الموضوع: برضه محدش رد من فضلكوا حد يرد عليا لانى فعلا محتار سيينا2008

المشاركة الأصلية كتبت بواسطة mosho1985

من فضلكوا اللى يعرف حاجه عن العربيه دى يقولى فيات سيينا2008 العربيه دى عجبانى وداخله دماغى جدا وبفكر اشتريها بس خايف اشتريها قبل مااعرف كل حاجه عن مميزاتها وعيوبها وخصوصا قطع الغيار هلى متوفره وسعرها معقول ولا لا ارجوكم سرعة الرد

السيينا 2008 هي هي السيارة بترا 2003
ولكن بمحرك مختلف و بعض الالوان الخارجية و الاضافات الخارجية المختلفة .
و هي تفقيل صيني .

مزاياها : اشتراكها في العديد من قطع الغيار مع العديد من موديلات فيات حديثة و قديمة فمش حتحتاج للتوكيل خالص .

سيارة مصنعة خصيصا للطرق المصرية و ان كانت علي حساب راحة الناس الي جوة .

موتورها الجديد 1500 - 85 حصان . طبعا اضعف من ال 1600 الي كانت بتطرح بيها ولكنها اقوى بكثير من ال 1400 ال 65 الي كانت بتطرح بيه ايضا .

عيوبها انها شكلها بقى قديم شويتين من جوة ومن برة و دي طبعا اذواق

سعر اعادة بيعها حيكون ضعيف حاليا . فلو انت ناوي انها تعد معاك فترة اكثر من او 5 سنين مش مشكلة .. لكن لو ناوي تغير علطول حتخسر شوية .

ارجو اني اكون افادتك .

المشاركة الأصلية كتبت بواسطة mosho1985

متيهالى لو الموضوع التقفيل بس اللى صينى فمتهيالى انه برضه حيبقى احسن من المصرى اللى موجود فى معظم العربيات
بس انا محتاج اعرف هل العيوب اللى كانت فى السيينا قبل كده زى التكييف اللى ولا اكنه شغال (فى الزحمه)وخنقة العربيه مع تشغيله وموضوع احتكار الوكيل لقطع الغيار فعشان كده كانت اسعارها غاليه جدا مثلا فى ال 1600 و جزاكم الله خيرا

بص ياسيدي الفاضل انا مش حفتي بس حقلك علي معايا .

انا معايا فيات باليو 2006 1242 سي سي برازيلي .

هي سيينا بس هاتشباك و بشكل جديد ( الي في صورة توقيعي )

التكييف جيد جدا في كل حتة الا في حالة واحد .. لو سبت العربية في الشمس .. يعني لما بسيب العربية مركونة كام ساعة في الشمس .. ( في الشغل مثلا ) و انزل الظهر اطلع بيها .

والله لو عملت قرد ! و شغلت التكييف على 4 ! و هويت علي نفسي ! و عملت كل حاجة بتبقى حارة برده لمدة 15 - 20 دقيقة .. بس من سؤال ناس غيري قالولي ان ده طبيعي .

انما لو السيارة مش ساخنة اصلا .. و الله انا بشغله علي 2 او 3 بالكثير في عز الظهر فوق كوبري 6 اكتوبر الواقف على طول و ببقى الحمد الله متكيف و مبسوط .

باليل مش بزود اكتر من 1 او 2 باكتير .

بالنسبة لخنقة الموتور انا عربيتي 1242 سي سي فاكيد بيفرق بس انا الي لاحظته انه بيفرق في السرعة النهائية مش في السرعة الاولية ..

بمعنى اني لو مشعله علي 4 حتى العربية بتتحرك عادي جدا .. بس مثلا لما اكون علي 80 و عايز ازود لحد قول 100 120 .. من غير تكييف سهل جدا .. بالتكييف الوقت بيزيد شوية و دع علي 4 اعلي سرعة في مروحة التكييف .

التوكيل مش حتتحاجه تقريبا نهائي لاني زي ماقلتلك السيارة هي هي البترا .

الحاجة الوحيدة الي عايزك تسال عليها هي قطع غيار الموتور علشان ده موتور مكانش موجود في مصر قبل كدة ..
فممكن تنزل شارع دمشق او شارع شامبليون عند الكيلان في وسط البلد و تسال لو هو هو حاجة السيينا و البترا اتكل علي الله .

و انا اعرف نمرة مهندس في اوماترا يمكن يفيدك لو معرفتش

و ربنا يوفقك .