برضو السواق الجيد هو اللي يكون عنده صبر ومهما يحصل قدامه مينفعلش (اعصاب تلاجه) ومش مهم انك توصل بسرعه وتسلك من الزحمه بسرعه الاهم انك تروح بالعربيه سليمه من غير ما تخبطها
وده طبعا محتاج انك تعرف طبع كل سواق على الطريق ممكن يكون عامل ازاي وهو في الاغلب كلاتي :
1-تسيب اي مكروباص نفسو يعدي من قدامك يعدي براحتو
2-وتوسع لاي موتوسيكل من على اليمين او الشمال (تفضيلو السكه ) علشان يعدي منك لانو معندوش صبر وممكن عشان يعدي يحشر نفسه جنب عربيتك ويحكهالك ويطيرلك مرايتك مش هتفرق معاه حاجه
3لو مشيت ورا توكتوك حاول تكون حذر جدا لان ممكن ياخد قرار في اي لحظه ويخش يمين او شمال ولو عايز تتخطاه اديلو كلاكس عشان تنبه كويس انك جنبه
4-سواق التاكسي لو ماشي وراه خلي بالك انو ممكن حد يشاورله في اي لحظه ويقف قدامك فجأه وساعتها حتكون انته الغلطان علشان لازق في البيه
5-سواق النص نقل والربع نقل والتمنايه في عندهم تهور غير عادي يعني لو شاف اي خرم قدامك هيحاول يحشر نفسه فيه ده حلو الوحيد انك تفتحلو الطريق وتغورو في داهيه
6- المقطوره متحاولش تمشي جنبه وحاول تبعد عنه وخاصه في الزحمه لان النقط العمياء اللي عنده كتير وممكن انه يكون مركز في حتت تانيه ويخبطك من غير ما يشوفك طبعا ده لو مكانش محشش
7-سواق التروسيكل خلي بالك انه مش ملم باجناب التروسيكل الخلفيه اللي عنده وبيحاول يعدي ببركه ربنا وخلاص نصيحه ابعد عنه
8- بالنسبه لسواق الملاكي لو ست خليك حذر منها جدا وسيبها تعمل كل اللي نفسها فيه لان هي مش شايفه حاجه حواليها غير الكبوت اللي قدامها او قاعده بتكلم سوسو صاحبتها وممكن تكون بتتمكيج .. و على رأي الاستاذ عمر اديب اعتبرها عربيه اسعاف معديه
بعد كل ده يفضل انك متنزلش الشارع وتعد في بيتك وتحافظ على عربيتك وفلوسك
المفضلات