استفسارات فى فورد فوكاس

**omdadodo** · 05-05-2013 05:57 PM

الاخوة الاعزاء خبراء الفورد
اولا : عربيتى فوكاس موديل 2006 ستيب ترونيك به مشكلة بالتابلوه بيفصل ويبرجل العربية وده تقريبا عيب متكرر بالفوكاس ارجو الافادة من فضلكم
ثانيا .. محتاج اغير الريدياتير وسربنتينة التكييف هل تنصحونى اغيرهم جديد ولا استيراد ولو حد ممكن يفيدنا بالاسعار
ثالثا : هل ردياتير المازدا 3 وسربنتينة التكييف تركب على الفوكاس
واخيرا شكرا مقدما لكل اعضاء المنتدى المحترمين

**ENG\AHMED** · 05-05-2013 06:08 PM

1- محتاج كشف بالاسكانر وتراجع على كهربة العربية
2- الاول اعرف اسعار الاستيراد والجديد والتوكيل , تجار الاستيراد يستعبطوا فى الفوكاس لدرجة ممكن يبيعلك حاجات اغلى او بنفس سعر التوكيل
3- مش عارف

**omdadodo** · 05-05-2013 10:36 PM

شكرا جزيلا مهندس/ احمد
المشكلة انى لسة شارى العربية ومعرفش مين كويس ممكن يكشف عليها او يصلح طبعا غير التوكيل

**MAHERELTAHAWY** · 06-05-2013 01:11 AM

استفسار بسيط لو سمحت الفوكس 2006 سعرها من كام لكام وحضرتك عايزتغير السربنتينه والرداتير ليه

**mido51eg** · 06-05-2013 04:30 AM

ادخل على اهم مواضيع القسم وشوف اماكن الصيانة ومحلات قطع الغيار

**mido51eg** · 06-05-2013 04:31 AM

وياريت كمان حضرتك تقولنا شوية تفاصيل عن العربية وحالتها وسعرها علشان الفائدة تعم ومبروك ليك العربية الجديدة

**omdadodo** · 12-05-2013 02:00 PM

الحمد لله عملت اول صيانة للعربية عند احمد فرج بعد ما اشتريت قطع الغيار من يافا فشارع دمشق
واليكم اسعار قطع الغيار
- طقم كاتينة كامل اصلى ب 750 ج
- طقم سيور (سيور دينامو- تكييف اصلى) ب 425
- مسمار كرنك ب 50
- طلمبة مياة ايطالى 450 ودى احمد فرج قالى انها بنفس جودة الاصلى ويمكن احسن علما بان الاصلى ب 800
- تيل فرامل امامى تركى ب 140 وده جبته من المحل اللى جنب احمد فرج
- فلتر تكييف اصلى 180
- وجبت كمان كالون لكبود العربية بعد ما فشلت محاولات اصلاحه ب 550 ج وده اكتر حاجة انا مستغلى سعرها بصراحة لانى شايف ان فورد كان ممكن تعمل فتح الكبود من جوة زى باقى خلق ربنا .. عادى يعنى
- وده طبعا تم تركيبه عند احمد فرج عدا فلتر التكييف ده ركب عند بتاع التكييف بتاعى والكالون لسه مركبتوش لحد دلوقتى .... وشكرا اخوانى الاعزاء

**a3reda** · 22-05-2013 12:21 PM

مبروك عليك العربيه
رخيص اوى تيل الفرامل
احمد فرج كويس وسريع وسعره معقول انا رحت عنده مرتين من سنتين غيرت عنده طلمبه بنزين مره والمره التانيه غيرت فيها طقم السيور وزيت الفتيس وفلتر الفتيس وجلده قاعده الموتور