الموضوع: رد شركة "أوتو أيجيبت" على العضو "mmnagy"

الصراحة انا مبسوط بيكم جداااا....انا توهت مابقتش عارف احنا ناس كبار والا نيسان باعت سيارتها -18 مش +21 ..انا اسف طبعا بس انا ابتديت انى ازهق فى انى اقرا الموضوع دة والجديد الى بيحصل فية ...دلوقتى احنا عندنا مشكلة وعرفنا الغلطان بالظبط يبقى مافيش لازمة نقول كلام ونرد على بعض دلوقتى ممكن نكثف مجهودنا فى طلبات محددة من اوتو ايجيبت كرد اعتبار للى حصل وعلى سبيل المثال تانى بقول على سبيل المثال اعتذار رسمى لاعضاء نايل موتورز ويتنشر فى جريدة او صيانة مجانية لكل اعضاء المنتدى ممن يحملون الاستيكر وعلى فكرة انا مش منهم انا لا احمل الاستيكر ..هدفى هنا انهم يدفعوا حق الغلط بتاعهم ومش لمحمد ناجى بس لكن لناس كتير ..وفى حالة عدم الموافقة نرد عليهم وعلى سبيل المثال بردو اننا نحجز كلنا صيانه الاسبوع القادم يعنى نعمل حوالى 2000 او اكتر طلب صيانة ومحدش يروح وكل ما يكلموا حد لتاكيد الميعاد نعتذر ونقول مش هنيجى عشان احنا اعضاء نايل موتورز وهنا يعرفوا قوتنا اد اية وخسرو كام عميل ....دى افكار غير مدروسة مجرد حاجات جت فى بالى دلوقتى واتمنى افكار احسن من كدة ...فى حالة موافقة القائمين على القسم طبعا لان رؤيتهم افضل مننا .....اتمنى تكون دى طريقة تفكيرنا وهى اننا نجيب حقنا مش نهاجم بعض لان اعتقد مش هنكون احنا المستفدين من الكلام دة نهائى

الساده المحترمين اعضاء القسم
ممكن لو تسمحولى
ياريت نتوحد وبلاش فرقة مش من مصلحة اى حد اننا نحتد على بعض وننسحب الى خلافات فرعية
من الواضح ان الكل هنا هدفة مصلحة الاعضاء كلهم بلا استثناء منسقين / اعضاء / حتى لو عضو من خارج قسم نيسان
قوتنا فى وحدتنا
والمسؤليه ده لا تقع على عاتق المنسقين فقط تقع عل عاتق كل عضو من الاعضاء
المنسقين دول ناس ليها شغلها برضه
اللى يقدر يساعد فى اى حاجة يشكر
أحبتي في الله
إن بعض الناس يتأفف من لجوء الناس إليه لقضاء حوائجهم خاصة إذا كان ذا وجاهة أو سعة من المال ولا يدري أن من كان في حاجة أخيه كان الله في حاجته ،
وأن الله في عون العبد ما دام العبد في عون أخيه
فلئن تقضي لأخيك حاجة كأن تعلمه أو ترشده أو تحمله
أو تقرضه أو تشفع له في خير أفضل عند الله من ثواب اعتكافك شهرا كاملا فعن عبدالله بن عمر رضي الله عنهما أن رسول الله صلى الله عليه وسلم قال :
( أحب الناس إلى الله أنفعهم ، وأحب الأعمال إلى الله عز وجل سرور تدخله على مسلم ، أو تكشف عنه كربة ، أو تقضي عنه دينا ، أو تطرد عنه جوعا ولأن أمشي مع أخي المسلم في حاجة أحب إليّ من أن اعتكف في المسجد شهرا ومن كف غضبه ستر الله عورته ومن كظم غيظا ولو شاء أن يمضيه أمضاه ملأ الله قلبه رضا يوم القيامة ومن مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام
وإن سوء الخلق ليفسد العمل كما يفسد الخل العسل )
رواه الطبراني في الكبير وابن أبي الدنيا وحسنه الألباني في السلسلة الصحيحة .