بسم الله الرحمن الرحيم
السادة الأفاضل و الزملاء الأعزاء ....
أنا حبيت انقل لكم تجربتي الشخصية مع تغيير كاوتشات لعربيتي الثانية ... ال لانوس 2
بصراحة انا من حوالي شهرين قلت اغير الكاوتشات و اشد العربية و جبت لها جنوط تايواني سبور 13 ....
وركبت لها جوز كاوتش امامي ماركة دستون تايلاندي سرعة اتش مقاس ... 13 / 70 / 185 .... علشان الثبات ....
المهم العربية على هذا الحال ما كنتش مريحاني ابدا ... : الدريكسيون ثقيل ؛ والمطبات ناشفة ؛ و صوت غريب في العجل .
ملحوظة : انا متعود على الميشلان و البردجستون .... وكنت لسه مركب ميشلان انجليزي للصني بتاعتي .
اليوم ... بسرعة اشتريت جوز بردجستون اندونيسي انتاج 8 / 2012 .... مقاس 13 / 185 / 70 حرف اتش ..... ب مبلغ 850 " اقل سعر وجدته " وركبتهم و ظبط نيتروجين و زوايا ...... ........... و حدثت المعجزة !!!!! بدأت العربية تهدأ صوت و سحب يظهر و يعلى و عاوزه تطير من اقل لمسة بنزين .... والدريكسيون خف جدا ........... وطبعا على طول خدتها مشوار سفر طوالي لسه راجع منه . فرامل تمام التمام في المسكه و التثبيت و الهدوءءءءءءء . والنعومة .
وطبعا حبيت انقل تجربتي و اقول لكل الاحباب : هات اغلى و انظف كاوتش ..... ياريت لاتخرج عن : ميشلان - واحدة من الاربع دول فقط - او بردجستون اولا اندونيسي بعده تايلاندي .... اوعى حد يقول لك ياباني ....!!!! . ... و اخيرا انصح بكاوتش يكون لم يمر على انتاجه اكثر من سنة ....
و ربنا يوفق الجميع .....
وشكراااا لكم
المفضلات