عرض للطباعة
لو سمحتوا يا جماعة .. أنا يمكن لسه جديد في موضوع العربيات ده و محتاج المشورة .. أنا عاوز أجيب عربية حنينة كده و محتار بين الاسبرانزا ال A113 و ال byd f3r اللي هي هاتش باك
انا معرفش سعر البي واي دي f3r بكام فلو ياريت حد يقدر يفيدني علي العلم ان ال a113 ب 64000
أرجو الافادة من حيث الامكانيات و الاسعار .. شكرا جزيلا
الاسبرانزا 1300 ، البي واي دي 1500 سي سي
الاسبرانزا مجمعة في مصر ، البي واي دي r مجمعة في الصين (الـ f3 العادية هي اللي مجمعه في مصر) .
الـ 113 أصغر في الصالون من الـ r (نفس صالون التويوتا) .
الاتنين فئتين مختلفتين وسعر الـ r في رنج أخر السبعينات .
المفروض حضرتك تشوف أنت عاوز أيه من العربية وعلى هذا الأساس تحدد أنت حتشتري أيه بعد الاستخارة .
شكرا جزيلا علي الرد .. طيب هل حضرتك شايف ان ال a113 مناسبة ؟؟
لاني كلمت اكتر من حد عليها و شككني فيها .. فياريت أخد منك الرد الوافي لاني ان شاء الله هشتري الاسبوع الجاي
محتاج اعرف الاتزان بتاعها علي السرعات العالية و الثبات و السحب و قطع الغيار .. يعني اكيد انت فاهمني و عفوا علي الاطالة
توكيل إسبرانزا أسوء من سئ
توكيل الأمل بتاع byd ورشه كبيره ومفيش ضمير
قبل ما تشترى روح إتفرج على مراكز الصيانه هتشوف العجب العجاب
وقديما قالو تخير الجار قبل الدار
روح شوف مراكز الصيانه اللى هتتعامل معاها واسمع من الناس هناك
على فكره معايا تيجو وسايب التوكيل من صيانه الألف لسوء المعامله
وأخويا معاه byd ,وبيلعن اليوم اللى جابها فيه
ملحوظه أخيره أسأل على أسعار قطع الغيار وأندهش
أنا نادم على اللانوس أشد الندم
قطع غيار رخيصه عند البقالين
وأى صبى ميكانيكى بيفهم فيها
دي فئة ودي فئة تانية و في رايي بص كدة علي الاسبرانزا انفي او الامجراند
والله يا فندم موضوع توجيه النصح لشراء عربية معينة أنا بعتبره مسئولية كبيرة أنا مش قدها .. لأني ممكن أنصح بعربية ما شايفها من وجهة نظري كويسة وهي مش مناسبة لظروفك وإمكانياتك أو ربنا مش رايد ليك فيها الخير .. فأكتر شخص قادر على النصح هو أنت شخصياً لأنك أكتر واحد أدرى باحتياجاتك وإمكانياتك المادية .. وما علينا هنا هو عرض مواصفات كل عربية بموضوعية وحيادية أما الاختيار فهو عليك ومن قبلك ربنا سبحانه وتعالى بعد الاستخارة .اقتباس:
المشاركة الأصلية كتبت بواسطة shetoshandasa
أنا أسف إذا كان ردي لا يسمن ولا يغني من جوع .. ولكن علشان أريحك أنا عن نفسي مبحبش كل العربيات الهاتش باك (ودي أذواق) يعني لا دي ولا دي .. ولكن لو في اختيار بينهم ومعايا المقدرة المادية لشراء الاتنين حشتري البي واي دي نظراً لقوة موتورها ووسع صالونها " وفقاً لظروفي أنا وإمكانياتي أنا المختلفة عنك " ( ومتنساش كلامي اللي فوق )
اقتباس:
المشاركة الأصلية كتبت بواسطة horeen
ده حال معظم التوكيلات في مصر .. مش ابو الفتوح والأمل فقط .. ولكن في الأونة الأخيرة ابتدى توكيل الأمل في التحسين من نفسه كثيراً .. وتلافي الأخطاء السابقة في مراكز الخدمة .
وبالنسبة لقطع الغيار فهي للعربيتين منتشرة خارج التوكيل وبأسعار معقولة جداً .. بالإضافة أن ناس كتيرة ابتدت تشتغل في العربيتين بعيداً عن التوكيل .
وبصفة عامة العربيات الصيني تعتبر صفقة رابحة مقابل ما تدفعه .
والله هو الموضوع ان كل واحد بيشكر في عربيته و بيطلع فيها العيوب اللي هو شايفها سواء معاه لانوس او اسبرانزا او فيرنا او حتي بي واي دياقتباس:
المشاركة الأصلية كتبت بواسطة bassem.naguib
يعني اللي عاوز أوضحه ان فعلا زي ما قلت محدش بيفيد أوي في الموضوع ده و ربنا يعمل اللي فيه الخير
شكرا جزيلا
بصراحه انا شايف ان سعر64 الف 113 كتير قوى قوى بص ياباشا لو حابب الهاتش باك نصيحه اصبر شويه او ممكن تجيب كسر زيرو من على موقع كونتاكت كار وكمل الفلوس وهات m12 عربيه ممتازه وثبات وشكل وقطع غيار موجوده فى كل مكان انا معايه m11 من 2010 وكنت قلقان من قطع الغيار الحمد لله انتشرت كتير لسه جايب كشاف شبوره 100 جنيه