اوبترا 2010 مساعده تشخيص مشكلة

السلام عليكم اعضاء المنتدي الكرام

المشكلة عندي ف الاوبترا مشكلتين مش واحده بس
الاولي دي اكتشفتها انهارده بسبب الحر ... ان التكييف مش بيطلع هوا ساقع التكييف الساقع بيطلع هوا عادي سخن كأني مشغل مروحه مش تكييف ... و دي حاجه غريبه لاني اخر الصيف اللي فات كنت مغير الفلتر بتاع التكييف و كان التكييف شغال كويس ، دلوقتي بسمع صوت حاجه بتصفر من التابلوه اول ما اشغل التكييف و بعدين يطلع هوا سخن

المشكلة التانيه ان العربيه بمزاج ساعات سحبها يكون فوق الخيال و ساعات زي انهارده اهو كانت زفت لدرجه اني كرهتها .... و ده موضوع هيجنني انا بغير البوجيهات عند كل 20 الف و هي دلوقتي عامله 47 الف و انا غيرته عند ال 45 الف و كان مش بطال و معتقدش فيه حاجه تانيه ماثره علي السحب ده غير انها بقت بتاكل ينزين بطريقه صعبه اوي اخر فتره دي

علي العموم محتاج منكم مساعده ف التشخيص عشان اقدر اعرف ايه الكشلكة بالظبط و كمان اعملها فين

مع الشكر مقدما

اقتباس:

---

المشاركة الأصلية كتبت بواسطة midohector

السلام عليكم اعضاء المنتدي الكرام

المشكلة عندي ف الاوبترا مشكلتين مش واحده بس
الاولي دي اكتشفتها انهارده بسبب الحر ... ان التكييف مش بيطلع هوا ساقع التكييف الساقع بيطلع هوا عادي سخن كأني مشغل مروحه مش تكييف ... و دي حاجه غريبه لاني اخر الصيف اللي فات كنت مغير الفلتر بتاع التكييف و كان التكييف شغال كويس ، دلوقتي بسمع صوت حاجه بتصفر من التابلوه اول ما اشغل التكييف و بعدين يطلع هوا سخن

المشكلة التانيه ان العربيه بمزاج ساعات سحبها يكون فوق الخيال و ساعات زي انهارده اهو كانت زفت لدرجه اني كرهتها .... و ده موضوع هيجنني انا بغير البوجيهات عند كل 20 الف و هي دلوقتي عامله 47 الف و انا غيرته عند ال 45 الف و كان مش بطال و معتقدش فيه حاجه تانيه ماثره علي السحب ده غير انها بقت بتاكل ينزين بطريقه صعبه اوي اخر فتره دي

علي العموم محتاج منكم مساعده ف التشخيص عشان اقدر اعرف ايه الكشلكة بالظبط و كمان اعملها فين

مع الشكر مقدما

---

بالسبه للتكييف الصوت اللي بيطلعلك من تحت التابلوه اللي عامل زي الصفاره ده معناه ان العربيه الفريون بتاعها ناقص حضرتك لما بتشغل التكييف بتسميع صوت التعشيق بتاع الكمبروسر و لا لأ هو عموما هتكون محتاج تراجع علي الفريون في العربيه
بالنسبه للسحب الموضوع مش مرتبط بالبوجيهات و بس ار مره نضفت فلتر الهوا او غيرته امتي؟ فلتر البنزين - نضفت البوابه - عموما حاول تقولنا صياناك عامله ازاي و بتعملها فين علشان نحاول نساعد ان شاء الله و مضايقش نفسك دي امور ان شاء الله سهله

اقتباس:

