ما هي بداية عدد لفات المتور Rpm التي تقلل من عمره الإفتراضي؟

يا جماعة أنا عندي كام سؤال هما ملهمش لزمة لكن حبيت أعرف معلومة صحيحة عنهم

انا باسمع كتير عن إن المتور لما نمشي بيه على لفات عالية عمره الافتراضي بيقل على المدى الطويل
فهل معنى كده إن المفروض يكون عدد اللفات في عداد ال RPM بين 1-2
ولا بين 2-3
ولا بين 3-4
كحد أقصى علشان يتم المحافظة عليه لأطول فترة
ولوفرضا أنا هامشي على على 30 كيلو مسافة طويلة يبقى في الحالة دي أمشي على التاي RPM 2.4 تقريبا ولا على التالت RPM 1.6 تقريبا؟

تاني سؤال هو إن الواحد لما يمشي على 80 كيلو / ساعة على الغيار الرابع RPM 3 مش هيكون نفس استهلاك كمية البنزين وهو على الخامس RPM 2.1 علشان المفروض إن المتور بيعوض النقص في السرعة نتيجة لاحتكاك السيارة بالهواء والأرض فقط ولا كل ما بيزيد عدد اللفات بيزيد استهلاك البنزين ؟

عزيزى AMO11

"انا باسمع كتير عن إن المتور لما نمشي بيه على لفات عالية عمره الافتراضي بيقل على المدى الطويل"

كلام مضبوط جداً

"فهل معنى كده إن المفروض يكون عدد اللفات في عداد ال RPM بين 1-2
ولا بين 2-3
ولا بين 3-4
كحد أقصى علشان يتم المحافظة عليه لأطول فترة"

قد تحتمل الاجابة و جهات نظر مختلفة

و لكنى سأتكلم عن تجربتى الخاصة.

لا أتجاوز بأى حال 2500 RPM و هذا يعطى سرعة تختلف من سيارة لاخرى

بالنسبة للياريس (اتوماتيك) عدد اللفات هذا يعطى سرعة 100 كم/س و لا أتجاوزها

أما بالنسبة للاول و الثانى و الثالث فلا أتجاوز 2200 RPM

قد يقول البعض ان هذا " يكتم المحرك "

ما يكتمه نحن لسنا فى سباق.:chris:

"ولوفرضا أنا هامشي على على 30 كيلو مسافة طويلة يبقى في الحالة دي أمشي على التاني RPM 2.4 تقريبا ولا على التالت RPM 1.6 تقريبا؟"

لو مسافة طويلة يفضل على الثالث 1.6 RPM بدون الضغط بشدة على البنزين.

"تاني سؤال هو إن الواحد لما يمشي على 80 كيلو / ساعة على الغيار الرابع RPM 3 مش هيكون نفس استهلاك كمية البنزين وهو على الخامس RPM 2.1 علشان المفروض إن المتور بيعوض النقص في السرعة نتيجة لاحتكاك السيارة بالهواء والأرض فقط ولا كل ما بيزيد عدد اللفات بيزيد استهلاك البنزين ؟"

كل مايزيد عدد اللفات يزيد استهلاك البنزين هذه حقيقة لا جدال فيها.

والافضل حين تكون على سرعة 80 كم/س ان تكون على الخامس 2.1 RPM

استهلاك البنزين فى اغلب السيارات ( اللى احنا راكبينها فى المنتدى ) بيزيد بعد سرعة 90كم/س.

مع اجمل التمنيات بعمر مديد لسيارتك ...

كلام جميل...........

الضرر بيبدأ يحصل في المحرك لو دخل في المنطقه الحمراء.. و دي في معظم العربيات اللي بنركبها تتراوح بين 6000 و 7000 لفه في الدقيقه. علشان تاخد استهلاك معقول للبنزبن و متحملش على الموتور و تحافظ عليه انقل ما بين 2000 و 3000 لفه... المهم متنزلش عن الـ 2000 لفه (يعني متمشيش على التالت و اللفات على 1500 لأن الموتور هيبدأ يسقف و ده بردو مضر)

الموضوع مش كدا خالص
ده حسب تصميم الموتور و تصميم نسب التروس
و مينفعش تمشي بغيار عالي و سرعة الموتور قليلة لأن ده غلط و بيزيد إستهلاك البنزين مش بيقللوا و لا حاجة
كل موتور متصمم يعمل عدد لفات معين مع كل ترس علشان يديك أحسن اداء و أيضا أفضل عمر لقطع المحرك الميكانيكية

يعني مثلا عربية 1300 .......... غير 1600
عربية رياضية ......... غير عربية بموتور هادي
الموضوع مفيهوش أحكام مطلقة
يعني مثلا عندي في الجين 2
الأول لازم بغير عند 3000 و الأفضل عند 4000

و الكلام ده ماشي على كل الغيارات
لو غيرت بدري قوي .......... كمبيوتر الإستهلاك للبنزين بيزيد و العزم بيكون ضايع خالص

طيب في البونتو
الموضوع مختلف تماما
بأغير عن 2500
موتور صغير ........... و قوته صغيرة و هو متصمم على كدا
و لو غيرت بدري عن كدا برضه العزم بيضيع و إستهلاك البنزين بيزيد

لازم أغير لما تكون سرعة الموتور مناسبة للتغيير
و ده مش كلامي
ده كلام الناس اللي صنعت العربية

