اقتباس المشاركة الأصلية كتبت بواسطة haygen مشاهدة المشاركة
السلام عليكم عزيزي

انا عندي سيراتو 2010

مين قال ان السيراتو مش تستحمل 5 سنين

أي عربية تستحمل 10 سنين كمان بس بشرط المحافظة والمداومة علي الصيانه الدورية بالتوكيل او المراكز المعتمدة

-----------
فيه دلوئتي عندك اختيارين :-

1- بالنسبة للإختيارات اللي حضرتك ذكرتها (فورد فوكس - تويوتا كورولا) .

زي ما حضرتك بتقول عايز عربية تفضل 5 سنين وما تقلقشي من اعادة البيع .. وشايفك ميال اكتر للكورولا يبقي تستني الشكل الجديد لإني شايف سعرها زياده عن اللزوم في اعلي فئه منها .

حرام تجيب دلوئتي عربية هينزل منها شكل جديد خلال شهور .. وهتخسر فرق الشكل كتير لو فكرت تبيع بعد 5 سنين

2- مش بتفكر في بيع الا بعد 5 سنين "وعايز عربية لأسره"

انصح حضرتك تبص علي العربيتين دول

أ- سوبارو xv عربية ممتازه جدا جدا (ياباني - دفع رباعي - مواصفات امان اعلي من الكورولا)
- يعيبها سعر اعادة البيع لو هتبيع بعد سنه او 2 .. انما لو مش بتفكر في بيع قبل 5 سنين يبقي اتوكل علي الله وهاتها (وقطع الغيار متوفره لدي التوكيل فقط "علي حد علمي")

ب- نيسان قشقاي عربية ممتازه ياباني تقفيل انجليزي .. هينزل منها فيس ليفت السنه القادمة . وكل ملاكها شكروا فيها جدا

فيه اكثر من موضوع تمت اثارته بخصوص استبيان اي عربية فيهم افضل للشراء .. وعلي سبيل المثال

http://www.nilemotors.net/nile/34371...n-qashqai.html

وابحث اكتر قبل ما تشتري

وقبل برضه ما تشتري روح اعمل تست درايف للعربيتين واحكم بنفسك اي عربية انت هتكون مرتاح ليها اكتر

واخيرا اتمني من الله ان يوفقك في الشراء .. والأهم من ذلك استخارة المولي عز وجل

تحياتي

الف شكر على مرورك الرائع نيسان قشقاي خيار جميل نستنى و نشوف .
بس تصحيح بسيط انا عاجباني الفوكس اكتر بس متخوف من الوكيل و قطع الغيار و تمن اعادة البيع
لكن اعتقد ان الكوريلا هيا الخيار الافضل للي عايز يشتري عربيه و يبيعها بعد فترة . مش لانها الافضل لان سمعتها بين الناس احسن بس .
يعني الخلاصة انا شايف الفوكس اجمل و اشيك لكن الكوريلا هي الخيار الاكثر منطقية عشان كدا انا محتار