---

المشاركة الأصلية كتبت بواسطة ahmedhilmy

بالسبه للتكييف الصوت اللي بيطلعلك من تحت التابلوه اللي عامل زي الصفاره ده معناه ان العربيه الفريون بتاعها ناقص حضرتك لما بتشغل التكييف بتسميع صوت التعشيق بتاع الكمبروسر و لا لأ هو عموما هتكون محتاج تراجع علي الفريون في العربيه
بالنسبه للسحب الموضوع مش مرتبط بالبوجيهات و بس ار مره نضفت فلتر الهوا او غيرته امتي؟ فلتر البنزين - نضفت البوابه - عموما حاول تقولنا صياناك عامله ازاي و بتعملها فين علشان نحاول نساعد ان شاء الله و مضايقش نفسك دي امور ان شاء الله سهله

---

كلام سليم وشوف كمان فلتر البنزين ونوع الزيت اللي انت بتستخدمه

اقتباس:

---

المشاركة الأصلية كتبت بواسطة احمد نظمي

كلام سليم وشوف كمان فلتر البنزين ونوع الزيت اللي انت بتستخدمه

---

اولا الف شكر علي اهتمام جميع الاعضاء بالموضوع ده

بالنسبة لصيانه العربية انا مش بعملها غير ف التوكيل كل 5000 الف كيلو و ملتزم بتغيير الفلاتر و كل حاجه فيه تمام

اما بالنسبة لموضوع الفريون معني كده ان فيه تسريب و العربيه هيتفك التابلوه بتاعها
و لو كده اكلم التوكيل اروحلهم بيها ولا ايه حد ممكن يبص عليها ؟ مع الشكر

اقتباس:

---

المشاركة الأصلية كتبت بواسطة midohector

اولا الف شكر علي اهتمام جميع الاعضاء بالموضوع ده

بالنسبة لصيانه العربية انا مش بعملها غير ف التوكيل كل 5000 الف كيلو و ملتزم بتغيير الفلاتر و كل حاجه فيه تمام

اما بالنسبة لموضوع الفريون معني كده ان فيه تسريب و العربيه هيتفك التابلوه بتاعها
و لو كده اكلم التوكيل اروحلهم بيها ولا ايه حد ممكن يبص عليها ؟ مع الشكر

---

طيب البنزين اخباره ايه حاول تغير محطه البنزين اللي بتمون منها
التسريب مش شرط يكون من جوه العربيه ممكن يكون من الكبوت و مش هتحتاج تفك التابلوه و لا حاجه

اقتباس:

---

المشاركة الأصلية كتبت بواسطة midohector

اولا الف شكر علي اهتمام جميع الاعضاء بالموضوع ده

بالنسبة لصيانه العربية انا مش بعملها غير ف التوكيل كل 5000 الف كيلو و ملتزم بتغيير الفلاتر و كل حاجه فيه تمام

اما بالنسبة لموضوع الفريون معني كده ان فيه تسريب و العربيه هيتفك التابلوه بتاعها
و لو كده اكلم التوكيل اروحلهم بيها ولا ايه حد ممكن يبص عليها ؟ مع الشكر

---

الصيانة فى التوكيلات ليست نهاية العالم لازم تكون متابع اللى بيحصل فى العربية أية خصوصاً أن التوكيلات عندنا مش ماشية على قوائم فحص محددة و واضحة للزبائن.

اقتباس:

---

المشاركة الأصلية كتبت بواسطة auto5truck

الصيانة فى التوكيلات ليست نهاية العالم لازم تكون متابع اللى بيحصل فى العربية أية خصوصاً أن التوكيلات عندنا مش ماشية على قوائم فحص محددة و واضحة للزبائن.

