يا بيه دا بيقول كلام عيب
عرض للطباعة
يا بيه دا بيقول كلام عيب
باشمهندس أحمد ....
بعد إذنك عايز اضيف حاجة ....
تصوري إن إحنا شعب متعصب لما يملكه أو يحبه .... وكمان شعب غلبان !!! , وفوق كده شعب يعشق الجدال بفظاعة !!!
يعني ممكن نموت بعض عشان فريق كورة أو مسلمين ومسيحين أو مدينة نصر والتجمع أو ش كذا وش كذا ........... حاجة غريبة بجد !!!
ضيف على التعصب ده إننا كشعب عامة مقهور طول عمره وإمكانياته محدودة ...
فالواحد لما بيشتري حاجة بيطلع عين اللي جابه , ولازم الحاجة دي تبقى احسن حاجة ومن غير ما يدفع فلوس لو قدر ...
وهو مقتنع إن الحاجة دي افضل حاجة طالما هي بتاعته !!!
وليس عنده استعداد انه يطلع غلط ( أفة في الشعب المصري { إلا من رحم ربي } ) .
والكلام ده في كل حاجة موش العربيات بس !!!
كمثال : كل واحد حط نوع زيت معين يطلع يقولك ان الزيت ده أحسن حاجة ويدافع بإستماتة كأنه يدافع عن عرضه !!!
كل واحد ركب كاوتش معين يطلع يقولك إن ده أحسن كاوتش وملعون أبوا الريفيوهات وخلافه .
والمنتدى مليان مجازر عن الخناقات دي .....
يا راجل ده اللي عربيته بتسبق عربية bmw بتقف أصلاً ........ يجي يقولك انا علمت على بي ام , والمصيبة ساعات بحص إنهم مقتعين بكده ...
وخد على كده كثير ........
ده غير أفة ملاحظها من زمان وهي عدم القدرة على التحليل ولا على تذوق العربية !!!
بيعجبني بصراحة تعليق اخونا ا / محمد ممدوح ( اللي ميعرفش يقول هجس )
طولت عليكم معليش ... بس الكلام جاب بعضه !!!
تحياتي
+11111
مش عيب انى معنديش ومش عيب انى على ادى ماهو مفيش حد عنده كل حاجة
ومش عيب انى مقتنع بحاجة
بس العيب انى احاول اقنع الناس بحاجة بالعافيه لمجرد انها عندى او انى مقتنع بيها , مش كل الناس عندها الخبرة علشان تفرق وبالتالى فى ناس هتاخد الموضوع زى ماهو
مرة تاجر بيحلفلى ان الـ abs والكلام ده ملوش لزمة
ليه ياعم ؟..... اصل لازم تكارك مرتين بسرعة علشان يشتغل بعنى عبال لما يشتغل هتكون عملت حادثة - وبيحلف -
......
......
......
:10_9_133:
مشكلتنا اننا بنتعصب ونتخانق و و و و و و و وفى الاخر ياريتنا بنصنع حاجة , احنا شعب مستهلك مضحوك عليه
هههههههههههه
ده على أساس إن واحد تاني اللي قارن الكوري بالالماني
ولغي حاجة اسمها عوامل أمان و خلى كله بركاوي !!!!!
من وجهه نظرى بعد سرعه 200 فرق عوامل الامان
ان الى راكب مرسيدس اسمه مات فى عربيه مرسيدس
والى راكب هيونداى اسمه مات فى عربيه هيونداى
والفرق كبير جدا طبعا
وهوة دة الفرق الحقيقى
ده علي أساس أن في الاخرة هاينادوا علي كل واحد برقم رخصة عربيته ؟
خلاص اللي عايز يجري و يتفشخر بعربيته يجري يتفشخر بعيد في حتة فاضية من غير مايسبب أذي لناس تانية ماشية في حالها و لو عايز يموت في عربية ألماني برضه دي حاجة ترجع له يمكن الشركة تطلع موديل بأسمه ....... هههههههههه