسة بتبوطى و لازم ترجلشها بايدك عشان ترجع تستجيب بسرعة مرة تانية
لو لا قدر الله مفيش طنابير اكبر للفرامل الاماية ممكن بقى تفكر تجيب طنابير مخرمة و مشرطة مثلا عشان تديك اداء احسن... ممكن كمان تجيب نوعية تيل اعلى زى EBC green stuff و دة برضة هيحسن اداء الفرامل... طبعا كل دة مش بقوة تغيير الطنابير لطنابير اكبر فا خللى دة الاختيار التانى ليك
MMamdouh
الحل
هتجيب جنبين خلفى ميتسوبيشى ميراج 2000 طنابير سكاكين 14 و هتركبهم بدون تعديل
والأمامى هتجيب طنابير + كالبرات لانسر البومه 1300 4 مسمار مقاس 14 وهتركبهم برضه على اللى عندك بدون تعديل
أبعاد المسامير للويرا 100*4
مش متأكد من تعديل الأمامى ومتأكد من الخلفى