---

اكيد كلامك صح بس انا بتابع اللي بيحصل ف العربيه ف كل صيانه ده غير اني لو حسيت باي حاجه بجري عليهم عشان يشوفو ايه االي بيحصل انا اصلي مش مستعد اجرب العربيه عند ميكانيكي بره و اغامر بالطريقه دي

ع العموم انا حجزت معاد للكشف عن التكييف يوم الاربع الجاي ان شاء الله و هقولكوا ايه اللي حصل بالظبط ......... ادعولي بئه

روحت التوكيل و يارتني ما روحت

قالولي ان البايظ الخرطون اللي من الكومبروسور و ده بس ب 600 جم قولتلهم بلاش منه اصلا - انا مش حمل ادفع ف خرطوم 600 جم و غير المصنعيه و كمان شحن الفريون - و اتفاجئت ان العربيه طلعت من الضمان قبلها بيومين فقولتلهم خلاص هعمله بره

و الله معدي بالصدفه ف مدينة نصر كان عندي مشوار لقيت واحد بتاع تكييف عربيه بص عليها و قالي لازم اكشف عليها كشف لقي ان اللي بايظ حاجه عامله زي الاويلسيل كده مدوره و صغيره حديد و مكسيه جلد في اول وحدة التكييف و دي خلاص باظت فسربت الفريون كله

و عليها غيرها ب 45 جنيه و شحن الفريون ب 250 جم - عشان نوعه هيرب انجليزي بتاع بي امات يا بيه - ما علينا من الاشتغاله انا اصلا بكره الفصال دفعته و التكييف شغال حلاوه

الله يسامحهم بئه ف التوكيل نضفو البوابات و الرشاشات كمان و كده. .. ففيه ناس بتقولي لازم تغير البوجيهات و انا اصلا مغيرها من 2000 كيلو ف مش عارف بئه لازم اغيرهم و لا ايه حرام يعني اجيب تاني

ما علينا سحب العربيه برضه لسه وحش متغيرش ف مش عارف اعمل ايه بئه و بعدين كمان مشكلة ان انا خرجت من الضمان دي و مشعايز اروح التوكيل تاني .....هعمل العربيه فين بعد كده الموضوع ده مضايقني حاسس ان العربيه بقت عريانه بسبب موضوع الضمان ده

صدعتكوا و الف شكر حبيت اقولكوا عملت ايه بس

اقتباس:

---

المشاركة الأصلية كتبت بواسطة midohector

روحت التوكيل و يارتني ما روحت

قالولي ان البايظ الخرطون اللي من الكومبروسور و ده بس ب 600 جم قولتلهم بلاش منه اصلا - انا مش حمل ادفع ف خرطوم 600 جم و غير المصنعيه و كمان شحن الفريون - و اتفاجئت ان العربيه طلعت من الضمان قبلها بيومين فقولتلهم خلاص هعمله بره

و الله معدي بالصدفه ف مدينة نصر كان عندي مشوار لقيت واحد بتاع تكييف عربيه بص عليها و قالي لازم اكشف عليها كشف لقي ان اللي بايظ حاجه عامله زي الاويلسيل كده مدوره و صغيره حديد و مكسيه جلد في اول وحدة التكييف و دي خلاص باظت فسربت الفريون كله

و عليها غيرها ب 45 جنيه و شحن الفريون ب 250 جم - عشان نوعه هيرب انجليزي بتاع بي امات يا بيه - ما علينا من الاشتغاله انا اصلا بكره الفصال دفعته و التكييف شغال حلاوه

الله يسامحهم بئه ف التوكيل نضفو البوابات و الرشاشات كمان و كده. .. ففيه ناس بتقولي لازم تغير البوجيهات و انا اصلا مغيرها من 2000 كيلو ف مش عارف بئه لازم اغيرهم و لا ايه حرام يعني اجيب تاني

ما علينا سحب العربيه برضه لسه وحش متغيرش ف مش عارف اعمل ايه بئه و بعدين كمان مشكلة ان انا خرجت من الضمان دي و مشعايز اروح التوكيل تاني .....هعمل العربيه فين بعد كده الموضوع ده مضايقني حاسس ان العربيه بقت عريانه بسبب موضوع الضمان ده

صدعتكوا و الف شكر حبيت اقولكوا عملت ايه بس

---

ممكنن يكون من عده اسباب
1- البنزين وحش وده ممكن تعالجه باضافه منظف لدوره البنزين اختار نوع امريكي ب 40 جنيه
2- ممكن يكون احد سلوك البوجيهات معلق او مقطوع ( الميكانيكي بيعرف يكتشفها بسهوله)
3- فلتر البنزين مش نضيف ( حاول تغيره)
4- لو مفيش حاجه من دي راجع ع كهربه العربيه:praying:

