التلميع بالصاروخ

**ahmedselaraby** · 01-05-2013 02:19 PM

أخوانى , السلام عليكم

منذ إمتلاكى للبى واى دى اف 3 , و أحد الذين أثق فيهم و فى رأيهم قال لى أن الدهان الخاص بالبى واى دى عموما خشن و الأفضل انى أقوم بتلميع السياره بالصاروخ عشان الدهان يبقى ناعم و بيلمع

فا كنت عايز أسأل , ايه مميزات و عيوب التلميع بالصاروخ ؟
هل يؤثر على البويه بالسلب ؟
كم تبلغ التكلفه ؟
أعمل الكلام ده عند مين يكون كويس و بيفهم و خبره ؟
هل هناك علاقه بين التلميع بالصاروخ و الصدأ سواء بالإيجاب أو بالسلب ؟
الموضوع ده ممكن يتعمل كل أد ايه و لا هو مره واحده فقط ؟

و إليكم بعض الصور للتلميع بالصاروخ

**AFT** · 01-05-2013 04:07 PM

مهتم ومتابع :)

**مصطفى-حسن** · 01-05-2013 04:21 PM

عن نفسى انا عندى صاروخ
والبتاعة اللى بتركب على القرص دى اسمها طاقية
وعلبة بولش او كومباوند وقطنة هتلملك الليلة
عملتها كذا مرة بنفسى للعربية
بتخلى الصاج واللون يلمع زى الفل
بس نصيحة يعنى
بعد ما عملتها كذا مرة
ملهاش اى تلاتين لزمة
شوارع مصر وترابها وجوها هيسدوا نفسك
وفر على نفسك تكلفة بدون داعى

**bassem.naguib** · 01-05-2013 06:34 PM

أكيد التلميع والبوليش بيحافظ على أي بوية عربية وبيديها رونق جميل كأنها لسه خارجه من الوكيل .

**peter magdy** · 02-05-2013 02:43 AM

مساء الخير يا استاذ احمد
هو بعد اراء الاعضاء هنا مافيش بعدة كلام
بس انا عندى رأى
حضرتك على ما اذكر موديل 2013 زى يعنى
الكلام اللى بتقولة بينطبق على السيارات القديمة لكن دلوقتى اتحسن كتير
البوية كويسة اديها 7/10 بالنسبة لسعرها
--------------------------
خد الخلاصة و صدقنى عن تجربة مبهرة
انا اشتريت شامبو لغسيل السيارة ( كنت كل ما اقول لحد كدة يهرينى تريقة )
و بخلى اللى بيغسل العربية يغسل بية بدل البيرل
الشامبو دة عبارة عن شامبو و واكس ( طبقة شمع )
انا بغسلها كل فترة بية صدقنى هتتخض من شكل العربية و احسن حاجة فية
العربية مش بتبقى نظيفة قوى بس فى نفس الوقت بتلمع بطريقة جاااااامدة جدا بدون مبالغة
هو لتر 25 جنية و بيقضى اكتر من 7 او 8 مرات - هو تركى من التوفيقية عامل زى اللبن بس تقيل شوية
و سيبك من الصاروخ و التلميع الكلام دة تسيبة لعربية جار عليها الزمن او بويتها سيئة
مش عربية فابريكا مهما بويتها مش عجباك
و الرأى الاخير ليك