نتقط ميه في مكان غريب ( بالصور )

**MinaLove_1** · 30-04-2013 12:47 PM

انا بقالي فتره عندي نقص ميه تابعته بالصدفه الغريب اني مفيش نقطه ميه تحت العربية خاااالص
وكل الخراطيم سليمة
ومن يومين لاقيت تنقيت في مكان غريب جدا عند عقربة الفتيس

زي ماهو باين ف الصورة في المربع الصغير ده بس ونشفته اكتر من مره عشان اتأكد اني في حاجه بتنقط

والخراطيم اللي جاية من فوقيه ناشفة من بداية القربة ولحد بعد المكان ده
ونفسي اعرف التسريب د ممكن يبقي منين ,نسيت اقولكم بزود كباية ميه كبيره كل يومين
وشكرا للمشاركتكم مقدماااا

**ahmedfouad** · 30-04-2013 01:26 PM

شكله تنفيث من خرطوم مشقق .. اصبر عليه وما تشغلش بالك لحد ما هتكتشفها لوحدك ان شاء الله ..
وممكن كمان يكون الغطاء بتاع القربة البلف بتاعه باظ ووالغطاء عاوز يتغير ...
ولو عاوز تنهى المشكلة قدامك حل واحد ..
انك تجيب مانع التسرب اللى بيتضاف لدورة المياه وبيسد كل الثغرات اللى فيها من غير وجع قلب
خلى معاك جركن مياه احتياطى فى العربية لاى طوارئ وربنا يسترها على الجميع

**Ahmed Nasser** · 30-04-2013 01:33 PM

اعمل كبس لدورة المياة وشوف انة خرطوم اللى بينقط

**MMamdouh** · 30-04-2013 01:44 PM

اكبس دورة التبريد عشان يبان مكان التسريب و اكشف على غطا القربة

دا بفرض انك متاكد ان دى مية مش زيت فتيس

MMamdouh

**MinaLove_1** · 30-04-2013 02:05 PM

المشاركة الأصلية كتبت بواسطة mmamdouh

اكبس دورة التبريد عشان يبان مكان التسريب و اكشف على غطا القربة

دا بفرض انك متاكد ان دى مية مش زيت فتيس

mmamdouh

كبير المنطقة نورت ياباشا

1- الغطا تمام عشان دايما بيبقي مضغوط بعد ركنة او مدة طويلة وصوت كبس الهوا بيبقي تمام والحمد لله
2- انا بستشير الناس قبل ما اكبس طبعا يمكن يكون حصل مع حد قبل كده ويبقي مفيش داعي للكبس
3- وطبعا دي ميه لاني الحمد لله بعرف افرق بين الميه والزيت

نورتنا و شكراااااااا

**M.Al-Hefnawy** · 30-04-2013 02:24 PM

لسه إمبارح وأنا عند الميكانيكي واحد جاي بنفس المشكلة ... والميكانيكي قالو دي طبه ميه بتبقى في الموتور من ورا ... خلي ميكانيكي كويس يبصلك عليها ... الميكانيكي قعد يبص والعربية كانت مش دايرة ما فيش حاجة بتنقط خالص ولما العربية دارت طلع رذاذ ميه من الطبه دي.

**MinaLove_1** · 30-04-2013 02:41 PM

المشاركة الأصلية كتبت بواسطة m.al-hefnawy

لسه إمبارح وأنا عند الميكانيكي واحد جاي بنفس المشكلة ... والميكانيكي قالو دي طبه ميه بتبقى في الموتور من ورا ... خلي ميكانيكي كويس يبصلك عليها ... الميكانيكي قعد يبص والعربية كانت مش دايرة ما فيش حاجة بتنقط خالص ولما العربية دارت طلع رذاذ ميه من الطبه دي.

يا مسهل الحال ايوه كده
بس انا غيرت 3 طبات بتوع الماتور والشكمان اللي تحت الفرن وكمان شوية خراطيم وقربة
والميكانيكي بص كذا مرة بس شكلي حغير الميكانيكي دا
وبفكر اروح لحد تاني اقوله الكلام دا او حد بتاع ردياتيرات؟ مش عارف لسه ؟؟
وربنا يكرم وتكون منها بس يا محمد التسريب دا ينطر للمكان اللي انا مصوره دا لفوق كدا ؟؟

**MinaLove_1** · 01-05-2013 11:58 AM

+ متابع هل من جديد ؟

**مصطفى-حسن** · 01-05-2013 03:31 PM

هقولك على اختبار بسيط
نشف المكان والمساحة اللى حولية كويس وبعدين مع اول مشوار معقول العربية تسخن فية
افتح الكبوت وبص بصبر شوية
مش لازم المية تكون من نفس المكان او فوقة
المكان دة واخد درجة ميل
يعنى ممكن تكون جاية من مكان اعلى بس بتنزلق للمكان دة
فخلى بردة نظرتك للاماكن الاعلى اللى ممكن لما تسرب المية تنزلق للمكان دة
وربنا يوفقك