ما خاب من استشار..فكرة بيع الفانتازيا

**inspiron** · 05-05-2013 08:07 PM

السلام عليكم يا رفاق

- زميل لي في العمل عرض عليا 150000 جنيه ويشتري الفانتازيا..فأنا قولتله سيبلي مهلة يومين أفكر..
أنا ولله الحمد ربنا وفقني وبيعت المرسيدس الخنزيرة القديمة بتاعتي بمبلغ كويس أوي.ولو بيعت الفانتازيا مش هيبقي فاضل غير المرسيدس الـ s عندي...وللأسف الطخين...أنا شغلي معظمه سفر لمسافات طويلة..فخايف أهلك المرسيدس معايا..مع العلم إن الأوكتافيا فارمها سفر من يوم ما جبتها عشان كده عاملة 100 ألف كم..بس عمرها ما اشتكيت.

المهم أنا فكرت في إني أوافق علي العرض..مقابل إني أشيل المبلغ + الفلوس اللي بيعت بيها الخنزيرة. وأستني لحد ما الأوكتافيا الجديدة تنزل وأشتريها إن شاء الله..بس ده مش في مصلحة الـ s .. فإيه رأي حضراتكم..

مع العلم..إن الفانتازيا عمري ما زعلت منها في حاجة ولا قصرت معايا في أي حاجة..وهكون حزين عليها جداً لو اتباعت بس طبعاً هتكون البيعة بصفاء نية عشان ربنا يبارك للمشتري.

آسف علي الإطالة ومستني آراء حضراتكم..شكراً

**mo7a_mo7a** · 05-05-2013 08:15 PM

انت بتفكر صح
بيع يا احمد
سفرك الكتيير اهم سبب يخليك تبيع لان الافضل ليك ان يكوم معاك عربية حديثة دايما
وبالنسبة للثلاث شهور اللي حتستناهم مش حياثروا ابدا علي المرسيدس
العربية دي مصممه تمشي مليون كيلومتر

العيب الوحيد هو موضوع الدعم اللي مش حتستفيد بيه
تقبل تحياتي

**inspiron** · 05-05-2013 08:29 PM

المشاركة الأصلية كتبت بواسطة mo7a_mo7a

انت بتفكر صح
بيع يا احمد
سفرك الكتيير اهم سبب يخليك تبيع لان الافضل ليك ان يكوم معاك عربية حديثة دايما
وبالنسبة للثلاث شهور اللي حتستناهم مش حياثروا ابدا علي المرسيدس
العربية دي مصممه تمشي مليون كيلومتر

العيب الوحيد هو موضوع الدعم اللي مش حتستفيد بيه
تقبل تحياتي

والله يا باشا أنا فكرت بنفس منطق حضرتك..وقابلت فعلاً أثناء التفكير النقطة بتاعة الدعم..أنا خايف في أي لحظة القرار يتنفذ وساعتها هيكون خراب بيوت.

**mo7a_mo7a** · 05-05-2013 08:49 PM

هو من ناحية يتنفذ.... حيتنفذ اكيد
ولكن السوق دلوقتي نايم جدا ومعتقدش ان السعر ده حتلاقي زيه بعد ما الاكتافيا الجديدة تنزل

انا لو مكانك حبيع

انت شايف ايه؟

**Ahmod** · 05-05-2013 08:58 PM

حضرتك كنت جايبها بكام ؟؟ والجديدة هتبقى بكام ؟؟

وهل البيع عشان تجيب الجديدة فقط ام فيه اسباب تانية ؟؟

خلي بالك انت لسه مش عارف سعر الجديدة وهل الجديدة تستاهل فعلا فرق السعر والخسارة اللى هتخسرها مقابل بيع عربيتك الحالية ولا لاء !! ؟

**inspiron** · 05-05-2013 08:58 PM

المشاركة الأصلية كتبت بواسطة mo7a_mo7a

هو من ناحية يتنفذ.... حيتنفذ اكيد
ولكن السوق دلوقتي نايم جدا ومعتقدش ان السعر ده حتلاقي زيه بعد ما الاكتافيا الجديدة تنزل

انا لو مكانك حبيع

انت شايف ايه؟

هوضح لحضرتك موقفي

1- العربية مش مزعلاني في أي شئ.
2- العربية السعر المعروض فيها كويس جداً.
3- ناوي والنية لله إني أشتري الجديدة.
4- لو بيعت دلوقتي هضطر أستعمل المرسيدس وهتنفخ في بنزينها.
5- لو مبيعتش دلوقتي السعر ده مش هيجيلي تاني لو الجديدة نزلت.

