عرض للطباعة
دايما مشترى المستعمل بيواجة موقف ان عندما يجد العربية المناسبة اللى بيدور عليها فى السوق و يكون البائع ليس ذو خبرة (منزلى) و من متصفحى الانترنت فغالبا بيطلب سعر مغالى جدا غير واقعى و غالبا ده عند بداية عرض العربية للبيع وعند مواجهة البائع بالسعر المتداول او الواقعى للتنفيذ يستفز و يرفض العرض بالرغم انه حيضر للنزول بالسعر بعد عدة محاولات لكن سيكون البيع تم مع شخص اخر .
فما هى افضل طريقة لاقناع هذا البائع بالسعر المراد عند بداية عرض السيارة فى السوق بدون الدخول الى طريق مسدود؟
انا شايف ان من البداية طالما السعر مبالغ فيه
يبقي بلاش منها ياما فاهم اوووي وبيتاجر
ياما راجل عربيته غاليه عليه ومش عاوز يخسر
انا اروح اشتري مع المعقول او غالي سنه مع الفصال تبقي معقوله
وفي ناس بتخسر جامد وهيا بتبيع علشان مش بتحب تناهد
من الاخر ده طبع كل المصرين لو مفيش فصال واشترى يقول اضحك عليا ولو فاصل ونزل حاجة يبقا مبسوط حتى لو غليا الطبع غلاب ههههههههههههه
على فكرة برضه
ممكن العربية تبقى تستحق انها تبقى اغلى من السوق ، لأن العربيات الاستعمال المنزلى بتبقى افضل كتير كحالة و استهلاك من السوق فطبيعى ان صاحبها يطلب فيها سعر اغلى من سعر التجار لأن التاجر دايما بيبقى معاه عربيات تعبانة و عايز يكسب فيها فيشترى العربيات التعبانة و يشدها شوية و يبيعها بسعر كويس عشان الناس تشترى ، انما كل واحد اكيد بيبقى عارف قيمة عربيته ايه ، الاعلانات مالية الدنيا و مبقاش فيه حاجة مستخبية
يا باشا أنت جيت على الجرحاقتباس:
المشاركة الأصلية كتبت بواسطة welsherif
أنا اليومين دول عايز أغير عربيتي و بدور على عربية مستعملة لحد دلوقتي حصل معايا الموقف ده مرتين خلال شهرين
المشكلة أن البايع بيبقى حاسس أنك بتخدعه و بتفطس سعر العربية
و فعلا العربيتين اتباعو لناس تانية بالسعر اللي أنا كنت بتكلم فيه من الأول (سبحان الله)
بس أرجع و أقولك أن ده في الأول و في الأخر نصيب
الحمدلله أنا بعرف أتكلم و أتحاور كويس و بهدوء بس ده مش نافع
بجد نفسي أعرف ايه الطريقة دي يا ريت لو حد عنده رأي أو اقتراح أو خبرة يشاركنا
و الله كلام معقولاقتباس:
المشاركة الأصلية كتبت بواسطة muhmado_furp
أصحاب العربيات اللي بيتكلمو من الأول في السعر المعقول أو (الغالي سنة) قليليناقتباس:
المشاركة الأصلية كتبت بواسطة muhmado_furp
بطبيعة الحال الناس معندهاش خبرة في بيع العربيات
و كمان الناس معتقدة أن علو سعر الدولار رفع سعر العربيات المستعمله الى أرقام فلكية
عشان كده اللي بيبيع غالبا بيطلب سعر مبالغ فيه في الأول و لما العربية تقعد فترة ما حدش عايز يشتريها
ينزل سعر العربية شوية و تقعد فترة تاني يروح منزل السعر شوية تاني و هكذا.......
