المشاركة الأصلية كتبت بواسطة Samir Elshahawy
أنا ما قولتش أن مالهاش لازمة و الا كان الكوريين نفسهم ماتعبوش نفسهم و أتنازلوا عن السعر المنخفض لسياراتهم علشان يزودوها بالوسائل دي كمان
لكن اللي عايز أقوله و حضراتكم برضه مش واخدين بالكوا , أن واحد يبقي راكب عربية (بلاش نوعها و لا بلدها علشان عندكوا حساسية من الحتة دي) عربية دبابة أم 1 أ 1 و فيها كل وسائل الامان اللي في الدنيا و متخيل أن دي اللي هاتحميه و هاتوقف العربية في مسافة مناسبة و ممكن يدخل بيها في الحيط و ينط بيها من علي الجبل
طبعا لأ مش معني كده أنك تمشي بسرعة 200 كم / س أو تقفل العداد و تقول لي ماهما صمموها علشان كده أو تقضيها غرز و تكسر علي الناس التانية و تقول لي أصلها ثابته
يعني واحد شوفته بأم عيني راكب عربية وااااااااو اللي هيا (بلاش أسمها و بلدها برضه) عمال يجري و مقضيها غرز و الطريق أصلا مش مستحمل و كلنا ماشيين واحدة واحدة الكبير فينا جايب 90 بالعافية و ده معدي طاير من جنبي مش أقل من 140 , طيب هاتروح فين ما الطريق قافل ؟؟
و هووووووووووووووب طاااااااااخ طش لبس في الرصيف و مال علي جنبه و طبعا بهدل له عربيتين 3 مالهومش ذنب أنا واحد منهم الاكصطدام بتاعه لما طار في الهوا (أصل العربية متينة جدا و ماتتفكش من بعضها ههههههه) دخل تحت الأكصطدام بتاعي و كسر لي الفبرة اللي تحت
المهم وقفنا له طبعا علشان نطمئن عليه و اللي معاه
طبعا و لا أيرباج فتح بالرغم من أن العربية أتقلبت (مش كوري و لاصيني علي فكرة) و الازاز كله أتكسر علي دماغهم برضه أطمنا عليهم و طلبنا الاسعاف
المهم بأقول للبيه اللي سايق : يعني أنت شايف الطريق واقف و متنيل علي عينه , حد يدخل كده
عارفين رد عليا قال أيه ؟؟
ماهي فيها فرامل أي بي أس و أيرباجز :rfds:
طيب و النبي تردوا تقولوا أيه ؟؟
و لا رد أنت بقي يا حسين :H_angry[1]: