مساعده في شراء جي ام وصب ووفر

**mido_soliman** · 01-05-2013 12:42 PM

ازيكوا يا شباب اتمني تكونوا بخير
عايز اجيب جي ام علشان الصوت يظبط والبيز يطلع نضيف من السماعات
الكاسيت بتاعي pioneer 8450 bt
علي ٤ سماعات ٢ بتوع الابواب الفابريكه و٢ بيضاوي علي رف bdf نوعهم pioneer 550 w
عايز جي ام محترم ومعنديش اي فكره عن الموضوع ده وعايز اعرف ولو ببساطه التوصيل حيكون ازاي ؟ يعني الجي ام ده بيتوصل ازاي ؟؟
وكنت بفكر برده في صب حلو لاني من هواه البيز بصراحه بس لو جبت صب حفتحلوا في الرف واسقطه علي الشنطه علي طول مش ححطف في بوكس ولا حاجه( عربيتي هاتش معنديش صاجه وحوارات)
ولا اجيب سماعتين كمان وليكونو دبل بيز مثلا ويغنوا عن الصب ويدوا صوت surrounding اكتر
ايه رايكوا !!!! دام فضلكوا :)
اخر حاجه اشتري منين الجي ام افضل مكان مضمون جوده وسعر

**aftr** · 01-05-2013 01:25 PM

صب كينوود 1200 مع تيوب بازوكا لو مش حابب عشان المساحه بوكس على مقاس اللصب مع جى ام سينفونى 640

**mido_soliman** · 02-05-2013 10:29 AM

شكرا يباشا على ردك بس انا لا حابب البازوكا ولا حابب الصندوق انا عايز لو ربنا كرمنى بصب اخلي الشنطة كلها كانها البوكس بتاعة
اية يا جماعة مفيش غير رد واحد ؟؟؟
اراء كدة ونصايح واجابات نموذجية انا معتمد عليكوا بعد ربنا :)

**Nabil media** · 02-05-2013 06:57 PM

جى بى الاية 1000 وات مع جوز سونى كومبننت للابواب الامامية وواحد سيمفونى 640 زى ما قالك Aftr وعيش كمان فى اختيار تانى سيب السماعات على الكاسيت وعلشان التكلفة هات جى ام 400 سيمفونى والصباية تشغلها عليه وانت وامكانياتك الماديه بس متنسناش فى التقرير

**mido_soliman** · 06-05-2013 04:01 AM

المشاركة الأصلية كتبت بواسطة Nabil media

جى بى الاية 1000 وات مع جوز سونى كومبننت للابواب الامامية وواحد سيمفونى 640 زى ما قالك Aftr وعيش كمان فى اختيار تانى سيب السماعات على الكاسيت وعلشان التكلفة هات جى ام 400 سيمفونى والصباية تشغلها عليه وانت وامكانياتك الماديه بس متنسناش فى التقرير

عاجز عن الشكر يباشا انا خلاص قررت الاتى ان شاء الله ومحتاج مساعدة بسيطة

لغيت فكرة الصب

حجيب جى ام الاول يكون حاجة محترمة وتستحمل upgrade مستقبلا

وسماعات الابواب عندى كويسة مش حغيرهم

يبقى المحصلة النهائية

جى ام حيركب على سماعتين بايونير 550 وات 80 rms وسماعتين فى الابواب غالبا حشغلهم على الكاسيت على طول من غير الجى ام

يبقى الجى ام اية؟ وسعرة ؟ واجيبة منين ؟

معلش انا تاعبكو بس والله محتار لحد دلوقتى جايب عدة وسماعات المفروض انهم تمام ومش لاقى الصوت اللى انا متوقعة بردة

وبخصوص التركيب حابب اجيب سلك جودتة ممتازة بردة اجيبة منين سواء سلك الباور او الارضى
انا معرفش محتويات الجى ام بتبقى معاها السلوك ولا لاء لانى بفكر جديا انا اللى اركبة وربنا يستر :) مش عارف شفت كام فيديو فى اليوتيوب وحاسس انها بسيطة وفى نفس الوقت التقفيل بايدك حيبقى احسن ومفيهوش كروتة ولا عافية :)

ووصلة ال rca حجيبها من راديو شاك بس مش عارف طولها ؟

**eldell** · 06-05-2013 03:46 PM

المشاركة الأصلية كتبت بواسطة mido_soliman

عاجز عن الشكر يباشا انا خلاص قررت الاتى ان شاء الله ومحتاج مساعدة بسيطة

لغيت فكرة الصب

حجيب جى ام الاول يكون حاجة محترمة وتستحمل upgrade مستقبلا

وسماعات الابواب عندى كويسة مش حغيرهم

يبقى المحصلة النهائية

جى ام حيركب على سماعتين بايونير 550 وات 80 rms وسماعتين فى الابواب غالبا حشغلهم على الكاسيت على طول من غير الجى ام

يبقى الجى ام اية؟ وسعرة ؟ واجيبة منين ؟

معلش انا تاعبكو بس والله محتار لحد دلوقتى جايب عدة وسماعات المفروض انهم تمام ومش لاقى الصوت اللى انا متوقعة بردة

وبخصوص التركيب حابب اجيب سلك جودتة ممتازة بردة اجيبة منين سواء سلك الباور او الارضى
انا معرفش محتويات الجى ام بتبقى معاها السلوك ولا لاء لانى بفكر جديا انا اللى اركبة وربنا يستر :) مش عارف شفت كام فيديو فى اليوتيوب وحاسس انها بسيطة وفى نفس الوقت التقفيل بايدك حيبقى احسن ومفيهوش كروتة ولا عافية :)

ووصلة ال rca حجيبها من راديو شاك بس مش عارف طولها ؟

لو جى ام بس للسماعات هات سيمفونى 250 وات هيقوومهملك حلو وتوطيه علشان شم يطير السماعات لو قدام ممكن تركب صب يبقى هاااات 640 سيمفونى برضه وده علشان احسن الجى امات فى البيز
سلك الكهربا هاته 6 مللى سويدى وده هتاخده من البطاريه للجى ام وعندك لك الارضى تاخده من اقرب مسمار للجى ام وده اى مسمار فى الصاج عندك والارسى بتبقى فى 4 متر وفى 6 متر وغالبا بتاعت راديو شاك بتبقى 4 تقريبا والله مش فاكر بس بتكفى بالظبط والجى ام 250 ده عامل تقريبا دلوقتى 300 جنيه وال640 عامل 650 جنيه