الموضوع: قلت مفيش غيركم اخد رأيه فى الخطوه اللى هاخدها دى

من فترة طويله
كنت باتكلم انى عايز افتح مركز صيانه
و لدرجة ان فيه زملا من المنتدى بيتصلوا بيقولولى ورشتك او المركز بتاعك فين
و فيهم اللى مش مصدق انى مش شغال فى العربيات
و فيهم اللى مش مقتنع انى مش تاجر عربيات
بس ما علينا
انا دلوقتى الموضوع كبر معايا قوى بعد ما 3 اصحابى قرروا انهم يعملوا المشروع ده
و انا الرابع بتاعهم
و عايزين يخشوا فى الغويط
يعنى مش ورشة
لأ
مركز خدمه
طبعاً السيوله مش هتسعف حد فى حاجة كبيره
والله انا مش باحب اكسف حد
و كنت واخد الموضوع معاهم بجديه انى اساعدهم
طلعوا مقتنعين تمام الأقتناع بجدوى المشروع و انه هيرحم ناس كتير من افترا و غشم الصنايعية
خاصة انه هيبقى فيه اجهزه كشف اعطال و تنظيف رشاشات و محطة تكييف اتوماتيك كامله
و هيبقى معانا واحد منهم مهندس ميكانيكا
و انا بمعرفتى بالصنايعية و طريقة الشغل و التعامل مع مختلف انواعهم هيبقى عليا ادارة المكان بجانب نصيبى من التكلفه
الموضوع مكلف مش سهل
بس انا معتمد على الله فى الحوار ده
واللى معايا برضووا بيقولوا كده
النهارده كنت عند شقتى فى الليبنى
و باكلم الغفير اللى عندى
قاللى تعالى
ورانى محل بس جوه شارع
او بالأصح محلين يفصل بينهم مدخل العمارة و مفتوحين من ورا
كل واحد يطلع بتاع 60 متر
و جاهزين ماعدا الأرضية و الدهانات الأخيره
و فيهم مخزن
و حمامين
و اوضتين صغيرين
و قاللى صاحب العمارة فلان يبقى صاحب الحاج فلان و ده حبيبك
كلمه و شوف
يعيب المكان انه جوه شوية
و اول الشارع ضيق و جوه اوسع شوية
يعنى يطلع شارع 10 متر
المكان ياخد 3 عربيات مستريح قوى من غير ما تشغل الطريق
و موضوع انه متشطب ده عجبنى قوى
انا عارف ان الشارع الرئيسى احسن
بس اغلى
و تمليك
و هيبقى فى حدود 45 متر
و هيختاج تشطيب بفلوس كتير قوى عشان يبقى شكله حلو
انا لسه مكلمتشى صاحب العمارة و مش عارف هيوافق على موضوع مركز الخدمه و لا لأ
بس المبدأ بقى موجود
و يا ترى
هالافى المنتدى هنا واقف جنبى
ولا لأ
انا والله الصنايعية اللى اتفقت معاهم فى كلام نضاف قوى
و هيتظط السعر قوى قوى
هيبقى اغلى من ميكانيكى الشارع
بس اكيد ارخص من اى حد تانى

عايز رأيكم
لأحسن انا هالسع خلاص