و لما يزهق و يضطر يبيع بالسعر المعقول
يصطاده تاجر من اللي قاعدين ما وراهمش حاجة غير اصطياد العربيات و الزباين ( رزقهم بردو )
ههههههههههههاقتباس:
المشاركة الأصلية كتبت بواسطة emad_2020
ده فعلا طبع المصريين مفيش كلام
يا أستاذ مهاب كلامك مضبوطاقتباس:
المشاركة الأصلية كتبت بواسطة mohab.nabil
فعلا في عربيات استعمال منزلي و حالتها بتبقى تحفة
يعني مثلا فبريكة بره و جوه و كيلومتر قليل و صيانة توكيل و مش محتاجة مصاريف نهائي
و تستحق أنها تبقى أغلى من الطبيعي بتاع السوق
الفكرة كلها أغلى أد ايه
يعني مثلا عربية متوسط سعرها في السوق تعمل من 95 ألف (حالة جيدة) الى 100 ألف (حالة ممتازة) مثلا
و العربية دي فبريكة بره و جوه و كيلومتر قليل و صيانة توكيل و مش محتاجة مصاريف نهائي
تبقى أغلى 2 أو 3 يعني تبقى ب 102 أو 103 أو تبقى عربية ماحصلتش و تبقى ب 105مثلا
لكن عمرها ما تبقى ب 110 و لا حتى ب 106
و لا ايه رأيك يا أستاذ مهاب؟
با أستاذ مهاب أنا متفق معاك في أن كل واحد عارف قيمة عربيتهاقتباس:
المشاركة الأصلية كتبت بواسطة mohab.nabil
بس عارف قيمة عربيته بالنسبة لنفسه مش بالنسبة للسوق
و وقت البيع المهم قيمة العربية دي و سعرها بالنسبة للسوق و المشتري
و دي قيمة العربية اللي غالبا معظم الناس ما يعرفهاش
و بالنسبة للاعلانات هي فعلا مالية الدنيا و على عينك يا تاجر زي ما بيقولو
و عندك مواقع كتير زي كونتاكت كارز و دوبيزول و هتلاقي
في المواقع دي معظم الناس بتطلب سعر بناء على أسعار العربيات التانية المعروضة (اللي أصلا سعرها مش واقعي)
الناس مش بتطلب السعر بناء على القيمة السوقية الحقيقية للعربية (طبيعي لأنهم فعلا ما يعرفوش)
و ده اللي بيخلي العربات دي ما تتباعش لفترات طويلة لحد ما صاحبها يعرف قيمتها بالنسبة للسوق
طولت في الكلام معلش بس في الأخر يهمني جدا رأيك با أستاذ مهاب
و الله يا أ/عماد انا لا ابحث عن الفصال كل الحكاية انى بشترى عربية لاستخدمى الشخصى و ليس المتاجرة و عندما لقيت العربية اللى بدور عليها عن طريق اعلان على الانترنت كان السعر المطلوب مغالى فيه جدا بدون نقاش بالمقارنة لسعر الزيرو و لما كلمت صاحب العربية وجدت انه ثمن العربية بالمقارنة لاعلانات وهمية على الانرنت فحاولت باسلوب مهذب ان اقنعه بالسعر الحقيقى للسيارة و ده عرفته بعد جولة فى السوق لكن الراجل استفز و افتكر انى بفطس العربية بتاعته و انتهت المحادثة على كده و بعد اسبوع قولت اتصل بنفس الشخص تانى و عرفته بنفسى وسألته عن العربية فقال انها اتباعت و كان بيكلم بهدوء بدون عصبية وسألته عن السعر اللى باع بيه فأعترف لى انه باعها بسعر اقل من اللى عرضته انا عليه طبعا انا ما كانش لى نصيب فيها انا عارف لكنى قولت لنفسى انى لم استخدم الطريقة الصح فى اقناعه و طبعا طمعه يمكن ده اهميه وجود وسيط بين البايع و المشترىاقتباس:
المشاركة الأصلية كتبت بواسطة emad_2020
