عايز الكل يركز و هو بيقول رأيه (بيجو 508 - سيتروين ds5)
اولا السلام عليكم :satelite: . يا جماعه انا ناوى ان شاء الله اجيب عربيه خلال الكام شهر اللى جايين دول و بصراحه محتار اوى مابين العربيتين دول و داخلين دماغى اوى و عايز اللى يفضل واحده على التانيه يقولى ليه و عايز اعرف اخبار التوكيل ايه و يا ريت يا جماعه مايكونش سماعى:argue1: عشان احنا اغلبية معلوماتنا سماعى. انا عايز عن تجربه. انا استخدامى للعربيه بسيط لان شغلى بره مصر(شهرشغل و شهر اجازه) و بركبها للزيارات و الفسح:10D5C8w1107: و المشاوير والسفر و كده. انا معايا التريوس موديل 2008 و عامله معايا 65000 كم فى 6 سنين . شباب محدش يقولى زود و هات بى ام او مرسيدس عشان ده اخرى:002: و كمان محدش يقولى مستعمل عشان مش بحبه:no:. التركيز ثم التركيز ثم التركيز يا شباب دى فلوس ناس:C_laugh[1]:. و مشكورين يا شباب على الرد مقدما:Ta_clap[1]:.
تقرير عن الرائعة ds5 بدون صور - الصور التقرير القادم
هناك موديلين زي ما أوضحت قبل كده
الفئتين فيهم :
نفس قوة الموتور ١٦٠٠ سي سي و عدد الأحصنة ١٦٧
حساسات ركن خلفيه
ليد لايت امامي تحفة
- كورنريج لايت " الأنوار تتحرك بتحرك الدريكسيون بشكل مبهر "
- ليد لايت خلفي
- سبولير خلفي
- تصميم رياضي ديناميكي يعمل على تشتيت الهواء عن طريق خطوط بارزة على جانبي السيارة ، و٦ فتحات أمامية لمرور الهواء عند أضواء الفوج لايت
- حليتين من الكروم لفتحة الشكمان يعطي لك الاحساس كأنك راكب بورش
حليات كروم خارجية فريدة من نوعها بتصميم. رائع
جنوط سبورت ١٨ طبعا الان غيروا الجنوط الرياضية وتم استبدالها بجنوط ١٧ عادية
تصفيح اسفل الموتور
- ارتفاعها عن الارض كويس جداً بالنسبة لشوارعنا لكن يجب مراعاة عدم التحميل الزائد للحفاظ عليها لان فيه مطبات تكسر الميكروباص ههههه :ma:
٣ فتحات بانوراما " ٢ أمامي للسائق والركاب الاخر" وفتحة للركاب بالخلف
خاصية الدخول من غير مفتاح وفعلا عن تجربة امان جداً يعنى انت لو بعيد ع العربية متر واحد لا تعمل
لا يمكن إدارة الموتور الا لو المفتاح كان بداخل السيارة مش حتى على الباب
ايموبلايزر ضد السرقة وربنا يسترها اقدر اقول ان العربية مستحيل تتسرق وهي واقفة الا لو رفعها على ونش :10_9_133:
مفيش فيها جهاز إنذار ولما طلبته من فرنسا طلع تمنه ٦٠٠٠ جندي
مرايا تعتيم داخلية وخارجية
تسخين مرايات
فرامل يد كهرباء
كروز كنترول وطارة متعددة الوظائف
عتب كروم داخلي وإشارات بجانب الأبواب الداخلية
إشارات بالمرايات
تكييف ثنائي التبريد بمعنى ان فيه امكانية للتحكم في التكييف للسائق والمنطقة بالخلف وكذلك للمراكب الأمامي وما خلفه
فتحة تكييف خلفية
مسند خلفي قابل للطي وخلفه فتحة للشنطة من الداخل
ثلاجة حجمها معقول جدا تستطيع وضع ٢ زجاجة مياه كبيرة فيها مرتبطة بكونسول اللى فيه الفتيس
مسند يد في الامام مرتبط بالكونسول ذاته
كمبيوتر رحلات ونظام صوتي رائع لو قدرت توصل ل ١٥ من ٣٠ تكون بطل لو صوت الحاجة ستريو
٢ حامل أكواب بجانبي الأبواب
وحامل أكواب خلف الفتيس ده المفروض مكان الآي درايف
االكراسي شمواه لونها رمادي غامق ، والحواف جلد طبيعي اسمر
كرسي السائق كهرباء ويحتوي على بكره لضبط الفقرة القطنية
الصالون الداخلي باختصار سفينة فضائية او كابينة طيارة بدون مبالغة
اماكن للتخزين بين فتحتي البانوراما بالسقف.
الدريكسيون ملوش شبيه على الاطلاق كانه بالظبط. مصمم لقيادة طائرة
ساعة عقارب داخلية الوحيدة من نوعها
المفروض نقشة الكراسي زي الكتالوجات على الانترنت بس ما بتنزلش مصر والوحيدة اللى شفتها للمهندس هشام عز العرب
الكلام عن الفخامة الداخلية للصالون خرافية وتستحق صور تفصيلية قريبا جداً انشاء الله
سبورت مود يتحسن متجربهوش ، تسارع من صفر الى ١٠٠ ٩ ثواني تقريبا وأظن ان هي اسرع من كده
العربية بتكون على الرابع وانته ماشي على ٣٠ ك تخيل :B4_592:
ولما بتسحب بيها وانت متحرك على الهادي التالت نفسه طويل جداً يوصلك ل ٩٠ ك
التورك بتاعها حكاية لوحده 240/1400
بلوتوث ومخرج USB و aux
- تانك البنزين ٦٠ لتر وطول ما انته سائق بالمعقول استهلاك عبى الطرق السريعة في حدود ٧ لتر ونصف وداخل القاهرة في حدود ٩ لتر تقريبا
الأنوار الأمامية باي زينون + هالوجين وليد نهاري
زجاج فاميه خلفي
طبعا ABS , EBD, ESP, EBA
مرايات كهرباء ضم
٦ وسائد هوائية
مساحة خلفية صغيرة
الشنطة معقولة جداً وممكن طي الكراسي ورفعها تماماً للحصول على مساحة تخزين اكبر
تخيلوا كل ده في الفئة دي
نروح لمستوي اعلى يزيد على السابق
شاشة ٧ بوصة ملونه داخلية
الآي درايف
الملاحة لا تعمل يعني منظر
كاميرا ركن خلفية
حساسات ركن أمامية
كراسي جلد طبيعي
كرسي السائق فيه شويه دلع زي سخانات ومساج وخلافه
شاشة شفافة تخرج في التابلوه فوق الدريكسيون لعرض السرعة
والفرق بين الفئتين ٥٠٠٠٠
اتمنى اكون أفدت الجميع والصور قريبا جداً