مساعده ضرورى فى بيجو 307 sw

**ahmed1_com** · 05-05-2013 07:34 PM

انا عندى بيجو 307 بانوراما اعلى فئه كان فيها تخبيط كده فى العفشه بسيط فى المطبات رحت للعفشجى قالى عايزه 2 بيطة طرف اسكاترا و2 تيش داخلى و 2تيش ميزان معرفش الحجات دى كتير على الى فيها ولا ايه هى بتخبط بس بسيط لما الارض تكون مكسره واسعار الحجات دى ايه وكمان كنت عايز اعرف لما اجى اغير الزيت ازاى برجع اظبط عداد بتاع الزيت ارجع اصفرو على الغيار الجديد ازاى وكمان حساس المطر والنور بيشتغل ازاى معلش طولت عليكم

**Ahmed Amin** · 05-05-2013 10:30 PM

بالنسبة لعداد الزيت بتاع الموتور, هتفتح الكونتاك نص تكة واللمبات كلها تنور عادي قبل ما تدور العربية,
وهتلاقي عداد الزيت بيقولك انت فاضلك قد ايه,
اول ما تظهر الكيلوات دي أضغط علي الزرار الاسود الرفيع اللي جنب عداد السرعة في شاشة العدادات ضغطة طويلة, وانت سايب الكوناتك زي ما هوا.
هيفضل يعد عد تنازلي لحد ما يصفر العداد ل 10 كيلو تاني ال default بتاعه.

بالنسبة لحساس المطر والنور, أنت متأكد أنت عندك حساس مطر ونور ؟؟
لو عندك هتلاقيهم ف أعدادات الكاسيت المفروض من زرار menu
بالنسبة لأسعار العفشة معنديش خلفية عنها بس هشوفها الأسبوع دا وأرد عليك فيها..

أيه أخبار الفتيس معاك دلوقتي ؟

**ahmed1_com** · 06-05-2013 03:18 AM

مشكور جدا على ردك الفتيس كويس وسحيو كويس جدا وانا واخد العربيه دى من عمى كان عملها جميع الصيانات بالفتيس مغير زيت الفتيس وكده

**MuhamedNabil** · 10-05-2013 04:01 AM

الرجرجة دى من الدرعات الداخلية الهى بيقولوا عليها التيش الداخلى, غيرهم اصلى افضل. و ممكن تتأكد انك تبطل العربية و تسيب المفتاح فى الكنتاكت و ترج الدركسيون يمين و شمال بسرعة لو ظهر صوت التخبيط ده يبقى الدرعات
و برده لو بيظين بيعملوا رعشة على 100+ km/hr زى لما تكون محتاج ترصيص للكاوتش.
انا لما غيرتهم جبت النوع ده
RTS - Design, manufacture and distribution of bearings
واحد طلع كويس و التناى بايظ.
خلى بالك ان بعد التغيير لازم تظيط زوايا و فى البيضات نفس الكلام يمكن عشان كده بيتغيرو مع بعض.
انا كنت عند واحد بتاع قطع غيار فى اسكندرية و قالى ان البيضات بتعها هما هما بتوع 504 !!! و لو جبت بتوع 504 اصلى تمنهم 50 جم حاجة كده الكلام ده معرفش مدى مصدقيته بس ممكن تتأكد بنفسك
انا اشتريت الدرعات ٌRTS 260 الاتنين

**Ahmed Amin** · 10-05-2013 04:57 PM

بشمهندس محمد أخبارك أيه.؟
هيا الدراعات دي كنت جايبها منين وفمستوي الأصلي ولا لأ .
وازاي طلع واحد فيهم بايظ هما كانو جداد ولا.
وانا لما بلف الدركسيون يمين وشمال وههيا مبطلة والمفتاح فيها مش بتعمل صوت. بس عندي رجرجو فالعربية في المطبات الصفيرة والنقر قدام مش عارف سببهم أيه..
ممكن اعرف البطاحات المفروض يتغيرو أمتي.؟
وأيه الفرق بين التيش الداخلي وتيش الميزان.
انا لسه معملتش شغل العفشة ولا الفتيس لان الاسبوع اللي فات كان كله شغل والعربية مركونة وواخد الاسبوع دا يومين أجازة من الشغل هعملها فيهم إن شاء الله وأبقي أعرفك عملت أيه.
ممكن عنوان الراجل اللي عنده زيت الفتيس في مدينة نصر اللي عنده وهوا احسن ولا غزال من ناحية السعر وتوفر باقي قطع الغيار.
معلش لو طولت عليك.

**Ahmed Amin** · 11-05-2013 12:37 AM

المشاركة الأصلية كتبت بواسطة muhamednabil

الحمد لله و اتمنى تكون بخير
الدرعات كانت جديد من غزال بس النصيب طلع واحد فيه عيب صناعة و الاصلى ب 250 الواحد.
مش لازم يطلع عندك نفس العيب ممكن حاجة تانية
جربت تربط عفشة و لا لسه. البطاحات على حد علمى بيتغيروا مع المساعديين لو ظهر فيهم عيب اثناء تغيير المساعدين.
التيش الداخلى ماسك من علبة الدركسيون للبيضات و وضعه افقى و تيش الميزان وضعه رائسى و بيمسك الميزان و ( المساعد او الشمعدان )

أنا الحمدلله ربنا يخليك ويارب أنت كمان تكون بألف خير

الله ينور علي توضيح الجزئية الخاصة بالفرق ما بين التيش الداخلي وتيش الميزان.
بالنسبة للدراع اللي طلع بايظ ليه مرجعتوش لغزال طالما كان فيه عيب صناعة ؟ أنا أسمع أنو تاجر كويس
انا بربط عفشة كل فترة بس حاسس ان في رجرجة قدام اكتر من زمان هربطها تاني واخلي واحد بتاع عفشة كويس يبص عليها.

**Ahmed Amin** · 28-05-2013 09:15 AM

عشان تصفر عداد الزيت بطل العربية لو كانت دايرة..
وفيه زرار أسود جنب عداد الكيلومتر علي الشمال, دا اللي بتصفر منه عداد الكيلو متر بتاع البنزين اللي هوا فوق عداد الكيلو متر بتاع العربية اللي بيقولك العربية مشت قد أيه من يوم ما جات..

وهيا العربية مبطلة أضغط علي الزرار دا وأفضل ضاغط عليه وأفتح الكونتاك فتحة واحدة بس.
هيصفر العداد ويبدأ يعد من 10 الي زيرو خليك ضاغط عليه لحد ما يخلص,
وبكدا تبقي صفرت عداد الزيت.

والتيش الأسباني كان عامل 350 عند مين ؟