الموضوع: الطريق السحري !!

مصر فى الوقت الحالى عايزة يد من حديد علشان تقضى على الفوضى والغوغائيه وساعتها كل حاجة حتتعمل صح وفى وقت قياسي

وامتداد طريق جوزيف تيتو المطار ... الطريق اللى كان مكسر ومدغدغ بقى تحفة هو كمان بس للأسف الحلو مايكملش نهاية الطريق الدخول للدائري الملف حاد جداً واللى ما ياخدش باله هيلبس في السور الخرساني اللى فينهايته من ناحية الدائري بس عموماً الاتنين تحفه واتعملوا في زمن قياسي وبنضافة تحية لكل من شارك في اخراج هذا العمل عقبال كل طرق مصر

انا فعلا لازم اقدم للقوات المسلحه عموما و الهيئه الهندسيه خصوصا كل الشكر و التقدير علي الانجازات اللي بيعملوها يعني لو شفتوا كوبري المشاه اللي اتعمل عند الكليه الحربيه تحفه و فيه سلالم كهربا للناس اللي علي كراسي متحركه و اتعمل ماشاء الله في وقت قياسي و طريق جوزيف تيتو لسه معدي عليه انهارده وفر كل تازحمه اللي في شراتون و عند السندباد و ربط الحرفيين بالدائري علطول توصل اي مكان انت عايزه و كمان محور المشير طنطاوي اللي وفر وقت جامد للناس اللي بتيجي من الاوتوستوراد و الحي السادس و السابع للتجمع الخامس و العكس و معظم المشاريع دي خلصت قبل الوقت بفتره كبيره و بنص تكلفتها تقريبا بجد ما شاء الله .