بازوكا / صب كيكر أمريكي للبيع Kicker

**Salamonti** · 13-05-2013 05:07 PM

المشاركة الأصلية كتبت بواسطة m2018

اللي عنده علم باجهزة الصوت برة هيعرف ان كيكر من الشركات القوية واعلى من البيونير والكينوود اللي بيتباع هنا بس انا عندي سؤالين
هو صناعة امريكي يعني مكتوب عليه كدة ولا جاي من امريكا لو كدة انا عايزه
تاني حاجة هي التيوب او البوكس جايين معاه ولا انت مفصلهم ولا شاريهم جاهزين وموديل الصب ايه
اخر حاجة معليش هو اخره كام وحضرتك فين ورقم التليفون بعد اذنك وممكن اتصل من الساعة كام لكام؟
اسف على الاطالة

الكيكر مفيش منه صناعة أمريكي غير الانتاج القديم أوي..
ولو لقيت كيكر مكتوب عليه صناعة أمريكي يبقا مضروب من غير كلام..
زيه زي منتجات أبل كلها زي الآيفون على سبيل المثال..
Manufactured in USA - Assembled in China

لو حد قاللك معايا آيفون Made in USA اعرف انه اتنصب عليه

بالنسبة للبوكس والتيوب مش جايين معاه وشركة كيكر أصلا مابتعملش بوكسات ولا تيوبات نهائي..
البوكس انا عامله تفصيل بالمقاسات المظبوطة بتاعة الصب..
والتيوب انا جايبه جاهز تقفيله نضيف ومحترم جدا،
وبعد التجربة الصوت طلع في التيوب أحسن بكتير من البوكس
وبالتالي الصب راكب حاليا في التيوب لكن المشتري ليه حرية يختار اللي عايزه

موديل الصب Kicker CompVR -CVR12

المقابلة في المهندسين أو أول شارع الهرم حسب مواعيدي - ت: 01228448844

**haysam2000** · 14-05-2013 03:44 PM

المشاركة الأصلية كتبت بواسطة salamonti

على فكرة الصبات الجي بي ال اللي عندك هاتطلع صوت وهمي لو عملتلهم صندوق رفلكس زي كده مثلا:
http://www.nilemotors.net/nile/35488...to-1204-a.html

المشكلة ان الحجات اللي زي دي بتبقا عايزة نجار فاضي ودماغه رايقة ومعندوش مشكلة يشتغللك في الصندوق يومين تلاتة اربعة لكن في النهاية صدقني النتيجة هاتعجبك فوق مما تتخيل..

تقنية الرفلكس دي غالبا بتستخدم في صبات الكمبيوتر النضيفة زي لوجيتك وكرييتف،
وده اللي بيخليها تطلع صوت غبي من صب قد كف الإيد !!

طبعا فيه تصميمات كتير معقدة من البوكسات الرفلكس، لكن فيه منها حجات بسيطة ممكن تتنفذ بسهولة..

تمام و انا عامل على ايدى تصميم شبه التالت (الرسم التوضيحى) و صوته فعلا قوى جدااا بس الفكرة انى عايز اوفر مساحه فى الشنطه

**reda elgohary** · 15-05-2013 01:52 AM

موفق ف البيع ان شاء الله

**Ahmod** · 15-05-2013 03:02 AM

المشاركة الأصلية كتبت بواسطة salamonti

ابعت موديل الصب اللي عندك ومواصفاته للأستاذ ahmod اللي معانا في الموضوع هنا..
هو عنده جي ام ضعيف وانا قلتله ان الكيكر مش هايكون صفقة رابحة بالنسباله اذا مكانش عنده نية لتغيير الامبليفاير..
لو اشترى صب من اللي عندك هايكون مناسب ليه من ناحيتين القوة والسعر :)

انا بشكرك على روحك الطيبة ياغالي وعلى انك مش مجرد عايز تبيع على قد ماعايز اللى قدامك يستفيد بالحاجة اللى هيشتريها

انا بالنسبالي لسه ماشتريتش الجي ام لكن كنت بفكر اني اجيبه السمفوني على اساس انه هيكون مناسب مع بازوكا jpl ده كان تفكيري من البداية !!

