إلى خبراء النظارات والعدسات

**essamz** · 28-04-2013 01:38 PM

احنا اسرة كلنا لابسين نظارات والحمد لله، وكنت بعمل العدسات الزجاج أو البلاستيك عند محلات النظارات العادية بالقرب من سكنى فى المعادى كانت تقريبًا العدسات البلاستيك بتبقى فى حدود 90 والزجاج فى حدود 70 جنيه (أنتى رفيفراشكن)، لغاية ما واحد قاللى على الجماعة بتوع عابدين اللى فى شارع عبد العزيز جاويش و اللى فى برج الأطباء وروحتلهم امبارح وفعلاً الأسعار رخيصة جدًا، وعملت عدسات زجاج أنتى بحوالى 35 جنيه بالتركيب... بس المشكلة إن بعد ما روحت لاحظت إن الزجاج لونه مصفر شوية ومش نقى زى العدسات الغالية اللى كنت بعملها زمان .... فهل ده طبيعى؟؟؟؟ وهل حد يعرف محل معين يكون محترم وأسعاره كويسه فى المنطقة دى عشان أعمل عنده بعد كدة؟؟؟؟؟؟

**JAM** · 28-04-2013 01:55 PM

العدسات الصفراء دى بتبقة عدسات صينى وإبعد عنها فوراً

**essamz** · 28-04-2013 01:58 PM

طب ما تعرفش مكان كويس ممكن أعمل فيه العدسات وبسعر كويس

**JAM** · 28-04-2013 02:09 PM

باب اللوق هوا أشهر مكان فى مصر للناس بتوع النظارات والورش بتاعتهم هناك

**essamz** · 28-04-2013 02:45 PM

طب متعرفش ايه أفضل نوع عدسات (فرنساوى، يابانى، ألمانى) وسعره كام؟؟؟

**Ahmed_Ramadan** · 28-04-2013 03:03 PM

متابع

**ahmedteam** · 28-04-2013 03:48 PM

اعملو ليزك واحد ورا التانى و انسى النظارات خالص

**dede_dodo88** · 28-04-2013 11:35 PM

خليك مع اللي كنت بتعمل عنده قبل كده طالما كان مريحك و مفيهوش مشاكل..

و بصراحة في رينج الأسعار دي أي حد من محلات النظارات يقولك أصل دي ألماني وللا فرنساوي هيكون بيشتغلك أكيد لأنهم كلهم هيطلعوا زي بعض و درجة وضوح واحدة.. يعني مثلاً هتلاقي في عدسات أسعارها بتوصل لـ2500 و 3000..

فرأيي تخليك مع اللي أنت مجربه و مستريحله و بيطلعلك المقاس مظبوط..

**ahmedhilmy** · 29-04-2013 12:36 AM

خليك مع اللي انت تعرفه افضل و العين من تغلي هبات الله لنا فخليك في المضمون اصه ان الفرق مش ضم من 35- 90 و ميستحقش المخاطره خاصه في حاجه غاليه زي كده ادام الله فضله علينا جميعا