أنا في حيرة..رأيك ممكن أستني وأبيع بالسعر اللي تجيبه وخلاص لما الجديدة تنزل وأشتريها ؟ وساعتها هتفادي أعباء التكلفة اللي هتعرض لها في مصاريف تشغيل المرسيدس؟

أنا مش هيفرق معايا لو بيعتها بعدين بـ 130 مثلاً لأن كده كده مش ناوي أجيب الجديدة كاش إن شاء الله.إيه رأيك

**inspiron** · 05-05-2013 09:04 PM

المشاركة الأصلية كتبت بواسطة ahmod

حضرتك كنت جايبها بكام ؟؟ والجديدة هتبقى بكام ؟؟

وهل البيع عشان تجيب الجديدة فقط ام فيه اسباب تانية ؟؟

خلي بالك انت لسه مش عارف سعر الجديدة وهل الجديدة تستاهل فعلا فرق السعر والخسارة اللى هتخسرها مقابل بيع عربيتك الحالية ولا لاء !! ؟

البيع لشراء الجديدة فقط..كما ذكرت الفانتازيا مش مزعلاني في أي شئ

بالنسبة لسعر الجديدة أنا معاها لحد 300 ألف (قسط )
وهي أكيد بكل المقاييس تستاهل فرق السعر.

**Ahmod** · 05-05-2013 09:15 PM

المشاركة الأصلية كتبت بواسطة inspiron

البيع لشراء الجديدة فقط..كما ذكرت الفانتازيا مش مزعلاني في أي شئ

بالنسبة لسعر الجديدة أنا معاها لحد 300 ألف (قسط )
وهي أكيد بكل المقاييس تستاهل فرق السعر.

طالما حضرتك ناوي على الجديدة يبقى توكل على الله في البيع

لكن شوف النهارده هي جايبالك 150 الاف !! طيب بعد 3 شهور هتجيب كام !! ؟ ماعتقدش انها تنزل ل 130 الاف زي ماحضرتك ذكرت

لكن برضوا انت احسبها وشوف متوسط تكاليف المرسيدس خلال الفترة دي هتبقى كام

وصلي استخارة وربنا يوفقك للي فيه الخير ان شاء الله

**mo7a_mo7a** · 05-05-2013 09:22 PM

المشاركة الأصلية كتبت بواسطة inspiron

هوضح لحضرتك موقفي

1- العربية مش مزعلاني في أي شئ.
2- العربية السعر المعروض فيها كويس جداً.
3- ناوي والنية لله إني أشتري الجديدة.
4- لو بيعت دلوقتي هضطر أستعمل المرسيدس وهتنفخ في بنزينها.
5- لو مبيعتش دلوقتي السعر ده مش هيجيلي تاني لو الجديدة نزلت.

أنا في حيرة..رأيك ممكن أستني وأبيع بالسعر اللي تجيبه وخلاص لما الجديدة تنزل وأشتريها ؟ وساعتها هتفادي أعباء التكلفة اللي هتعرض لها في مصاريف تشغيل المرسيدس؟

أنا مش هيفرق معايا لو بيعتها بعدين بـ 130 مثلاً لأن كده كده مش ناوي أجيب الجديدة كاش إن شاء الله.إيه رأيك

انا فاهم موقفك كويس جدا
عمرك ما حتندم علي البيع لان العربيات الجديدة كتير سواء اكتافيا او غيرها
تكاليف تشغيل المرسيدس خلال الفترة الجاية + استهلاكها مش ممكن تكون مبلغ ضخم
الزيادة في السعر للبنزين عن السعر المدعم 2 جنيه بالكتير يعني الموضوع مش قضية بالكتيير 2000 جنيه في الفترة كلها
السعر دلوقتي كويس

انا لو مكانك الحاجة الوحيدة اللي ممكن تخليني ارفض البيع ان ميكنش عندي بديل
وفي حالتك البديل موجود

توكل علي الله

**mo7a_mo7a** · 05-05-2013 09:24 PM

صلي استخارة علشان تبقي استشرت واستخرت

الموضوع: ما خاب من استشار..فكرة بيع الفانتازيا

LinkBack

أدوات الموضوع

عرض

-

-

-

-

المواضيع المتشابهه

عايز أبدل الكاسيت swing بال bolero في الفانتازيا عندكوا فكرة فين ؟؟

لا خاب من استشار

ما خاب من استشار....*

لا خاب من استشار

لا خاب من استشار

الكلمات الدلالية لهذا الموضوع

المفضلات

المفضلات

ضوابط المشاركة