هل يمكن تركيب abs للويرا

**Acc_HanyMusa** · 27-04-2013 07:02 PM

حد فكر يركب على العربيه الويرا abs
ينفع يركب ولا مينفعش ولو ينفع مين كويس ممكن اعمل عنده

**yousefsemsem** · 27-04-2013 07:37 PM

ينفع عادي بتاع اي لانسر يركب وهيتكلف من 3000 الي 4000 وفي الحرفين ممكن زوزا اللي هناك اي حاجه تنفع طالما في عربيات بتنزل كده بس انت تعمل زي احسن انا هركب تناطبير سكاكين ورا زي قدام لان بصراحه العربيه عيبها الوحيد الفرامل

**Acc_HanyMusa** · 28-04-2013 10:09 AM

انا كمان مش عجبانى فراملها هى تعتبر احسن من حاجات تانيه غيرها بس مع قوة سحب العربيه انا شايف ان المفروض تكون احسن من كده بقالى فتره بفكر فى الموضوع ده وعاوز فعلا اعمل حاجه فى الفرامل
طيب هتكون الفرامل مجديه لما تركب طنابير سكاكين فى الخلفى
انا معاك فى الموضوع وممكن نعدل مع بعض

**yousefsemsem** · 28-04-2013 12:13 PM

الفرامل عندنا كل فتره بتحتاج رجلاش ورا لانها بتهوي وبيبقب تحميل الفرامل كله علي اللي قدام ده غير اننا الطنابير مقاسها 13 والجنوط 14 بالالي هتكون اضعف ده غير بقي ان الموتور بتاعي اقوي شويه لانه 1500 فالفرامل راايحه في داهيه كانت هتقلبني كذا مره فالسكاكين هتبقي زي اللي قدام ضغط علي التيل بس كل ماتحس ان الفرامل ضعفت هتغير تيل بس ده كل فين وفين

**MMamdouh** · 28-04-2013 12:19 PM

الABS مش هيفرق معاك اى حاجة فى قوة الفرامل

MMamdouh

**Acc_HanyMusa** · 28-04-2013 03:48 PM

ربنا يسترها معاك يا yousefsemsem وان شاء الله نوصل لحل فى اقرب وقت
طيب انت بتفكر تغير فى مقاس الطنابير كمان ولا هيكون نفس المقاس

**yousefsemsem** · 28-04-2013 09:29 PM

هغير في المقاس هجيبهم 14 بائضن الله

**MMamdouh** · 29-04-2013 01:28 PM

المشاركة الأصلية كتبت بواسطة Acc_HanyMusa

طيب ايه رايك يا استاذ MMamdouh فى الموضوع ده من وجهة نظرك ايه افضل ممكن نعملوا علشان يكون معانا فرامل احسن

ألفرامل نظام بسيط و مكوناتة قليلة بالتالى تعديلاتة محفوظة و معروفة

اول حاجة شوف لو عربيتك نزل منها نسخ بطنابير اكبر من اللى عندك... او شوف العربية اللى كانت اساس تصميم عربيتك هل فية نسخ منها بطنابير اكبر من عربيتك ولا لا... انا عملت كدة فى اللانوس و ركبتها طنابير امامى بتاعت اللانوس 1600 و ورا ركبتلها فرامل سكاكين بتاعت اوبل استر (اللانوس عفشتها عفشة استرا 1992)

اعتقد الويرا مبنية على اساسيات متسوبيشى لانسر فا شوف اى النسخ اللى نزلت من اللانسر بطنابير اكبر و حاول تركبها بفرض ان الويرا ملهاش اساسا طنابير اكبر... مشكلة الموضوع دة ان فى بعض الحالات لازم تكبر الجنوط فا اتاكد من النقطة دى لو لقيت طنابير اكبر

طبعا لو جبت الطنابير الاكبر هتجيبها مساطر العجل بتاعتها و التيل بتاعها... دة هيحول اداء الفرامل خالص فى عربيتك بالنسبة للعجل الامامى... بالنسبة للخلفى فا التحويل من طبلة الى سكاكين بيفرق اكتر فى استجابة الدواسة لان فرامل السكينة بتعمل رجلاش لنفسها بالتالى بتفضل دواسة الفرامل استجابتها عالية بعكس الفرامل الطبلة اللى كل ما التيل يتاكل الدواسة بتبوطى و لازم ترجلشها بايدك عشان ترجع تستجيب بسرعة مرة تانية

لو لا قدر الله مفيش طنابير اكبر للفرامل الاماية ممكن بقى تفكر تجيب طنابير مخرمة و مشرطة مثلا عشان تديك اداء احسن... ممكن كمان تجيب نوعية تيل اعلى زى EBC green stuff و دة برضة هيحسن اداء الفرامل... طبعا كل دة مش بقوة تغيير الطنابير لطنابير اكبر فا خللى دة الاختيار التانى ليك

MMamdouh

**ahmed_h_g** · 29-04-2013 06:18 PM

الحل
هتجيب جنبين خلفى ميتسوبيشى ميراج 2000 طنابير سكاكين 14 و هتركبهم بدون تعديل
والأمامى هتجيب طنابير + كالبرات لانسر البومه 1300 4 مسمار مقاس 14 وهتركبهم برضه على اللى عندك بدون تعديل
أبعاد المسامير للويرا 100*4
مش متأكد من تعديل الأمامى ومتأكد من الخلفى

-

الموضوع: هل يمكن تركيب abs للويرا

LinkBack

أدوات الموضوع

عرض

هل يمكن تركيب abs للويرا - انشر الموضوع فى :

-

-

-

-

-

-

-

-

المواضيع المتشابهه

هل يمكن تركيب abs في أي سيارة؟

انسب مقاس كاوتش في ال15 للويرا؟؟؟؟؟؟

أخيرا" قطع غيار أصليه للويرا

الصيانة الدورية للويرا

ياريت تقييم للويرا ولا فيرنا

الكلمات الدلالية لهذا الموضوع

المفضلات

المفضلات

ضوابط المشاركة