الموضوع: بازوكا / صب كيكر أمريكي للبيع Kicker

المشاركة الأصلية كتبت بواسطة salamonti

الحقيقة هو أحسن منهم بمراحل
صوت نقي وواضح + قوة غاشمة مالهاش حل

مع ان فيه موديلات بايونيير مثلا بتتحمل نفس القدرة 400 ار ام اس
لكن بتفرق بقا ان على مستويات الصوت العالية ماتسمعش تشويش او أصوات غير مرغوب فيها الخ الخ
بالاضافة ان مستوي حساسية الصب ده أعلى من الحجات التانية وبيقدر يجيب ترددات منخفضة أكتر منهم..

لو الانجليزي بتاعك كويس اعمل سيرش فجوجل على kicker review
ولو اللغة مش أوي دور عاليوتيوب kicker واتفرج عالفيديوهات
بدون مبالغة بجد بيخلي العربية تشخلل!!

الموضوع ماهواش كلمة 400 ار ام اس على قد ماهو الكواليتي بتاعهم عامل ازاي..

بالظبط زي ما حضرتك بتجيب مولد كهربا صيني ومولد تاني هوندا مثلا
الاتنين بيطلعوا 220 فولت بس نسبة النويز والاستقرار في التيار بيفرق من ده لده

طيب تمام

هل اتباع ولا لسه ؟؟ ولو لسه ممكن اخده منك بالتيوب البازوكا ومش محتاج الصندوق في شئ بس ياريت تقولي السعر النهائي كام لان 700 كتير حبتين

وهل معاه الوصلات بتاعته وكافة متعلقاته ؟؟ والحبل اللى بيربط البازوكا في الشنطة ؟؟

وياترى يشتغل على جي ام سيموفني 1 تشانيل 250 وات ! ؟ ولا محتاج حاجة اقوى عشان تقومه ؟؟

المشاركة الأصلية كتبت بواسطة Salamonti

الحقيقة هو لسه ماتباعش ومازال موجود..
لأن الأخ اللي حجزه كان من خارج القاهرة وكان ناوي يجيلي يوم الجمعة ياخده
لكن الله اعلم ربما حصلتله ظروف - المهم انه مجاش..

بالنسبة للجي ام السيمفوني اللي عندك هايشغلها آه بس مش هتاخد منها الأداء الكامل بتاعها طبعا..
بالتقريب كده مش هاتستفيد بأكتر من 50% من القدرة الحقيقة بتاعتها :)

باختصار لو حضرتك مش ناي تعمل أبجريد مستقبلا وتغير الجي ام بواحد أعلى،
يبقا الأفضل ليك بلاش تشتري الصب ده وشوف حاجة بايونيير أو jbl على قد الجي ام هاتوفر معاك

بالنسبة للسعر فهو معقول جدا عليها ومتضمن التيوب معاها..
لكن مفيش وصلات ولا أحزمة..
معرفش الحزام ده بيتباع فين وللتوصيل مش هتحتاج أكتر من مر واحد سلك :)

الحزام اللى اقصده اللى هو بيربط البازوكا (التيوب) بالشنطة بتاعة العربية بحيث انها تبقى ثابتة في العربية وماتتحركش في الشنطة وتتخبط مع المشي

يعني يا باشا ال 700 ده النهائي النهائي مافيش كلام تاني ؟؟

وعلى فكرة انا مش بقول كدة غلاسة او اني بفاصل وخلاص !! لا انا فعلا ناوي جديا اليومين دول على طقم صوت وهتلاقيني حتى كاتب موضوع اني بدور فيه على صب / بازوكا

فاعمل معانا واجب عشان نبقى حبايب واخده منك

المشاركة الأصلية كتبت بواسطة Salamonti

أيوة منا عارف الحزام أكيد بس بالنسبالي مالوش استخدام عشان العربية اصلا هاتش باك..
وصدقني هو سعره كده ممتاز واسأل أي حد، خصوصا كمان في ظل غلاء الأسعار اليومين دول..
يعني يعتبر الحاجة كلها بتغلا وانا لسه بابيعه بالسعر القديم العادي..
انت بس شوفله جي ام بايونيير 5400 هايبقا تحفة عليه وهاتسمع منه أحلى صوت :)
GM-5400T - 2-Channel Bridgeable Amplifier with 760 Watts Max. Power | Pioneer Electronics USA
وممكن تشوف بايونيير 6500 بس عاوز اللي يوصله يكون محترف وفاهم هو بيعمل ايه كويس عشان مايحرقش الصب
GM-6500F - 4-Channel Bridgeable Amplifier with 760 Watts Max. Power | Pioneer Electronics USA
واذا مش عايز تجيب بايونيير عشان غالي دور في الكينوود على حاجة قريبة من المواصفات دي - وابعد عن السوني والسيمفوني تماما

نزلت التوفيقية النهارده زي ماقلتلك بس مالقتش الجي ام ال 5400

اللى لقيته ده

GM-5500T - 2-Channel Bridgeable Amplifier with 820 Watts Max. and Bass Boost Volume Control | Pioneer Electronics USA

820 وات 2 شانيل ب 590 جنيه بس مكتوب عليه من الجمب 125*2 RMS !! مش عارف بقى بيخرج قد ايه

وده

GM-6500F - 4-Channel Bridgeable Amplifier with 760 Watts Max. Power | Pioneer Electronics USA

760 وات 4 شانيل ب 670 جنيه وتقريبا مكتوب من الجمب 60*4 RMS !! واللى اكتشفته ان مافيش حد في التوفيقية اساسا عارف يعني ايه RMS

على حسب مابصيت في الريفيوهات ان ال 5500 بيطلع 380 RMS في حين ال 4 شانيل بيطلع 340 RMS ده كدة مقارنة سريعة لقتها على النت

بس ال 6500 فيه تحكم HPL ال 5500 مافيهوش بس دي مش فارقة لانها كدة كدة موجودة عندي في الكاسيت

http://www.shopping.com/xSBS-pioneer-gm-5500t-pioneer-gm-6500f~PRDLT-84840139-119361940-119361941#

فانت شايف ايه ؟؟ فرق السعر مش كتير بس انهي اللى هيدي احسن اداء ؟

انت قلتلي انك مركبه دلوقتي على جي ام مطلع 300 طيب لو ركبته على اللي بيطلع 380 مافيش خطورة على الصب حتى ولو على المدى البعيد ؟؟ ومش هيعمل Noise ولا حاجة مع الصوت العالي ؟؟

وانا ان شاء الله بكرة اكلمك نتقابل واخد منك الصب ومعلش تعبناك يا غالي وصدعتك معايا