تسعير لانوس

**mo7eb elrasol** · 02-05-2013 01:41 PM

السلام عليكم عربيتى لانوس موديل 2007 عيوبها: 1- العربية كانت اتخبطت خبطة بسيطة من قدام والصدر اترد ع البارد،فى ناس زمايلى قالوا نغيره اسيتراد ومفيش حد هايعرفه بس انا مارضيتش. 2-والله ما فيها اى عيب تانى المواصفة: رخصة سنتين ونص باسمى الموديل: 2007 اللون : اسود 125 الف كيلو كاملة مانيوال وجميع الكماليات تعمل بكفائة العربية راشة برة ماعدا الكابوت الدهان حالته اكتر من 90% دواخل فبريكة الصالون حالته ممتازة ( لسة مركب كسوة جديدة على فرش الفبريكة) اخر صيانة دورية كانت اول امبارح والحمد لله ماصرفتش غير تمن الشحم ال شحمنا بيه العفشة انا عامل عمرة كاملة للموتور من ثلاث شهور تقريبا( ما اعرفش دى تبقى عيب ولا ميزة) والموتور حالته ممتازة ماشاء الله العربية دى تعمل كام اذا حبيت ابيعها وايه رايكم فى العربية التريوس؟ وشكرا العربية لا تحتاج الى ربع جنيه مصاريف العربية لا تحتاج الى ربع جنيه مصاريف،

**BraveH** · 02-05-2013 03:48 PM

ممكن صوره للعربيه علي مكان الخبطه

**a_s_a_o** · 03-05-2013 12:47 PM

لو حضرتك حددت السعر قولى على الخاص وممكن نتفق على الشراء

**drmsadek1979** · 03-05-2013 02:33 PM

ممكن من 47 الى 49 الف

**ahmed legend** · 04-05-2013 07:50 PM

تعملها فى حدود 50 الف

**ahmedhilmy** · 04-05-2013 11:48 PM

موفق و مشكور لأمانتك

**mo7eb elrasol** · 05-05-2013 04:31 PM

بداية اسف ال فبريكة السقف مش الكابوت،الكابوت مرشوش مع باقى العربية

المشاركة الأصلية كتبت بواسطة braveh

ممكن صوره للعربيه علي مكان الخبطه

اخوك مالوش فى موضوع الصور ده،الستارة معروفة ال هيا بتكون بين الفانوسين الاماميين

المشاركة الأصلية كتبت بواسطة a_s_a_o

لو حضرتك حددت السعر قولى على الخاص وممكن نتفق على الشراء

بصراحة لسة ومنتظر رأى اخوانا الافاضل

المشاركة الأصلية كتبت بواسطة drmsadek1979

ممكن من 47 الى 49 الف

47 مش قليل شوية؟

المشاركة الأصلية كتبت بواسطة ahmed legend

تعملها فى حدود 50 الف

الله المستعان
دى نظرتى انا كمان

المشاركة الأصلية كتبت بواسطة ahmedhilmy

موفق و مشكور لأمانتك

الله يكرمك
انا لو ماقولتش على عيوب العربية ضميرى مش هايكون مستريح
انا كان معايا قبلها شاهين والراجل جرب وقالى بصراحة ميه ميه قلتله بس فيها عيب ديسك واسطوانة والكلام ده كان من 7 شهور تقريبا،قابلنى من فترة قريبة ووالله اخدنى بالحضن وقالى ربنا يكرمك والله من يوم ما اخدت منك العربية ماعملت فيها غير الديسك والاسطوانة.
فالموقف ده افضل عاندى من اى فلوس

**sword00** · 18-05-2013 03:41 AM

بالتوفيق ان شاء الله فى البيعه
اللى زيك فى امانتك مش موجود اليومين دول ربنا يبارك لك
اما تحدد السعر ابعت على الخاص عشان انا بدور على عربيه لانوس ان شاء الله

**mo7eb elrasol** · 19-05-2013 10:36 AM

المشاركة الأصلية كتبت بواسطة sword00

بالتوفيق ان شاء الله فى البيعه
اللى زيك فى امانتك مش موجود اليومين دول ربنا يبارك لك
اما تحدد السعر ابعت على الخاص عشان انا بدور على عربيه لانوس ان شاء الله

ربنا يكرمك اخى الفاضل
والله انا قررت ااجل البيع شوية لحد ما ظروف البلد تستقر والله المستعان
باذن الله لما اقرر ابيعها مش ها ابيع الا لحد فى المنتدى هنا

**mgalal86** · 30-05-2013 05:45 AM

عندي لانوس 2004
الموتور خفيف شوية وسألت عليه قالولولي سنة او سنة ونص ونعمل عمرة .. الصوت عالي في بداية التشغيل لكن بعد كدا عادي .. السحب بطئ في الغيار الاول
فيها خدوش من الجنبين
عايز ابيع لظروف السفر تعمل كام؟
وهل اعمل عمرة وبعدين ابيع ولا مش هتفرق؟