الموضوع: مقارنة فيرنا اوتوماتيك زيرو و هوندا سيفك 94 si أوتوماتيك

المشاركة الأصلية كتبت بواسطة tata12001

Hondaaaaaaaaaaaaaaaaaaaaaaaaaaaaaaaaa de yabany yaraies, ya3ny mayefra2sh ma3aha 14 , ezay tekaren verna ba Honda , bas akeed el mohem el 7ala , ya3ny lawo la2et en 7aletha zebala akeed matgebhash , bas lawo la2et 7ala akeed hatha wesh , el verna de 3arabeia zebala mafehash '3air motor.

يعني حضرتك عايز تقول عربية بقالها 14 سنة بحالهم أحسن من عربية زيرو علشان خاطر ياباني !!!!!!!
ازاي يعني ؟؟؟

أكيد الزيرو أفضل ...........
على الأقل 5 سنوات بدون وجع دماغ و لا مشاوير ميكانيكية

و بعدين هي فيرنا دي صيني و لا أيه
دي إنتاج هيونداي .............. خامس أكبر صانع سيارات على مستوى العالم ........... يعني مش شركة كفتة

الفيرنا عيبها الوحيد أنها خفيفة شوية

المشاركة الأصلية كتبت بواسطة adwyy

انا اسمع عن الفيرنا ثباتها مش حلو كمان الفتيس الأوتوماتيك
كما ان المبلغ المتاح هو 60000
يعني لو فيرنا يبقى الـ 60000 مقدم و الباقي قسط
انما الهوندا بالكتير قوي 55000 و تبقى نظيفة كمان و الـ 5000 الباقي للصيانة ( سيور و فلاتر و لو محتاجة حاجة تانية )
بجد انا محتار جداً

أدام فلوسك مش مكفية و هاتقسط
يبقى الأحسن توازن الموضوع
شوف عربية بحالة كويسة و مش لازم هوندا
شوف حاجة برضه تكون محترمة و تكون صيانتها سهلة و رخيصة و بكدا يبقى أنت ضربت عصفورين بحجر واحد
تشتري عربية على أد الفلوس اللي معاك
و توفر الباقي لعمل صيانات أساسية عند الشراء
و توفر جزء كمان تحسبا لظهور أي دقة نقص من العربية المستعملة
لاحظ إن المستعمل مش مضمون نهائي
ممكن و أنت بتشتري العربية تكون زي الفل
و بعد ما تشتريها يظهر أي عفريت فيها
حتى العفريت ممكن يكون مش ظاهر لصاحبها الأولاني

يبقى وازن ميزانيتك ........... مع سيارة محترمة و صيانتها مش غالية

و يا سلام لو لقيت حاجة موديل فوق 2000 ....... يبقى تمام

و ربنا معاك في شراء سيارة كويسة بإذن الله

المشاركة الأصلية كتبت بواسطة tata12001

el Verna awosa5 tagmee3 masry , 3alshan '3aboor mestar5as feha 3alshan yenazel se3raha keda , wa ba3dain howa momken yaro7 el tawokel ba el honda wa yekshaf 3aleha kashf kamel wa 7ay2ololo feha a , da mayemna3sh en sa3at bayeb2a fe 2olal fe el tawokeel :S . bas howa momken yashof 7aga agdad shewaia mn 94, 96 masalan , awel el shakl ely ba3d ely beyfakar fe.

يا باشا حتى لو فيرنا تجميعها أسوء تجميع مصري زي ما حضرتك بتقول
برضه أحسن من عربية بقالها 14 سنة أو حتى 10 سنين
الحالة العامة للموتور و العفشة و الشاسيه و الصاج بتفرق
خصوصا أنها عاملة مبيعات كويسة و سعرها مش مبالغ فيه قوي
و ده طبعا فيه ميزة
توافر قطع غيار ( يبقى أحسن من الهوندا في النقطة دي )
صحيح ممكن قطع غيار الهوندا تقعد أكتر بس غالية جدا
يبقى برضه قطع غيار هيونداي الأصلي ثمنها هايكون معقول و هاتعيش برضه خصوصا لو صاحب العربية يحافظ عليها

بالنسبة للتصليح
أي ميكانيكي يقدر يشتغل في الفيرنا

و في النهاية برضه الفيرنا جديدة و زيرو و حتما هاتكون أحسن من عربية ماشية في الشارع بقالها سنين
على الأقل راحة البال من الذهاب إلى الميكانيكي كل حين و آخر

و شكرا على حسن الحوار

المشاركة الأصلية كتبت بواسطة adwyy

هو من وجهة نظري ان الهوندا يعتمد عليها و كمان الواحد يبقى متطمن و هو سايقها عكس الفيرنا ممكن تطلع مشاكل عجيبة او مرة تسمع عنها ( و كمان لو أوتوماتيك )
بس مسكلة الهوندا هتكون موديل قديم شوية ( أنا فكرت شوية في نوبيرا 2002 أوتوماتيك بس شلت الفكرة من دماغي بعد حوالي نص ساعة ) من كتر الكلام عليها و على مشاكل الاوتوماتيك بتاعها
ياريت لو حد جرب اوتوماتيك الهوندا 92 حتى 94 يقولي اخباره ايه ( انا مجربتهاش قبل كدة بس مشتفتش حد قال عليها نص كلمة غير انها موديل قديم و واطية شوية ( واطية على الارض يعني مش حاجة تانية ) بس هو ده انا جربت الكريستالة بس مع الأاوتوماتيك مش قد كدة خالص و كمان مكنتش مسغل التكييف
ربنا يوفقني
أدعولي ربنا يخليكو

فيما يبدوا أن حضرتك عايز أوتوماتيك

و مصمم على هوندا !!!
يبقى أتكل على الله لو شايف إن ده كويس بالنسبة لك بس لازم تكشف على العربية كويس و تعمل حسابك في أي مصاريف ممكن تظهر
و ربنا معاك