اقتباس:

---

المشاركة الأصلية كتبت بواسطة midohector

روحت التوكيل و يارتني ما روحت

قالولي ان البايظ الخرطون اللي من الكومبروسور و ده بس ب 600 جم قولتلهم بلاش منه اصلا - انا مش حمل ادفع ف خرطوم 600 جم و غير المصنعيه و كمان شحن الفريون - و اتفاجئت ان العربيه طلعت من الضمان قبلها بيومين فقولتلهم خلاص هعمله بره

و الله معدي بالصدفه ف مدينة نصر كان عندي مشوار لقيت واحد بتاع تكييف عربيه بص عليها و قالي لازم اكشف عليها كشف لقي ان اللي بايظ حاجه عامله زي الاويلسيل كده مدوره و صغيره حديد و مكسيه جلد في اول وحدة التكييف و دي خلاص باظت فسربت الفريون كله

و عليها غيرها ب 45 جنيه و شحن الفريون ب 250 جم - عشان نوعه هيرب انجليزي بتاع بي امات يا بيه - ما علينا من الاشتغاله انا اصلا بكره الفصال دفعته و التكييف شغال حلاوه

الله يسامحهم بئه ف التوكيل نضفو البوابات و الرشاشات كمان و كده. .. ففيه ناس بتقولي لازم تغير البوجيهات و انا اصلا مغيرها من 2000 كيلو ف مش عارف بئه لازم اغيرهم و لا ايه حرام يعني اجيب تاني

ما علينا سحب العربيه برضه لسه وحش متغيرش ف مش عارف اعمل ايه بئه و بعدين كمان مشكلة ان انا خرجت من الضمان دي و مشعايز اروح التوكيل تاني .....هعمل العربيه فين بعد كده الموضوع ده مضايقني حاسس ان العربيه بقت عريانه بسبب موضوع الضمان ده

صدعتكوا و الف شكر حبيت اقولكوا عملت ايه بس

---

مبروك علي علاج مشكله التكييف التوكيل طبعا سفاحين الخرطوم ده ممكن حضرتك تعمله بره و تشتريه بتلت التمن ده و ان كان لا يمنع انك اللي دفعته في الشحن برده مبالغ فيه عموما مبروك و متابعينك في مشكله السحب و حاول تراجع علي اللي الزملا قالوا لحضرتك عليه

طب بالنسبة لموضوع البوجسهات يا جماعه صح و لا ايه
يعني لازم اغيرهم و لا بلاش و لا اعمل ايه بالظبط

اقتباس:

---

المشاركة الأصلية كتبت بواسطة midohector

طب بالنسبة لموضوع البوجسهات يا جماعه صح و لا ايه
يعني لازم اغيرهم و لا بلاش و لا اعمل ايه بالظبط

---

البوجيهات اللي متركبين عامل عليهم قد ايه؟

اقتباس:

---

المشاركة الأصلية كتبت بواسطة ahmedhilmy

البوجيهات اللي متركبين عامل عليهم قد ايه؟

---

3000 كيلو بس انا نضفولي الموتور ف التوكيل و البوبابت و حاجات كده ف زمايلي و ناس قالولي انك لازم تغير البوجيهات بعد ما تنضف الموتور ....... الغريب ان سحب العربيه زفت لدرجة اني زهقت منها و كمان من غير تكييف يعني لو شغلته هتجنن

السؤال التاني انا طلعت من الضمان خلاص ابتدي اعمل صيانات العربيه فين لاني محتار انا داخل علي خمسين الف كييلو و علي وشك اني اغير السيور و كل حاجه ف عايز مكان محترم اتعامل معاه و يقدر العربيه لاني مش ناوي اروح التوكيل خلاص