الموضوع: عملوها الوحوش ( الجزء الثالث )

تم بحمد الله وفضله علينا المقابله الثالثه لأسرة الرينو وكانت على شرف
الوحش أحمد عبد المقصود .
الوحش محمد مصطفى .
الوحش ايمن .
الوحش عمرو عماره .
الوحش العبد الفقير الى الله .
وطبعاً لن أنسى الضيف العزيز جداً والرقيق على القلب طارق .

المقابله الحمد لله كانت اكثر من ممتازه وسبحان الله تحولت من الالغاء لظروف عند عمرو باشا وعدم تأكيد الوحوش لوقت متأخر جداً الا ان الحمد لله كان لينا نصيب نتقابل والفضل بعد ربنا سبحانه وتعالى يرجع لمجهود ايمن باشا واحمد عبدالمقصود لأنهم صحوا الموضوع وفضلوا على الموبايلات من الظهر لغاية ما الحمد لله اتجمعنا على خير فا كل الشكر والامتنان لي ايمن واحمد ويا رب دايما نتجمع على خير .

احمد عبد المقصود كان ابعد واحد فينا يعتبر وكان أول واحد واصل هناك وفضل حوالي نص ساعه لوحده هو ومجلة السيارات وانا تهت وكان شكلي وحش اوي وانا رايح لتالت مره ومع ذلك تايه وعمال الف حوالين نفسي لكن الحمد لله فضل معايا على التليفون لغاية ما وصلت.جزاكم الله خير يا احمد باشا ويا رب نفضل على ود ووئام كده طول عمرنا ...............وسلامي لعروستك الصغيره ويا رب تقوم بالسلامه ان شاء الله وربنا يحفظها لك من كل سوء وتفرح بيها ان شاء الله .

عمرو عماره بقى وانا لأول مره استجمع قوتي وارفع اللقب بيني وبينه مع معزته الخاصه عندي والله العالم ليه انا رفعت اللقب عشان ماتزعلش مني يا عمور وتفضل كل شويه تقوللي بطل يابني استاذ دي .المهم عمرو كان عنده سفريه مع والده وسجل اعتذاره من الصباح الباكر انه مش هايقدر ييجي ...........بعد ما ربنا اراد اننا نتقابل على 8 كده ايمن وصل بالسلامه وقالنا مين جاي ؟؟؟؟؟؟؟؟؟؟ فاقلناله ميييييييييين ؟ قالنا عمرو في الطريق جايلنا !!! المهم وصل عمرو بالسلامه ايه يا عم عمرو انت عملت ايه ماسفرتش ؟؟؟؟ قال اسكتوا انا نزلت من بيتنا ولقيت كل الطرق مسدوده وزحمه الدائري مقفول .....طريق اسماعيليه الصحراوي مقفول .....طريق بلبيس مقفول ......طريق السويس مفتوح :p لغيت المشوار ورجعت الحاج البيت وجيتلكم على طول.
واضح ان الوحوش سرها باتع لدرجة ان في لعنة صابة الطرق كلها وقفلتها عشان نتقابل برضه سبحان الله.

محمد مصطفى العريس.......الراجل يا عيني تحول قبل الفرح كان تايه بعد الجواز الحمد لله تاه زياده :p وكان امبارح هو وايمن نازلين زن على وداني ارجع يابني بلاش اللي انت هاتعمله ده بلا جواز بلا بتاع اعقل يابني .........ارجع يا رامي ....يا راميييي......راااااااااااااا ااااااااااميييي :p انا طبعاً باهزر ......محمد انا مش عارف انت بتفتح من البيت ولا لأ عشان نعرف احنا في رقابه علينا ولا لأ انا مايخلصنيش برضه :boxing_smiley:.وحمد لله على سلامة ميجانتك من الوعكه الصحيه اللي مرت بيها ويا رب ماتتكرر تاني ان شاء الله .

ايمن باشا كان متألق كما تعودنا منه دائما الحمد لله وكان عنده الجديد من الاخبار والكيتات والباكيتات لدرجة انه قالنا على اختراع غريب كده في آخر المقابله مش هاقوله هنا لكن هي حاجه كده خيال علمي وعلى رأي محمد احنا ناقص شويه ونركبلنا صاروخين من تحت زي بتوع جيمس بوند ...........ربنا يكرمك يا ايمن باشا وتفضل مطلع على طول كده ومش جديد او غريب عليك الجدعنه وانك اول ما تجرب حاجه وتعجبك تجيبها لينا على طول والتوبيك موجود عن الفرامل وان شاء الله القادم عن الفلتر ان شاء الله وكل حاجه والى الامام دائما واحنا وراك ان شاء الله .

أخيراً الضيف الخفيف طارق باشا .........بجد كان شخص خفيف جداً في كلامه وهادئ جداً ورزين وفي حيره من أمره الحقيقه وربنا يعينك يا طارق باشا وتختار ان شاء الله صح دون التأثر بأي عوامل خارجيه وأكثر من صلاة الاستخاره وان شاء الله ربنا هايعينك وهاتختار..........وبعدين انت خلاص امبارح أخدت ختم الوحوش وان شاء الله تكون عضو من الاسره سواء اشتريت ميجان او اي حاجه تانيه وربنا ييسر لك امورك ان شاء الله ويعينك .

انا كده خلصت الحمد لله وحبيت أوثق تالت مقابله لاسرة الرينو والحمد لله تمت على خير بفضل الله ونعمته علينا وربنا يبارك لينا في الود اللي بنا ويديمه علينا نعمه ان شاء الله والى الامام دائماً يا وحوش.

ملحوظه 1 - استاذ احمد علي اعتذر في آخر لحظه وماقدرش يقابلنا للأسف وكنت حابب اسلم عليك بس يا كبير واقولك انك واحشني جداً والله وكان نفسي اشوفك امبارح لكن تتعوض ان شاء الله قريب جداً.

ملحوظه 2 - محمد مصطفى جاب طبق حلويات وبما اني العريس روحت بيه البيت
الواحد لو يعرف كده كان عمل الموضوع ده من زمان وكل مقابله خطب او اتجوز ..........جزاكم الله خير يا جماعه بجد هي كانت لفته رقيقه من ناس محترمه وغاليه وعزيزه عليا جدا والله مش مجامله .

سلام عليكم.

صباح الخير يا وحووووووووووووووش

يرجي العلم وبالتالي الاستعداد للجزء الرابع من مقابلة الوحووووووش

السبت المقبل 30/8/2008

نفس المكان ونفس الزمان

يرجي التاكيد من كل وحوش من الوحوووووووووش الراغبين في الحضور.