لما يكون مثلا عندك موتور أخره 8000 لفة زي الجين 2 يبقى مفيش أي مشكلة لما أمشي على 3500 إلى 4000
و أهم حاجة زي ما قال الأستاذ أحمد حسن
طالما الموتور مدخلش في المنطقة الحمراء ......... يبقى أنت في السليم و برضه تبقى في حدود سرعة معقولة و مناسبة للموتور و السرعة المطلوبة و الأوزان الموجودة في السيارة

يبقى بدري قوي
إستهلاك بنزين زيادة .......... و حمل على المحرك
و التغيير متأخر
برضه إستهلاك بنزين زيادة ......... و حمل على المحرك

يبقى تشوف المحرك بتاعك كام سي سي ......... و المنطقة الحمراء فين .......... و العزم بيطلع عند كام لفة
و تغيير قرب نقطة العزم

--------------------------------------

أنا كنت فتحت موضوع قبل كدا مشابه و أستفدت جدا من أراء المهندس سبعاوي و المهندس ممدوح و المهندس فادي بالإضافة للبحث في مواقع الأنترنت و الإتصال بعدة شركات لتأكيد المعلومات

و شكرا

اقتباس:

---

المشاركة الأصلية كتبت بواسطة tutankhamoun

الموضوع مش كدا خالص
ده حسب تصميم الموتور و تصميم نسب التروس
و مينفعش تمشي بغيار عالي و سرعة الموتور قليلة لأن ده غلط و بيزيد إستهلاك البنزين مش بيقللوا و لا حاجة
كل موتور متصمم يعمل عدد لفات معين مع كل ترس علشان يديك أحسن اداء و أيضا أفضل عمر لقطع المحرك الميكانيكية

يعني مثلا عربية 1300 .......... غير 1600
عربية رياضية ......... غير عربية بموتور هادي
الموضوع مفيهوش أحكام مطلقة
يعني مثلا عندي في الجين 2
الأول لازم بغير عند 3000 و الأفضل عند 4000

و الكلام ده ماشي على كل الغيارات
لو غيرت بدري قوي .......... كمبيوتر الإستهلاك للبنزين بيزيد و العزم بيكون ضايع خالص

طيب في البونتو
الموضوع مختلف تماما
بأغير عن 2500
موتور صغير ........... و قوته صغيرة و هو متصمم على كدا
و لو غيرت بدري عن كدا برضه العزم بيضيع و إستهلاك البنزين بيزيد

لازم أغير لما تكون سرعة الموتور مناسبة للتغيير
و ده مش كلامي
ده كلام الناس اللي صنعت العربية

لما يكون مثلا عندك موتور أخره 8000 لفة زي الجين 2 يبقى مفيش أي مشكلة لما أمشي على 3500 إلى 4000
و أهم حاجة زي ما قال الأستاذ أحمد حسن
طالما الموتور مدخلش في المنطقة الحمراء ......... يبقى أنت في السليم و برضه تبقى في حدود سرعة معقولة و مناسبة للموتور و السرعة المطلوبة و الأوزان الموجودة في السيارة

يبقى بدري قوي
إستهلاك بنزين زيادة .......... و حمل على المحرك
و التغيير متأخر
برضه إستهلاك بنزين زيادة ......... و حمل على المحرك

يبقى تشوف المحرك بتاعك كام سي سي ......... و المنطقة الحمراء فين .......... و العزم بيطلع عند كام لفة
و تغيير قرب نقطة العزم

--------------------------------------

أنا كنت فتحت موضوع قبل كدا مشابه و أستفدت جدا من أراء المهندس سبعاوي و المهندس ممدوح و المهندس فادي بالإضافة للبحث في مواقع الأنترنت و الإتصال بعدة شركات لتأكيد المعلومات

و شكرا

---

1+

الموضوع حسب العربية و لفات الموتور مش هى الفيصل فى استهلاك و عمر الموتور لان فيه اسباب تانية كتير اهم مليون مرة من لفات الموتور بتاثر فى عمرة

مثلا ادارة الموتور صباحا دى لوحدها مسئولة عن 60% من التاكل جوة الموتور لان فى اول ثوانى بيبقى ضغط الزيت واطى و بيحصل احتكاك معدنى بين اجزاء الموتور المتحركة... بالتالى لو واحد بيبطل و يدور عربيتة مليون مرة كل يوم (مندوب مبيعاات مثلا) و مبيزودش عن 2000 RPM حتبقى عربيتة كنبة بعد سنة

برضة الصيانة الدورية و رعاية الموتور اهم من اى حاجة تانية... مينفعش احسس و امشى على 2000 RPM و معملش صيانات فى مواعيدها بحجة انى مش بقؤص على الموتور..و برضة مينفعش اكون بنقل على 5000 ٌRPM و مستعملش احسن زيت و احسن بنزين و احسن فلاتر و بوجيهات

و للعلم فى اى كتالوج حتلاقى تعريف الاستخدام القاسى هو قيادة داخل المدينة... مسافات اقل من 16 كيلو... ادارة المحرك اكثر من مرة فى اليوم... السير على سرعات قليلة فى حين ان الاستخدام الخفيف هو القيادة على سرعة 90 فى الطريق السريع

بالنسبة لاستهلاك البنزين فهو مرتبط بلفات المحرك مش بسرعة العربية... يعنى كل ما مشيت على لفات اقل كل ما تستهلك بنزين اقل بس طبعا فيه حد ادنى للفات المفروض متنزلش عنة عشن متحملش على الموتور و دة غالبا بيبقى 2000 لفة فى معظم العربيات

MMamdouh