قطع غيار بوتون جين 2

**alexandro** · 01-05-2013 01:33 PM

السلام عليكم ورحمه الله وبركاته

انا عجبني مواصفات بروتون من خلال المقارنات لكن ....... اكتر حاجه الكل بيعيب فيها قطع الغيار

اللي انا عايز اعرفه قطع الغيار بيقولوا عليها غالية
المشكلة عندي ان قطع الغيار ديه موجوده اصلا ولا مش هلاقيها لاني مش بتاع دوخه ولف كتير فعايز الاقي قطع الغيار متوفره وياريت الرد السريع قبل ما افقد الامل في العربية ديه وياريت الرد يكون عن معرفه

ولو بروتون جين 2 2006 مانيوال تعملها كام دلوقتي

وشكرا

**eng.m7md.ali** · 01-05-2013 01:50 PM

لو انت من القاهرة هتلاقي قطع الغيار بسهولة لا تقلق

وسيبك طبعاً من التوكيل تماماً الا في الحاجات المهمة زي السيور مثلا

**alsayedsabry** · 01-05-2013 02:41 PM

لمعرفة متوسطات الاسعار تفضل بزيارة موقع كونتاكت كارز

**alexandro** · 01-05-2013 06:38 PM

مش مهم حكاية متوسط الاسعار انا بكره العربيات الكوري
وانا ناوي يا اما ياباني يا اما فرنساوي فكده كده قطع الغيار مش هتبقي رخيصه واكيد الاسعار بينهم مش هتبقي متفاوته اوي يعني

المهم عندي اني الاقي قطع الغيار وتبقي متوفره مش العربية تعطل واقعد جمبها الطم عشان انا مبحبش الدوخه
يعني من الاخر مثلا لو عطلت اروح محلات الاقي كل حاجه ليها من الابره للصاروخ

ثانيا بقا لو جين 2 2006 تعملها في حدود كام لان الناس قالتلي اسعار كونتاكت كار مضروبة

وشكرا لسرعه ردكم

**eng.m7md.ali** · 01-05-2013 06:43 PM

يا ترى حالة العربية عاملة ايه؟
كام كيلو؟
فابريكا ولالا؟
حالة العفشة والموتور والصالون؟
كل ده هيفرق في التسعير بس لو حالة كويسة جداً تبدأ من 55 الف

**alsayedsabry** · 01-05-2013 07:12 PM

المشاركة الأصلية كتبت بواسطة alexandro

مش مهم حكاية متوسط الاسعار انا بكره العربيات الكوري
وانا ناوي يا اما ياباني يا اما فرنساوي فكده كده قطع الغيار مش هتبقي رخيصه واكيد الاسعار بينهم مش هتبقي متفاوته اوي يعني

المهم عندي اني الاقي قطع الغيار وتبقي متوفره مش العربية تعطل واقعد جمبها الطم عشان انا مبحبش الدوخه
يعني من الاخر مثلا لو عطلت اروح محلات الاقي كل حاجه ليها من الابره للصاروخ

ثانيا بقا لو جين 2 2006 تعملها في حدود كام لان الناس قالتلي اسعار كونتاكت كار مضروبة

وشكرا لسرعه ردكم

المشاركة الأصلية كتبت بواسطة eng f3lix

يا ترى حالة العربية عاملة ايه؟
كام كيلو؟
فابريكا ولالا؟
حالة العفشة والموتور والصالون؟
كل ده هيفرق في التسعير بس لو حالة كويسة جداً تبدأ من 55 الف

يعنى ايه مش مهم حكاية متوسطات الاسعار امال هتعرف ازاى سعر الجين 2 .... انت بتسال عاوز تعرف السعر فبحاول اسعادك .... والعربية قطع غيرها متوفرة.

**alexandro** · 01-05-2013 11:45 PM

لا اصل انا فهمت متوسطات الاسعار ديه علي قطع الغيار معرفتش انها علي العربية غير لما قريتها دلوقتي تاني

بس اللي متداول علي المواقع
ماشية 100000 وفبريكة من جوة ورشة بره نظافة حالة العفشة والحاجات الباقية ديه مش هتتعرف من الكتابة بس اكيد هتبقي متوسطة

**alexandro** · 18-05-2013 12:53 PM

بس اللي متداول علي المواقع
ماشية 100000 وفبريكة من جوة ورشة بره نظافة حالة العفشة والحاجات الباقية ديه مش هتتعرف من الكتابة بس اكيد هتبقي متوسطة[/quote]

انتوا نسيتوني ولا ايه
هو محدش هنا عارف العربية ولا هي مش مشهورة ومش عارفين تسعروها
حتي لو الرنج بتاعها

**neejm** · 18-05-2013 04:29 PM

المشاركة الأصلية كتبت بواسطة alexandro

لا اصل انا فهمت متوسطات الاسعار ديه علي قطع الغيار معرفتش انها علي العربية غير لما قريتها دلوقتي تاني

بس اللي متداول علي المواقع
ماشية 100000 وفبريكة من جوة ورشة بره نظافة حالة العفشة والحاجات الباقية ديه مش هتتعرف من الكتابة بس اكيد هتبقي متوسطة

بص هيا العربيه انتشرت فى مصر و حاجتها موجوده فى التوكيل لكن برا حاجاتها اكتر فى مراكز الخدمه اللى تابعه للتوكيل زي عصام صفا وغيرها و فى كمان محلات قطع غيار فى الجيزه استيراد و جديد و فى شارع دمشق فى مصر الجديده متقلقش الحاجه موجوده ان شاء الله و انا شايف ان الاسعار قريبه بتاعت قطع الغيار مش غاليه اوي يعنى
بالنسبه لاسعارها قبل الزياده اللى حصلت فى العربيات ديه واحد صاحبي اشتري جين موديل 2007 كانت عامله 60 الف تقريبا كليو ب 53 الف جنيه اظن بعد الزياده ديه الاسعار رفعت شويه

**alexandro** · 18-05-2013 06:44 PM

المشاركة الأصلية كتبت بواسطة neejm

بص هيا العربيه انتشرت فى مصر و حاجتها موجوده فى التوكيل لكن برا حاجاتها اكتر فى مراكز الخدمه اللى تابعه للتوكيل زي عصام صفا وغيرها و فى كمان محلات قطع غيار فى الجيزه استيراد و جديد و فى شارع دمشق فى مصر الجديده متقلقش الحاجه موجوده ان شاء الله و انا شايف ان الاسعار قريبه بتاعت قطع الغيار مش غاليه اوي يعنى
بالنسبه لاسعارها قبل الزياده اللى حصلت فى العربيات ديه واحد صاحبي اشتري جين موديل 2007 كانت عامله 60 الف تقريبا كليو ب 53 الف جنيه اظن بعد الزياده ديه الاسعار رفعت شويه

شكرا جدا لحضرتك انا فهمت موضوع قطع الغيار ده

بالنسبة للسعر بقا 53000 كان الراجل منزلها بالسعر ده في الاعلان ولا كانت اغلي وهو فاصل فيها

عشان انا شايف الاسعار كلها في المواقع غريبة واحد عارض شاهين بـ 50 الف

في ناس بتقولي لازم تنزل من اي سعر موقع 5000 علي الاقل فانا مش عارف رنج الفصال يبقي في حدود كام لاعلانات المواقع
وشكرا