ارجو الافادة بخصوص الرياداتير في تنقيط بسيط يحدث امام المروحة ,هل يجب تغير الريادتير ام يمكن اصلاحه وبرجاء الافادة بالاسعار حاليا وافضل الحلول وياريت يكون في حد متخصص بالريادتير .جزيل الشكر مقدما
عرض للطباعة
ارجو الافادة بخصوص الرياداتير في تنقيط بسيط يحدث امام المروحة ,هل يجب تغير الريادتير ام يمكن اصلاحه وبرجاء الافادة بالاسعار حاليا وافضل الحلول وياريت يكون في حد متخصص بالريادتير .جزيل الشكر مقدما
جرب الرابط دة
http://www.nilemotors.net/Nile/344792-a.html
شاكرين اخي الكريم لاهتمامكم ,
وفي انتظار باقي الاقتراحات
روح لبتاع ريداتيرات وهو هيقولك على المفيد
حسب نوع الراديتير وعمره وحالته
الالمنيوم بيتلحم لكنه صعب لحامه ولو مهري انساه وغيره
اما النحاس فلحامه سهل ان شاء الله
تحياتي
شاكر يافندم المشكلة اني في اكتوبر و لا اعرف حد متخصص هنا في الريادتير وخايف المياة تنقص وانا بتحرك بالعربية
المعلومة الي اعرف افيدك بيها هي سعر الردياتير في حالة لا قدر الله واحتجت تغيره
الجديد بيبدا من 350 وانت طالع وكلها انواع مش مضمونه
الاستيراد بيبدا من 200 انت وشطارتك
سعر الريدتير عند البنا فى التوفيقيه 275
وعند ابو الحسن 320 وكلهم كورى
والتغير افضل من الحام فى الالمونيوم
مفيش حد في اكتوبر اصلح عنده الريدتير
او حد مضمون في حالة شراء جديد
ممكن تلاقى بعد المرور لان المنطقه دى كلها ورش
شوف انا كان عندي المشكلة دي وحليتها ف البيت والتكلفة كانت 15ج مش اكتر من كدا
بس المهم يكون التنقيط بسيط ويكون الردياتير حالته كويسه يعني مش مهري
هتشتري معجون حديد (ستيل) ولازم يكون استيل هات نوع نضيف او مستورد
هتفك المراوح وتفك خراطيم المياه من الردياتير وتفك مسامير تثبيت الردياتر وتخرجه بره العربية طبعا لازم تكون العربية باردة مش سخنة اوك
هتحدد مكان التنقيط وهتعمل الاتي بنفس الترتيب
شوية مية عادية خالص وفرشة اسنان قديمة وتنظف مكان التنقيط كويس قوي حتى تشيل كل الاوساخ والترسيبات الموجودة
بعد كدا هتصب شوية صغيرين جدا من منظف فلاش (مية نار) بتاع التواليت او اي حاجة مشابه وممكن من زجاجة مياه البطارية 30% وتنظف بالفرشة بردوا بس مدة صغيرة جدا متعدي خمس دقائق عشان مش ياكل الردياتير
وبعد كدا تجيب مية نظيفة تاني وبالفرشة وتغسل المكان كويس وتصب عليه مية كتير عشان تتضمن ان معدش اثر لمية النار
وتجيب سنفرة اي حاجة خشنة ناعمة مش مهم وتسنفر المكان على قد ما تقدر ويكون ف نفس وقت السنرة بتضيف ميه وبعد كدا تصب مية عشان تشيل اي آثار أو اي حاجة ويكون المكان نظيف
تسيب الردياتر لما ينشف خالص من الميه نهاية وممكن تستخدم استشوار مثلا او ولاعة او علبة بيروسول وتشعلها عشان تنشف المكان كويس قوي دي اهم خطوة
تعجن معجون الحديد على بعد وتحطه على المكان اللي سنفرته من قدام وخلف وتغطيه كله خلص الانبوبتين عليه مش مهم المهم انك تضمن انك غطيت الجزء كويس جدا
تترك الردياتير مدة ربع ساعة على الاقل وتبدا عملية التركيب تاني
تركب الردياتير وتثبته بالماسمير ثم خراطيم المياه ثم المراوح
كدا كله تمام بس بلاش تضيف مية دلقتي للردياتير الا بعد ساعة او ساعتين على قد ما تقدر لو قدرت تسيب العربية لتاني يوم يكون احسن لان معجون الحديد بيصل للتصلب التام بعد 24ساعة
تضيف الميه بعد كدا من القربة (ميه مقطرة او مية خضرا) انسى حوار مية الحنفية دا سبب كل مصايب دورة التربيد وتقريبا هو دا السبب الوحيد اللي بيبوظ دورة التبريد
ومتناسش تاخد هواء دورة التبريد عن طريق اعلى خرطوم فايز راكب ف الردياتير تتاكد انه خرج مية كتير ومعدش ف هواء بيخرج
واتوكل على الله وجرب العربية مش هتلاقي ولا حتى نقطة تنشيع ميه بعدا نهائيا وهتدعلي
الموضوع محتاج شوية مجهود صغير بس انت لو عملته كدا احسن مية مرة من اي صنايعي هيعلمه
انا عملت كدا ف عربتي بنفس الخطواط والنتيجة فوق فوق الممتازة
قبل تغيير او تصليح اى حاجه من فضلك جرب الانبوبه ديه ابرو امريكى تحتوى على ماده شبه براده الحديد وسعرها 10ج فقط ضع نصفها فى قربه المياه وبعدها بأذن الله مش هتزود مياه تانى http://nileup.com/up/uploads/nilemotors_13674532461.jpg
انا اتخضيت اوى اول ماشفت خطيره جدا بصراحه بس طبعا بحترم رايك جداا
صدقنى عن تجربه برده دى عباره عن بودره بتدوب من الصعب ان تسد اى شئ وانا ماشى بيها من فتره طويله وحمدلله محصلش حاجه خطيره جدا يعنى وعموما كلها اجتهادات ولصاحب المشكله تحكيم عقله واختياره للحل المناسب او عدم الاخذ باى حل بنقوله .
شكرا لاهتمامكم وان شاء الله سوف اوافيكم بالتطورات
انا حصل معايا نفس الموضوع لقيت الريدياتير بينقط مياه بسبب ان مراوح التبريد كانت الحد بتاعها مش عدل فكان بيحك في الريدياتير واتسبب في ثقب الريدياتير وروحت لبتاع ريدياتيرات جاب معجون الحديد الانبوبتين اللي بيتخلطوا مع بعض ولحم الثقب بعد ما عمل الاجرائات اللي قال عليها الاخ mhopa2440 بس هو مكترش كميه المعجون علي الثقب يعني استعمل تقريبا ربع الانبوبتين والحمد لله بقي كويس