الموضوع: ابوالفتوح ضحك علينا في الانفي

المشاركة الأصلية كتبت بواسطة hugan

ماتزعلش ياميدو
ياخونا انا من اقدم اعضاء قسم الاسبرانزا
واظن الغالبيه من اللي بيدخلوا القسم يعرفوني
ميدو مالوش علاقه من قريب او بيعيد
بغبور او ابو الفتوح
الموضوع كله انه عايز يشتري عربيه
وبيقارن بين الاميجراند والانفي
ومن حقه انه يفصص العربيتين من كل حاجه
لانه هايدفع فلوس
وعايز قيمه مقابل فلوسه
لو مكانه وشايف ان الاميجراند عامله شغل كويس
الاسبرانزا مانقدرش ننكر ليها عيوب
بسبب سؤ التقفيل او رداءه بعض قطع الغيار
لكننا راضيين بيها وقابلينها
لان سعر العربيه مغري ومع توافر قطع غيارها ورخصها وبسهوله وجودها
العربيه مشاكلها بتحلل في غايه السهوله
لكن للمره التانيه وبعد 5 سنوات امتلاك للاسبرانزا
516 سابقا
وحاليا تيجو2013
لو عايز عربيه سيدان شخصيا انا ميال للاميجراند

مشكور يا باشا علي الرد و اسف اني دخلتك في حوارات زي دي بس اصل كلهم مفكرني شغال في شركة غبور وبهاجم الاسبرانزا معا اني اصلا عاوز اشتريها وزي ما قلت انا بفصص العربية لاني هدفع فلوس ومبلغ مش قليل ومش عاوز ارجع و اقول يارتني خصوصا ان والدي الي هيشتريهالي ولو اشتكيت منها هيقلي ادي اختيارك واتحمل نتيجتة وهوة سايبلي القرار في اي حاجة ومديني المسؤلية الكاملة في الموضوع دة ومش عاوز اطلع اقل من الثقة بتاعتة وعلي فكرة انا ركبت الامجراند وعملت موضوع عنها هية عربية جميلة بس برضو انا حابب الانفي ولو في نصيب ان شاء الله هجيبها وحاطت الامجراند احتياط ليها لو مجبتهاش و اكرر شكري واسفي الشديد لحضرتك اني دخلتك في الموضوع دة