عايز اشترى عربية تقسيط

**reda elgohary** · 02-06-2013 07:58 PM

ابحث عن امكاناتك وان شاء الله هتلاقى ما يناسبك وابتعد عن القسط .

**shikso** · 03-06-2013 01:44 PM

شكرا على الردود ..
بس عايز استفسر بس البيكانتو مش عاجباكم ليه ايه عيوبها
والاخ اللى اشترى فورد ب 8000 ج ازاى يعنى مش فاهم ... فورد ايه دى؟
ثانيا انتوا بتقولولى القسط ابعد عنه ... امال اعمل ايه اشترى عربية شكلها حلو ازاى من غير مقسط ...

هوا انتوا عايزينى اشترى عربية اصرف عليها اكتر من ثمنها ...

**reda elgohary** · 04-06-2013 05:58 PM

ياباشا أقرأ كلامى للنهاية انا لم أقل أنها ب 8000 جنيه ،،أنا حبيت أوضح لك أن ربنا بييسر لك الآمر لما تنوي خير،،أنا معايا فورد كا موديل 97 واتفاهمت مع البائع والحمد لله خلصت له ثمنها خلال شهرين،،فاهمنى يا باشا .

**reda elgohary** · 04-06-2013 06:00 PM

لو معاك 55 الف ممكن تشتري عربية عالنت موديلات كتير جدا ومش هتصرف عليها ،،وانت وراحتك ف الموديل اللى تختاره ،،ربنا يوفقك ولا تنسى الاستخارة.

**medoking2006** · 21-06-2013 09:40 PM

بس انا نفس حيرتك ديه وم معايا 23 الف قولت استنى اكملهم 30 وا جيب شيرى كيو كيو 2006 1100 سى سى ولا شانا بينى موديل 2008 موتور 1300 سى سى فو اوبشن وعايز اجيب قبل رمضان بس بفكر فى شانا بينى جديدة 2013 موتور 1000 سى سى مقدم 20000 وقسط 700 جنية هى عامل كاش منول 55 الف وفى منها اوتوماتك 65 الف ومستنى رايك بردوا

**TOSHIBA2013** · 22-06-2013 12:11 AM

بلاش صيني الا لو تجيبه فانوس رمضان ماشي

هات اي حاجه بالفلوس الي معاك 20 ولا 25 الف وخلاص وبلاش قسط فعلا

يا كاش يا بلاش

**A3SAR** · 22-06-2013 05:31 AM

يا جماعة اشتروا عربيه مثلا بالعشرين الف اللى معاكم مش لازم اول ما تركب تركب زيرو
كل ما تجمع عشرة الاف مثلا تبيع اللى معاك وتزود عليها وتشتري وممكن تبدل طوالي
القسط خراب والمعارض كلها بتسرقك مقابل الحلم اللى انت بتدور عليه بس اول ما تركب العربيه تبقي فرحان
لقدر الله بقي العربيه حصلها حاجة وانت لسه بتدفع اقساطها .. حررررام

**medoking2006** · 25-06-2013 11:32 AM

المشاركة الأصلية كتبت بواسطة a3sar

يا جماعة اشتروا عربيه مثلا بالعشرين الف اللى معاكم مش لازم اول ما تركب تركب زيرو
كل ما تجمع عشرة الاف مثلا تبيع اللى معاك وتزود عليها وتشتري وممكن تبدل طوالي
القسط خراب والمعارض كلها بتسرقك مقابل الحلم اللى انت بتدور عليه بس اول ما تركب العربيه تبقي فرحان
لقدر الله بقي العربيه حصلها حاجة وانت لسه بتدفع اقساطها .. حررررام

انا مقتنع بكلامك وربنا يقدم الى فيه الخير