انا ماعنديش مشكلة ادفع واشتري جي ام محترم يقوم الصب كويس بس الاهم اني اخد الصوت اللى يستاهل المبلغ اللى هدفعه

وبصراحة انا سالت كذا واحد على الصب الكيكر اللى قالي مايعرفهوش واللى قالي غالي واللى قالي لو اصلي يبقى يستاهل تمنه وزيادة بس مافيش كيكر اصلي في مصر واللى موجود كله مضروب

فبيني وبينك متردد خصوصا ان دي اول تجربة ليا مع الصوتيات والمبلغ مش قليل يعني صب ب 700 + جي ام محترم يقومه اقل واجب هيبقى في حدود 800 جنيه يعني بتتكلم في 1500 !! ؟ فلو ماخدتش منهم الصوت المنتظر هيبقى حرام

عموما حضرتك حاطط المعاينة في الهرم وانا ساكن في الهرم

فلو فيه امكانية اقابلك اتعرف حتى عليك واشوف الصب على الحقيقة وربنا يقدم اللى فيه الخير ان شاء الله

**haysam2000** · 15-05-2013 12:51 PM

متقلقش خالص من ناحيه الصوت هتاخد اكتر من اللى انت متخيله و مش هترمى فلوسك

**Ahmod** · 17-05-2013 02:37 AM

المشاركة الأصلية كتبت بواسطة Salamonti

أيوة منا عارف الحزام أكيد بس بالنسبالي مالوش استخدام عشان العربية اصلا هاتش باك..
وصدقني هو سعره كده ممتاز واسأل أي حد، خصوصا كمان في ظل غلاء الأسعار اليومين دول..
يعني يعتبر الحاجة كلها بتغلا وانا لسه بابيعه بالسعر القديم العادي..
انت بس شوفله جي ام بايونيير 5400 هايبقا تحفة عليه وهاتسمع منه أحلى صوت :)
GM-5400T - 2-Channel Bridgeable Amplifier with 760 Watts Max. Power | Pioneer Electronics USA
وممكن تشوف بايونيير 6500 بس عاوز اللي يوصله يكون محترف وفاهم هو بيعمل ايه كويس عشان مايحرقش الصب
GM-6500F - 4-Channel Bridgeable Amplifier with 760 Watts Max. Power | Pioneer Electronics USA
واذا مش عايز تجيب بايونيير عشان غالي دور في الكينوود على حاجة قريبة من المواصفات دي - وابعد عن السوني والسيمفوني تماما

نزلت التوفيقية النهارده زي ماقلتلك بس مالقتش الجي ام ال 5400

اللى لقيته ده

GM-5500T - 2-Channel Bridgeable Amplifier with 820 Watts Max. and Bass Boost Volume Control | Pioneer Electronics USA

820 وات 2 شانيل ب 590 جنيه بس مكتوب عليه من الجمب 125*2 RMS !! مش عارف بقى بيخرج قد ايه

وده

GM-6500F - 4-Channel Bridgeable Amplifier with 760 Watts Max. Power | Pioneer Electronics USA

760 وات 4 شانيل ب 670 جنيه وتقريبا مكتوب من الجمب 60*4 RMS !! واللى اكتشفته ان مافيش حد في التوفيقية اساسا عارف يعني ايه RMS

على حسب مابصيت في الريفيوهات ان ال 5500 بيطلع 380 RMS في حين ال 4 شانيل بيطلع 340 RMS ده كدة مقارنة سريعة لقتها على النت

بس ال 6500 فيه تحكم HPL ال 5500 مافيهوش بس دي مش فارقة لانها كدة كدة موجودة عندي في الكاسيت

http://www.shopping.com/xSBS-pioneer-gm-5500t-pioneer-gm-6500f~PRDLT-84840139-119361940-119361941#

فانت شايف ايه ؟؟ فرق السعر مش كتير بس انهي اللى هيدي احسن اداء ؟

انت قلتلي انك مركبه دلوقتي على جي ام مطلع 300 طيب لو ركبته على اللي بيطلع 380 مافيش خطورة على الصب حتى ولو على المدى البعيد ؟؟ ومش هيعمل Noise ولا حاجة مع الصوت العالي ؟؟

وانا ان شاء الله بكرة اكلمك نتقابل واخد منك الصب ومعلش تعبناك يا غالي وصدعتك معايا