الموضوع: سلامة اوبل فى المهندسين

استاذ هلال اشكرك على ردك و الحمد لله انى مختش منه حاجة عشان كان عايز ياخد الكاسيت اللى معايا و يدينى اللى عنده و ادفع فرق الف جنيه و رغم ان السعر مبالغ فيه انا وافقت لكن يلبسنى. شاشة مش بتاعة الكاسيت ده كتييير.
استاذ عادل انت بتوصف اللى حصل بالظبط انت مراقبنى ولا ايه :)

انا معاك بس الموضوع ده حصل الجمعة اللى فاتت و النهاردة الخميس.
هقولهم انا لسة فايق دلوقتى؟ و بعدين هثبت ازاى كلامى؟ انا صدقنى مش سلبى بس انا عارف انى هوجع قلبى على مفيش.

المشاركة الأصلية كتبت بواسطة nagy wassef

استاذ هلال اشكرك على ردك و الحمد لله انى مختش منه حاجة عشان كان عايز ياخد الكاسيت اللى معايا و يدينى اللى عنده و ادفع فرق الف جنيه و رغم ان السعر مبالغ فيه انا وافقت لكن يلبسنى. شاشة مش بتاعة الكاسيت ده كتييير.
استاذ عادل انت بتوصف اللى حصل بالظبط انت مراقبنى ولا ايه :)

ههههههههههههههههه يا باشا انا ساكن جنب ميدان لبنان فكان الطبيعي ان اول تعامل ليا مع تاجر استيراد انه يكون هنتش بحكم انه قريب

بس وكان حب يعمل معايا نمرة ويشتغلني بس الحمد لله متمتش واحمد دا كنت علي وشك اني اقل ادبي عليه وامسك فيه لولا ان ابن خالتي كان معايا ولم الموضوع واصلا احمد دا كلب فلوس وكلب بمعني الكلمة انك لو اديته فلوس يبيع امه

الكلام اللي استاذ احمد قاله كلام مظبوط ولا غبار عليه لو حضرتك حابب تمشي عليه

ولو مش حابب فانا من وجهة نظري انك تريح دماغك والحمد لله انك مشترتش منه حاجه ولو جت علي خسارة الوقت معلش والشتيمه احتسبها عند الله والموضوع ملحوق انك متنصبش عليك ولا خدوا منك فلوس ولا حاجه

بس بيني وبينك انا لو مكانك ودمي محروق انا اعمل زي ما استاذ احمد فهمي ما قال
اما بئا لو معندكش وقت ودمك محروق برضو يبئا تأجر عيلين يرمو مولوتوف علي المحل بعد ما يقفل وكل عام وانتم بخير

المشاركة الأصلية كتبت بواسطة احمد فهمى

متستقلش بموضوع المحضر والله بيجيب نتيجه بس تتابع وترفع بى قضيه كمان ولو كل واحد عمل كده والله الاشكال دى هتضرب تعظيم سلام للناس بس مشكلة مصر ان الناس مش فاهمه قانون فاكرين القسم هو اللى يجيب حقهم لا ده هيئه مدنيه بصبغه عسكريه يعنى زى الشهر العقارى كده بتاخد منو ورقه رسميه بس والمحكمه تكمل فطبعاً اللى زى هنتش وامثالو المحامى بياخد منهم اد اللى بياخدو من اي حد 1000 مره وده كفايه وطبعاً لو اتكرر الوضع مستحيل المحكمه والقسم يتعاطفو معاه اكتر من مره يتم شكوتو

الحمد لله انها جت في وقت مش فلوس ولا حاجة مضروبة ولا يكون بوظ ضفيرة في العربية
انا طبعا معرفش هو عمل معاك اية شتمك او ضربك او او او ......
المهم اعمل محضر في القسم الذي يوجد بة المحل بتاريخ حدوث الواقعة وخلي المحامي هو اللي يضبط الكلام اللي هتقولة في المحضر عشان زي مبيقولوا المحامين ( محضر ميخرش المية ) وخلي المحامي يضبط الامين بقرشين عشان يحول المحضر جنح والمحضر لو اتحول جنح يبقي الواد دة هيتخيط
لو المحضر اتحول اداري يبقي ملوش لازمة ولا هيستدعوا الواد ولا اية حاجة هتحصل
المهم لازم تاخد رقم المحضر (مثال 910 جنح )
ولو معاك شهود يبقي خير وبركة
المفروض القسم هيستدعي الواد ويسالة عن اقوالة الحاجات اللي هتقابلها ان مندوب القسم هيروح للواد يبعتلة اخطار الواد هيظرفة قرشين ويقولك لم يستدل علي عنوانة
فيا سلام يا باشا لو انت روحت مع بوكس من القسم وجبتوا الواد في صورة استدعاء دة لوحدها هتعملة حالة من السعادة هتخليك تتنازل عن المحضر لما تشوف البوكس وهو بيتخدة من المحل وسط الناس
ودة مش هيحصل الا لو معاك واسطة تخليهم يطلعوا بوكس يجيب الواد
بص انا حاسس اني طولت في الكلام لة عايزني اكمالك حوار القسم والنيابة تبقي تقولي
واعمل موضوع عن ورش اوبل السيئة وحط المحل دة فية عشان نحمي الناس اللي لسة متعاملتش معاة
والله المستعان

طب لما كل الناس اللى اتعاملت معاه بتشتكى منه طب هو. فاتح و شغال على مين؟