....معروف ان الزيرو بيتسعر طبقا لخبراء اقتصاديين على اعلى مستوى وبناء على دراسات كتيرة للسوق والمستهلك....طيب ممكن نعرف من حضرتك بقى ايه المقياس العلمى المنطقى اللى بتستخدمه لتحديد السعر السوقى الحقيقى لأى مستعمل؟؟اقتباس:
المشاركة الأصلية كتبت بواسطة ahmedpharma
يا باشا انتا فهمت كلامى غلط انا مش قصدى عليك انا بتكلم على عموم الناس وربنا يوفقك فى عربية كويسة ويكفيك شرهااقتباس:
المشاركة الأصلية كتبت بواسطة welsherif
هههههههههههههههههاقتباس:
المشاركة الأصلية كتبت بواسطة mohammed dodda
حلوه أوي يا محمد باشا (المقياس العلمي المنطقي لتحديد السعر السوقي الحقيقي)
ما تتعصبش أوي كده أشرب سفن أب و روق أعصابك
الموضوع أبسط من كده بكتيييييييييييييير يا أستاذ محمد
السوق زي ما حضرتك عارف عرض و طلب
لو حضرتك عايز تبيع عربية معينه خد لفة الأول في سوق مدينة نصر يوم الجمعة وشوف العربيات اللي زيها (حسب حالتها و كمالياتها) بتتباع بكام
(سواء صاحب العربية اللي بيبيعها أو تاجر بيبيعها)
و مهم جدا يا أستاذ محمد كلمة بتتباع بكام مش صاحبها طالب فيها كام
يعني ادخل على كذا واحد بيبيع عربية زيها و و اتفرج عليها بجد و فاصل و اتكلم بجد كأنك فعلا بتشتري و شوف الكلام بيوصل لحد فين في الفلوس
أو ممكن تاخد لفه برضو على معارض العربيات المستعملة و تعمل نفس الكلام
و بكده يبقى أنت عرفت متوسط (السعر السوقي الحقيقي) للسيارة
و بعد كده أنت و شطارتك في البيع و الشراء
دي يا أستاذ محمد وجهة نظري في الموضوع أتمنى أني أكون قدرت أوصلها ليك
طبعا في الاول و الاخر كل شيء نصيب و اعتقد ان حضرتك لما تاخد قرار الشراء حضرتك بعد ذلك مباشره بتعمل دراسه سريعه عن طريق الانترنت او سؤال من لديه خبره في الاسعار و من ده حتقدر تطلع رينج سعر بمواصفات معينه و طبعا هيبقي متوافق مع الميزانيه اللي حضرتك حاططها للموضوع و كل ما تدور و تجمع معلومات هتقدر تقلل رينج السعر العادل للسياره و يبقي شبه دقيق و بعد كده بتروح تتفرج علي العربيه و حضرتك في دماغك الرينج العادل بتاعها بحيث لا تظلم نفسك و لا صاحبها و بناء علي الاتفاق المبدأي تروح الخطوه اللي بعدها و هي فحص السياره في مركز صيانه او التوكيل ان أمكن للتأكد من الحاله الفعليه فلو طلعت حالتها كويسه و في رينج السعر العادل يبقي توكل علي الله و احيانا ممكن تكون بحاله نادره فعلا و دي ممكن تخليك تزود الفين او تلات الاف جنيه تقديرا للحاله او تاخدها بالحد الاقصي للرينج اللي حضرتك كنت محدده إنما مش مثلا الرينج الاقصي ١٠٠ الف إنما صاحبها بيتكلم في ١٣٠ الف لان ده معناه ان في حاجه غلط و الموضوع مش هيمشي كده.
طبعا من الأخطاء الشائعة الانخداع بمظهر او بمهنه البائع او بكثره حلفانه و كمان بالمظهر الخارجي للسياره و بالتالي إهمال الكشف علي السياره في التوكيل او مركز معتمد من باب التوفير مع ان ده من الاخطاء الكبيره و العواقب بتبدأ تظهر بعد الشراء و بتتراوح ما بين قطع غيار لازم تتغير و حتي ان العربيه عامله حوادث كبيره او مغيره اجزاء كبيره.
