جين تو المالتى فنكشن والكالكس مش شغال

**a_s_a_o** · 03-05-2013 04:06 AM

سلام عليكم

عندى جين تو 2006 المالتى فنكشن والكالكس مش شغال
انا سمعت ان فى حاجة بتتغير فى الطارة
دى تكلفتها كام واجبها منين والتركيب

وكمان عايز اعرف سعر الكوبلن الامامى بتعها كام ومنين

وسعر فانوسين الشبورة ومنين

ودراع شد الباب اللى جوة عايز واحد جديد منين

**أبومعاذ** · 03-05-2013 09:55 AM

حضرتك تروح التوكيل و تقولهم انا عربتي 2006 و متغيرش فيها الكلوك سبرينج اللي كنتوا بتغيروه على حسابكو عشان فيه عيب صناعة
الكلوك اسبرينج ده هيحللك مشكلة المالتي و الكلاكس وممكن تسأل هناك على باقي الحاجات
فانوس الشبورة لو مش مكسور كله الزجاج بس اللي اتكسر ممكن تصبله زجاج في الحرفيين عند الفنجري ب 30 ج

**a_s_a_o** · 03-05-2013 11:15 AM

المشاركة الأصلية كتبت بواسطة أبومعاذ

حضرتك تروح التوكيل و تقولهم انا عربتي 2006 و متغيرش فيها الكلوك سبرينج اللي كنتوا بتغيروه على حسابكو عشان فيه عيب صناعة
الكلوك اسبرينج ده هيحللك مشكلة المالتي و الكلاكس وممكن تسأل هناك على باقي الحاجات
فانوس الشبورة لو مش مكسور كله الزجاج بس اللي اتكسر ممكن تصبله زجاج في الحرفيين عند الفنجري ب 30 ج

انا العربية اللى معايا مانويال مش اوتوماتيك وقريت هنا فى المنتدى انها للاوتوماتيك بس

وفانوس الشبورة وقع من العربية مش عارف ازاى وانا على الطريق

فعايز اجيب فانوس تانى او هغير الاتنين مش لازم الاصلى يعنى اهى اى حاجة عشان الشكل بس لان التانى كمان ازازه مكسور

**a_s_a_o** · 03-05-2013 11:17 AM

المشاركة الأصلية كتبت بواسطة mghualy

القطعة اللي تقصدها اسمها الكلوك سبرينج (clock spring) و دي اللي بتوصل كل زارير المالتي فنكشن و الكلاكس و ال(air bag) الموجودة في طارة الدركسيون الي ضفيرة العربية.
اشجعك انك تغيرها فورا و متحاولش تستخدم العربية لغايت ما تغيرها لانها ممكن تعمل قافلة بين التوصيلات داخلها تسبب تلف ال(air bag) او فى ابسط الاحوال تمنع تدوير الموتور.
هي موجودة مستعملة عند اولاد منصور فى شارع المحطة فى حدود 250 جم على التجربة
او فى الحرفيين مستعملة برضوا فى حدود 450 جم.
او جديدة فى التوكيل فى حدود 2000 جم بحسب مهندس عصام فى مركز خدمة عصام صفا (اذا كانت متوفرة)
او جديدة فى شارع دمشق محل مكة ب 750 جم وده افضل حل من وجهة نظري لانها الكلوك اسبرنج المعدلة الجديدة اللي ابتدت تنزل فى العربيات من موديل 2009 على ما اظن.
بالنسبة لباقي الاسئلة من خلال البحث في المنتدى هتلاقي اجابات عنها او ارجو ان حد من الاعضاء يفيدك.

انا قدامى لسة شوية مصاريف كده فى العربية فا مش عايز التكلفة تكون عالية اوى
لو فى شارع المخطة فى الجيزة زى ما حضرتك بتقول بالسعر ده يبقى كويس جدا يعنى تعيش مثلا سنة ولا حاجة ولا ايه النظام
ولو حضرتك معاك رقمهم اتصل بيهم اسال برده اكون شاكر ليك

وهل حضرتك جربتها وايه الفرق بينها وبين اللى فى الحرفيين ؟

وهما بيقوما بتركيبها ولا ايه النظام

انا دورت فى المنتدى على اسعار الكابلن لكن ملقتش