اقتباس المشاركة الأصلية كتبت بواسطة Amr_Moh مشاهدة المشاركة
برجاء أفاده الزملاء بالتفاصيل

بعد تركيب التلاجة الجديدة والتأكد من عدم التسريب تم شحن فريون، ولكن التبريد ضعيف وفي الشمس يكاد يكون معدوم، وتمت المراجعة مرة واتنين، وتغيير الإكسبانشن expansion والأداء سيء كما هو!!!
نصحني ابراهيم فني رينو بإمبابة بالتوجه لفني تكييف خلف مصر للأسواق الحرة بشارع جامعة الدول العربية، وبالفعل بصراحة ممتاز وفاهم هو بيعمل إيه
دخل العربية على الكمبيوتر وقال إن العربية لما تاخد فريون أكتر أداء التكييف بيقل وده اللي كان حاصل، فتم تفريغ الفريون كله ومراجعه الشحن والكبس والتسريب وكل حاجة بعدها تم شحن فريون بكمية 650جرام (الموصى به لرينو كليو) وكل عربية لها كمية محددة ومعدل زيادة أو نقصان 35 جرام.
وبالفعل والحمد لله الفرق ملحوظ جدا جدا والتكييف أداؤه واضح وفعال.
التكاليف كانت 20ج.م كشف و180ج.م شحن فريون. والحمد لله 5-6 أيام ومفيش مشاكل