بالنسبه للبائع اللي بيطلب سعر مبالغ فيه ده بيبقي في الاغلب لسه عارض العربيه جديد فبيحاول انه يبيعها بأعلي سعر اعتمادا علي معلومات غير دقيقه او عن طريق تنزيل مبلغ قليل من تمنها الاصلي و ده يخللي سعرها امامك غير واقعي و خاصه بعد لما تكون لفيت و سمعت من اكتر من واحد فبقيت عارف الرينج و كمان لما بيبقي البائع مشتري العربيه بالتقسيط لانها بتقف عليه أغلي من الكاش فبالتالي بيحاول يبيعها باقل خساره ممكنه عن طريق رفع السعر لكن اللي في الاغلب بيحصل انه ما بيلاقيش اقبال علي السياره فبيضطر ينزل من السعر بالتدريج حتي ينزل السعر الي الرينج الطبيعي بعد كده و طبعا النوعيه دي مش هينفع معاها فصال في السعر لان السعر مبالغ فيه و حتي لو فاصلت معاهم و خدتها بسعرها المعقول هيبقي بالنسبه لهم حضرتك غلبتهم في السعر و ظلمتهم مع ان ده مش حقيقي.
اقتباس:
المشاركة الأصلية كتبت بواسطة land_cruiser
كلامك موزون و سليم مليون في الميه
أنت كده تقريبا قلت كل اللي أنا كنت عايز أقوله و زيادة كمان
الله ينور عليك
...بالضبط : انا بس كنت منتظر الكلمة دى من حضرتك لان فيها خلاصة الكلام..سعر اى مستعمل يتحدد بناء على درجة اقبال الناس عليها.. وانا مش متعصب ولا حاجة واعذرنى لو لهجة كلامى حادة شوية وأشكرك لسعة صدركاقتباس:
المشاركة الأصلية كتبت بواسطة ahmedpharma
لازم تعرف ان فى ناس بتبيع بيع غناوة و دول ابعد عنهم عشان هتلاقية بيضرب سعر ف العالى و لو اتباعت العربية يبقى خير و بركة . ما اتبعتش يبقى عادى بالنسبة ليه
المشكلة ان لما شخص عادى (مش تاجر ) يحب يبيع عربيته بيبقى خايف اوى ان يضحك عليه (و دا حقه ) و دا طبعا من كتر اللى بيسمعه عن ناس اتعمل عليهم مصلحة حلوة خصوصا من التجار (مش كلهم بس كتير منهم )
طريقة كلامك مع صاحب العربية اللى معندوش خبرة ف سوق السيارات لازم تختلف عن طريقة كلامك مع التجارو الناس الفاهمة لانه بيبقى متشكك اوى ,,,,,, و ضحله عيوب عربيته بس مش بطريقة مباشرة عشان مايفتكركش جاى تخسف بتمنها
لو زهقت من النقاش معاه قوله ( اسأل حد تكون بتثق فيه و رد عليا ) و قوله كمان ( اللى يسعرهالك بتمن اعلى , يجيبلك مشترى ياخد بالتمن دا )
متنساش انك لازم تراعى ربنا و تكون حقانى و تقدر قيمة العربية اللى قدامك لو كانت تستاهل و ما تدفعلوش قد اللى بيدفع ف عربيات حالتها اسوء
اخر حاجة , لازم تعرف ان الموضوع ف الاول و الاخر نصيب
بكل بساطه هتقوله أخر سعر ممكن أدفعه فيها كذا ودي نمره موبايلي لو نويت تبيع على السعر ده كلمني. ولو فيه نصيب ليك هيتصل بيك ولو مفيش تبقى راحت لصاحب النصيب. خد بالك برضه ان فيه ناس بتدفع بزياده شويه في عربيه حالتها كويسه عشان بتكون زهقت من الفرجه على العربيات ومن الحالات السيئه فاللي معاه عربيه حالتها كويسه من حقه يدلع شويه عشان يحس بفرق مصاريفه عليها (اللي بيصين في التوكيل بفواتيره الحراقه مقابل اللي يادوب بيغير زيت في أي بنزينه وخلاص).
متابع بما انى فى مرحلة بيع وشراء فى نفس الوقت