الموضوع ده هيوفر على ناس كتير البهدله والتجربه وبعد ما نخلص هنعمل تقييم افض واحد وده يكون متفق عليه من الجميع ونثبتو للصيانه للجميع
عرض للطباعة
الموضوع ده هيوفر على ناس كتير البهدله والتجربه وبعد ما نخلص هنعمل تقييم افض واحد وده يكون متفق عليه من الجميع ونثبتو للصيانه للجميع
لا حول لا قوة الا بالله والله انا مش عارف لو حصل معايا حاجة من ده كله هاعمل ايه
الموضوع ده هيبقى مفيد للجميع ان شاء الله
شكرا ا.احمد فهمى
السلام عليكم
انا كان لى طلب وسألت عنه اكثر من مره اريد كتالوج اوبل 93 انا دورت عليه على النت ومفيش حاجه ابدا ومش عارف اوصله وبعد اما وصلت لكتالوج لقيته صفحه واحده بس ولو عايز تأخذه تدفع فى النت علشان تنزله قلت ماحدش هيجيب من الاخر الا عمالقه الاوبل عندنا وجزاكم الله خيرا
لفيت كتير علي ميكانيكي كويس يعملي شوية حاجات بسيطة خصوصا اني بعمل كل حاجة في التوكيل -مقار - بس للاسف مستي مقار بينخفض و منصور في الضياع دورت كتتتتتتتتتتتتتتير لحد ملقيت حبيبي عم احمد و اخوة رضا الكهربائي في الطوابق كعبيش فيصل ميكانيكي نضيف و مش بيطلب مبالغ وهمية و يقولك الصح اية و تجيب اية ومنين وبكام ولو ليها تصليح بيصلح و ممكن مياخدش فلوس انا مرة جبتلو غدا حلف علي المصحف مياخدش مني قرش ، المشكلة الوحيدة انك لازم تعدي علية قبلها بيوم تحجز وتقولو انك جاي تعمل كذا وكذا و تيجي تاني يوم الصبح بدري ، عم احمد ده ربنا يكرمو بجد .
يا ريت تقولنا على العنوان ولو عندة كهربائى يبقى تمام
عارف الطوابق فيصل كعبيش الشارع اللي علي ناصيتة داري خش فية هتلاقي عم احمد علي ايديك اليمين و بعدية علي طول اخوة عم رضا الكهربائي و علي اول الشارع ابن عمهم الاسطي ابراهيم بتاع الشكمان
الكلام دع من شخص محترم من موضوع سابق ونقلته لكم للافادة
(بالنسبة لتجار قطع الغيار الجديد :
رقم واحد فى الاسكندرية خميس رويدا نهاية صلاح الدين قبل شريط الترام اخر شارع شمال قبل شارع الخديوى من ناحية صلاح الدين ...
اهم ما يمتاز به هذا الرجل الصدق والامانة وعدم الجشع عنده يبقى عنده وسعر واحد ولازم اقل من السوق كلة ويوضح ان كانت قطعة الغيار اصلى ولا تيوانى ولا صينى ولا ..... صادق ومجربة اكثر من 15 20 مرة ..
بالنسبة لتجار الاستيراد :
احسن واحد عنده بضاعة كتيرة على لادا فى بحرى عند باب واحد شغال معاه واحد مشاركة اسمة رضا وهم يعتبروا احسن من غيرهم فى الاسعار وقطع الغيار بس لازم فصال كتير معاهم ...
وفى عباس اوبل فى السيوف كويس اسمع انه معقول فى اسعارة بس لم اتعامل معاه .
وفى احمد الشيخة واخوه حوده الشيخة اسعار غير عادية لو تحب ترجع حاجة مش نافعه مفيش ترجيع تاخد بيهم بضاعة ..
اما بالنسبة للمكانيكا:
محمد ابو الحمد فى المطار قبل البنزينه بشارعين 15 سنه خبره فى توكيل مقار فى العربيات الاوبل وهو ماشاء الله عليه فاهم كويس جدآ فى الاوبل بالذات وبيرفض الشغل فى اى عربية غير الاوبل ولما بسأله ليه بترفض قال الاوبل عربيتى وتخصصى ليه اسيب اللى انا بارع وممتاز فيه بعدين انا بحب العربيات الاوبل بشتغل فيها بمزاج ...
وهو ميكانيكى وبتاع عفشة برضوا للأوبل بس ومعملته محترمة جدآ جدآ وممكن يسيب ورشته لو الواحد عطلان فى مصر او الطريق الصحراوى وحصل معايا وجالى لغاية مكانى بعربتة ومعاه قطع غيار لغاية ما العربية دارت ...
اسعاره اقل من ناس كتير شغل السرفيس كله غيار زيت وفلتر وفلتر بنزين وفلتر هوا وتغير سير الدينمو وسير الكاتينه 25 جنيه ..فهو احسن من تعاملت معاهم
واهم من كل ده الامانه اللى شايفه فى العربية بيقول عليه خالى بالك فى كذا ممكن يمشى معاك قد كده بس لازم تغيره ..ربنا يكتر من امثاله ..
اما كهربائى السيارات :
فى اتنين فى اسكندرية ابراهيم خليل فى الازريطة امام بتاع الورد من ناحية مساكن سوتر ... وفى نبيل صبرى فى شارع الازالة الوكالة ..
والاتنين تخصص اوبل وافهمانين كويس فى الاوبل واسعارهم كويسه مش عالى ..
وفى سكر فى صلاح الدين بس دايمآ زاحمه وشغل بعد اربع خمس ساعات انتظار ..
دى تجاربى مع الاوبل من يوم ما اشتريتها من سنتين اتمنى ان اكون افدتكم بالذات الاخوه اللى فى اسكندرية )
عايزين ننشط الموضوع شوية لانو مهم جدااااا
الاخ اللى عايز الكتالوج اتفضل بسورد لو طلب منك pdftown.com
https://rapidshare.com/#!download|89...035E38CAABA5F1